अलिकडेच सॅमसंग ने एक माहिती दिली आहे की कंपनी लवकरच ए सीरीजचे नवीन फोन लॉन्च करणार आहे. तसेच कंपनी ने असे पण सांगितले आहे की प्रत्येक महिन्याला एक फोन लॉन्च करेल. 2019 मध्ये सॅमसंग खुप वेगळ्या योजना घेऊन आल्या आहेत आणि याची सुरवात त्यांनी गॅलेक्सी एम सीरीज लॉन्च करून केली आहे. बोलले जात आहे की कंपनीच्या नव्या गॅलेक्सी ए सीरीजचे फोन पण खुप दमदार असतील. सॅमसंग ने अधिकृतपणे गॅलेक्सी ए सीरीजच्या फोनची माहिती दिली नाही पण लीक मधून मिळालेल्या माहितीनुसार सॅमसंग गॅलेक्सी ए50, गॅलेक्सी ए30 आणि गॅलेक्सी ए20 कंपनी सर्वात आधी लॉन्च करणार आहे. काही दिवसांपूर्वी आम्ही सॅमसंग गॅलेक्सी ए50 चा बॅक पॅनलचा लीक प्रकाशित केला होता. तर आज आमच्याकडे गॅलेक्सी ए20 ची एक्सक्लूसिव माहिती आहे.
आम्हाला सॅमसंग गॅलेक्सी ए20 चा बॅक कवर मिळाला आहे. या कवर वरून तुम्ही फोन डिजाइन बद्दल अंदाज लावू शकता. तुम्ही बघू शकता याची बॉडी पॉलिकार्बोनेटची आहे. फोनच्या बॅक कवर मध्ये डुअल कॅमेरा स्लॉट देण्यात आला आहे आणि त्याखाली लाउडस्पीकर ग्रिल आहे. पण बॅक पॅनल मध्ये फिंगरप्रिंट स्कॅनर देण्यात आलेला नाही. त्यामुळे आशा आहे की या फोन मध्ये फेस अनलॉक सपोर्ट असेल.
तसेच फोनच्या खालच्या पॅनल वर तुम्हाला माइक्रो यूसबी 2.0 स्लॉट दिसेल. सोबत 3.5 एमएम आॅडियो जॅक पण आहे. तसेच छोटासा होल आहे जो माइक्रोफोन साठी आहे. तुम्ही बघू शकता की साइड पॅनल मध्ये एका बाजूला पावर बटन आणी वॉल्यूम साठी स्लॉट देण्यात आला आहे तर दुसर्या बाजूला एक स्लॉट आहे जो सिम साठी असू शकतो.
91मोबाईल्सला सॅमसंग गॅलेक्सी ए20 च्या डिजाइन बद्दल अजुन काही माहिती मिळाली आहे. जसे की या फोन मध्ये दोन सिम सोबत एक माइक्रोएसडी कार्ड स्लॉट देण्यात आला आहे. तसेच गॅलेक्सी एम20 आणि एम10 प्रमाणे गॅलेक्सी ए20 मध्ये पण तुम्हाला वी शेप नॉच मिळेल. आम्हाला जी माहिती मिळाली आहे त्यानुसार कंपनीचा ए सीरीज ऑफलाइन स्टोर साठी येऊ शकतो. विशेष म्हणजे नुकतेच लॉन्च झालेले सॅमसंग गॅलेक्सी एम10 आणि गॅलेक्सी एम20 कंपनीने ऑनलाइन स्टोर मध्ये सादर केले होते तर गॅलेक्सी ए सीरीजचे नवीन फोन ऑफलाइन स्टोर मध्ये येतील.
इतर स्पेसिफिकेशन पाहता सॅमसंग गॅलेक्सी ए20 चे आतापर्यंत अनेक लीक आले आहेत. त्यानुसार हा फोन 3जीबी रॅम सह सादर केला जाऊ शकतो आणि हा एंडरॉयड 9 पाई वर आधारित असेल. गॅलेक्सी ए20 सॅमसंगच्या एक्सनॉस 7885 चिपसेट वर सादर केला जाऊ शकतो त्यासोबत फोन मध्ये ऑक्टाकोर प्रोसेसर मिळू शकतो.
