स्मार्टफोन डिजाईन मध्ये आजकाल सतत बदल होताना दिसत आहेत. गेल्यावर्ष नॉच डिस्प्ले साठी खास होते तर साल 2019 मध्ये ‘वॉटरड्रॉप नॉच’ आणि पंच होल डिस्प्ले असलेले स्मार्टफोन आपली छाप सोडण्यास तयार आहेत. अलीकडेच सॅमसंग ने वॉटरड्रॉप नॉच सह गॅलेक्सी एम10 लॉन्च केला होता ज्याची किंमत 7,999 रुपये आहे. तर आज भारतात यापेक्षा कमी किंमतीती देशातील सर्वात स्वस्त वॉटरड्रॉप नॉच डिस्प्ले असलेला स्मार्टफोन कूल 3 लॉन्च झाला आहे. हा फोन फक्त 5,999 रुपयांच्या किंमतीती सेल साठी उपलब्ध होईल.
कूलपॅड ने कूल 3 स्मार्टफोन लॉन्च केला आहे. हा फोन बेजल लेस डिजाईन सह ‘यू’ शेप वाल्या छोट्याश्या नॉच डिस्प्ले सह सादर झाला आहे. या नॉचला कंपनी ने ड्यूड्रॉप नॉचचे नाव दिले आहे. कूलपॅड कूल 3 ड्यूड्रॉप नॉच सह लॉन्च होणारा भारतातील सर्वात स्वस्त स्मार्टफोन आहे. कूल 3 चे फीचर्स आणि स्पेसिफिकेशन्स पाहता हा फोन 5.71-इंचाच्या फुलविजन एचडी+ डिस्प्लेला सपोर्ट करतो.
कंपनी ने हा फोन एंडरॉयडच्या लेटेस्ट ऑपरेटिंग सिस्टम एंडरॉयड 9.0 पाई सह सादर केला आहे जो 1.3गीगाहर्ट्ज क्लॉक स्पीड वाल्या ऑक्टा-कोर प्रोसेसर वर चालतो. फोन मधील चिपसेटची माहिती कंपनी ने अजून दिलेली नाही. कूलपॅड ने आपला लेटेस्ट स्मार्टफोन 2जीबी रॅम सह सादर केला आहे. हा फोन 16जीबी इंटरनल स्टोरेजला सपोर्ट करतो जी माइक्रोएसडी कार्ड ने वाढवता येते.
फोटोग्राफी सेग्मेंट पाहता कूलपॅड कूल 3 डुअल रियर कॅमेऱ्याला सपोर्ट करतो. फोनच्या बॅक पॅनल वर एलईडी फ्लॅश सह 8-मेगापिक्सलचा प्राइमरी आणि 0.3-मेगापिक्सलचा सेकेंडरी कॅमेरा सेंसर देण्यात आला आहे. तसेच सेल्फी साठी फोन मध्ये 5-मेगापिक्सलचा फ्रंट कॅमेरा आहे. कूलपॅड कूल 3 बेसिक कनेक्टिविटी फीचर्स सह डुअल सिमला सपोर्ट करतो.
कूलपॅड कूल 3 मध्ये सिक्योरिटी साठी बॅक पॅनल वर फिंगरप्रिंट सेंसर देण्यात आला आहे तसेच हा फोन फेस अनलॉक फीचरला पण सपोर्ट करतो. त्याचबरोबर पावर बॅकअप साठी या फोन मध्ये 3,000एमएएच ची बॅटरी देण्यात आली आहे. कूलपॅड कूल 3 5,999 रुपयांमध्ये मीडनाईट ब्लू, रूबी ब्लॅक, ओशन इंडिगो तसेच टील ग्रीन कलर वेरिएंट मध्ये ऑनलाइन व ऑफलाइन दोन्ही प्लॅटफॉर्म वरून विकत घेता येईल.
