देशातील सर्वात मोठी टेलीकॉम कंपनी सध्या आपल्या यूजर्स साठी एका पेक्षा एक प्लान सादर करत आहे. कुठे ना कुठे तरी सर्वांना माहिती आहे की हे चांगले प्लान्स आणून कंपनी बाजारातील स्पर्धेत टिकून राहू इच्छिते. बाजारातील आपले स्थान टिकवून ठेवण्यासाठी एयरटेल काही दिवसांपूर्वी 193 रुपयांचा स्पेशल पॅक सादर केला होता तर आता कपंनी ने आपल्या जुन्या 149 रुपयांचा प्लान अपडेट केला आहे.
एयरटेल चा 149 रुपयांचा प्लान 28 दिवसांच्या वैधता सह येतो. या प्लान मध्ये आधी रोज 1जीबी डाटा मिळत होता पण अपडेट नंतर ग्राहकांना 2जीबी डाटा प्रतिदिन मिळेल. म्हणजे जिथे आधी एकूण 28जीबी डाटा मिळत होता तिथे आता 56जीबी डाटा मिळेल. डाटा सह अनलिमिटेड लोकल व एसटीडी वॉयस कॉल मिळतील तसेच रोज 100एसएमएस पण मिळतील.
एयरटेल चा 193 रुपयांचा प्लान एक अॅड आॅन पॅक आहे. हा पॅक कोणत्याही प्लान च्या वॅलिडिटी सोबत जोडला जातो आणि त्या प्लान मध्ये रोज 1जीबी अतिरिक्त डाटा देतो. जर एयरटेल कस्टमर कडे 28 दिवस वॅलिडिटी वाला प्लान आहे ज्यात रोज 1 जीबी डाटा मिळत आहे, त्या प्लान सोबत 193 रुपयांचा अॅड आॅन पॅक घेतल्यास 28 दिवसांसाठी रोज 2जीबी डाटा मिळायला सुरवात होईल.
त्याचप्रमाणे ग्राहकांनी एयरटेल चा 509 रुपयांचा प्लान घेतला असेल जो 90 दिवसांसाठी 1.4जीबी डाटा प्रतिदिन देत असेल आणि या प्लान सोबत 193 रुपयांचा अॅड आॅन पॅक घेतला गेल्यास कस्टमरला 90 दिवसांसाठी रोज 2.4जीबी 4जी डाटा मिळणे सुरू होईल.