Vivo काही महिन्यांपूर्वी भारतात आपली नवीन टी सीरिज सादर केली होती. या सीरिज अंतर्गत कंपनीनं तीन स्मार्टफोन सादर केले आहेत. आता त्यात बजेट फ्रेंडली Vivo T1x स्मार्टफोनची भर टाकण्यात आली आहे. या फोनमध्ये 6.58-इंचाचा FHD+ डिस्प्ले, Snapdragon 680 प्रोसेसर, 4G नेटवर्क कनेक्टिव्हिटी, Android 12 OS, 5000mAh बॅटरीसह 18W फास्ट चार्जिंग आणि 50MP प्रायमरी कॅमेरा देण्यात आला आहे. किंमत कमी असून देखील या हँडसेटमध्ये गेमिंग फ्रेंडली फीचर्स देखील देण्यात आले आहेत. ज्यात 4-लेयर ग्रॅफाइट कूलिंग प्लेट, हाय हीट कंडक्टिविटी कॉपर फॉईल, थर्मली कंडक्टिव जेल आणि कूलिंग टर्बो कूलिंग सिस्टम देण्यात आली आहे जी गेमिंग करताना फोनला वेगानं थंड करते.
Vivo T1x ची किंमत
Vivo T1x स्मार्टफोनचा दोन व्हेरिएंट सादर करण्यात आले आहेत. याच्या बेस व्हेरिएंट 4GB रॅम व 64GB स्टोरेज मिळते जो 11,999 रुपयांमध्ये सादर करण्यात आला आहे. तर 6GB रॅम आणि 128GB स्टोरेज मॉडेलसाठी 12,999 रुपये द्यावे लागतील. Vivo T1x स्मार्टफोन भारतात 27 जुलैपासून विक्रीसाठी येईल. हा हँडसेट फ्लिपकार्टसह विवोच्या ई-स्टोरवरून विकत घेता येईल. लाँच ऑफर अंतर्गत HDFC बँकेच्या क्रेडिट आणि डेबिट कार्डवर 1000 रुपयांचा डिस्काउंट मिळेल. हे देखील वाचा: 50MP कॅमेऱ्यासह झाली Vivo च्या स्वस्त 5G स्मार्टफोनची एंट्री; 12GB रॅमसह मीडियाटेक प्रोसेसरची ताकद
Vivo T1x चे स्पेसिफिकेशन्स
- 6.58-inch Full HD+ डिस्प्ले (90Hz रिफ्रेश रेट)
- Qualcomm Snapdragon 680 प्रोसेसर
- 6GB पर्यंत रॅम आणि 128GB स्टोरेज
- Android 12 OS
- 50MP + 2MP ड्युअल रियर कॅमेरा
- 8MP सेल्फी शूटर
- 5000mAh बॅटरी, 18W फास्ट चार्जिंग
Vivo T1x स्मार्टफोनमध्ये 6.58-इंचाचा Full HD+ 2.5D LCD डिस्प्ले देण्यात आला आहे, ज्याचे रिजोल्यूशन 2408×1080 पिक्सल देण्यात आला आहे. या फोनमध्ये सेल्फी कॅमेऱ्यासाठी वॉटरड्रॉप नॉच मिळते. हा डिस्प्ले 90.6 टक्के स्क्रीन टू बॉडी रेश्यो आणि 90Hz रिफ्रेश रेटला सपोर्ट करतो. Vivo T1x स्मार्टफोनमध्ये ड्युअल रियर कॅमेरा सेटअप देण्यात आला आहे. ज्यात 50MP चा प्रायमरी कॅमेरा आणि 2MP चा मॅक्रो सेन्सर आहे. सेल्फी आणि व्हिडीओ कॉलिंगसाठी 8MP चा फ्रंट कॅमेरा आहे. हे देखील वाचा: 32MP च्या सेल्फी कॅमेऱ्यासह शानदार Vivo V25 Pro येणार भारतात; लाँचपूर्वीच जाणून घ्या स्पेसिफिकेशन्स
फोनमध्ये Qualcomm चा Snapdragon 680 प्रोसेसर आणि ग्राफिक्ससाठी Adreno 610 GPU देण्यात आला आहे. सोबतीला 6GB पर्यंत RAM आणि 128GB पर्यांतची इंटरनल स्टोरेज आहे. तसेच व्हर्च्युअल रॅम फिचरच्या मदतीनं 2GB अतिरिक्त रॅम देखील मिळतो. विवोचा हा फोन Android 12 आधारित Funtouch OS कस्टम स्किन वर चालतो. स्मार्टफोनमध्ये साइड माउंटेड फिंगरप्रिंट सेन्सरची सुरक्षा मिळते. यात 5000mAh ची बॅटरी देण्यात आली जी 18W फास्ट चार्जिंगला सपोर्ट करते. तसेच कंपनी या फोनमध्ये VEG (Vivo Energy Guardian) टेक्नॉलॉजी दिली आहे जी बॅटरी एफिशियंसी वाढवते.
