Infinix Zero Ultra आणि Infinix Zero 20 उद्या म्हणजे 20 डिसेंबरला भारतात लाँच होणार आहेत. दोन्ही स्मार्टफोन पावरफुल स्पेसिफिकेशन्स आणि हाय क्वॉलिटी कॅमेरा सेटअपसह बाजारात येतील. परंतु यातील अल्ट्रा मॉडेल भारतातील सर्वात पहिला 200MP Camera Phone ठरू शकतो. जागतिक बाजारात हे दोन्ही स्मार्टफोन आधीच उपलब्ध आहेत आणि आता या इननिफिक्स मोबाइल्सच्या भारतीय किंमतीची माहिती लीक झाली आहे. कंपनीच्या अल्ट्रा मॉडेलच्या किंमतीचा खुलासा झाला आहे, रॅम व स्टोरेज व्हेरिएंट आणि किंमतीची माहिती पुढे देण्यात आली आहे.
Infinix ZERO ULTRA ची भारतीय किंमत
20 डिसेंबरच्या भारतीय लाँच पूर्वीच इनफिनिक्स झिरो अल्ट्राच्या किंमतीचा खुलासा झाला आहे. Phoneev नं आपल्या रिपोर्टमध्ये या फोनची भारतीय प्राइस लीक केली आहे जी 44,999 रुपये असल्याचं सांगण्यात आला आहे. रिपोर्टनुसार या मोबाइल फोनवर 49,999 रुपयांचा प्राइस टॅग देण्यात येईल आणि 44 हजार 999 मध्ये हा सेलसाठी उपलब्ध होईल. रिपोर्टमध्ये दावा करण्यात आला आहे की Infinix Zero Ultra 8GB RAM + 256GB storage चा एकच व्हेरिएंट भारतात विकला जाईल. हे देखील वाचा: BGMI पुन्हा येणार का भारतात? जाणून घ्या कंपनीची योजना; सुरु केली तयारी
Infinix ZERO ULTRA च्या ग्लोबल मॉडेलचे स्पेसिफिकेशन
जागतिक बाजारात Infinix Zero Ultra 5G स्मार्टफोन 6.8 इंचाच्या 3D कर्व्ड AMOLED डिस्प्लेसह लाँच झाला आहे, ज्याचे रिजोल्यूशन FHD+, रिफ्रेश रेट 120Hz आणि टच सॅम्पलिंग रेट 360Hz आहे. हा फोन इन डिस्प्ले फिंगरप्रिंट सेन्सरसह बाजारात आला आहे. इनफिनिक्सचा लेटेस्ट स्मार्टफोन Android 12 आधारित XOS 12 वर चालतो.
प्रोसेसिंगसाठी या फोनमध्ये MediaTek Dimensity 920 SoC ची पावर देण्यात आली आहे, तर ग्राफिक्ससाठी Mali G68 जीपीयू आहे. जोडीला 8GB RAM आणि 256GB स्टोरेज आहे. पावर बॅकअपसाठी यात 180W थंडर चार्जसह 4500mAh ची बॅटरी देण्यात आली आहे जी फक्त 12 मिनिटांत फुल चार्ज होऊ शकते. कनेक्टिव्हिटीसाठी जीपीएस, ब्लूटूथ, 3.5mm ऑडिओ जॅक यूएसबी टाइप-सी पोर्ट, वायफाय 6 आणि 5जी असे ऑप्शन मिळतात.
इनफिनिक्सच्या लेटेस्ट फ्लॅगशिप स्मार्टफोनमध्ये ट्रिपल रियर कॅमेरा सेटअप मिळतो. यातील मुख्य कॅमेरा 200 मेगापिक्सलचा आहे जो OIS सपोर्ट असलेला एक 1/1.22 इंच सेन्सर आहे. जोडीला 13 मेगापिक्सलचा अल्ट्रा वाइड कॅमेरा आणि 2 मेगापिक्सलचा डेप्थ कॅमेरा मिळतो. यातील 32 मेगापिक्सलचा सेल्फी कॅमेरा देखील ड्युअल एलईडी फ्लॅशसह येतो.
Infinix Zero 20 च्या ग्लोबल मॉडेलचे स्पेसिफिकेशन्स
इनफिनिक्स झिरो 20 स्मार्टफोन 1080 x 2400 पिक्सल रिजोल्यूशन असलेल्या 6.7 इंचाच्या फुलएचडी प्लस नॉच डिस्प्लेवर लाँच झाला आहे. फोनची स्क्रीन अ‍ॅमोलेड पॅनलवर बनली आहे जी 90हर्ट्ज रिफ्रेश रेटवर चालते. फोटोग्राफीसाठी इनफिनिक्स झिरो 20 108MP+13MP+2MP ट्रिपल रियर कॅमेऱ्याला सपोर्ट करतो. तसेच सेल्फी आणि व्हिडीओ कॉलिंगसाठी नवीन Infinix Zero 20 मध्ये 60 मेगापिक्सलचा फ्रंट कॅमेरा मिळतो. हे देखील वाचा: स्वदेशी कंपनीची कमाल! चिनी कंपन्यांना सडेतोड उत्तर देण्यासाठी 6,999 रुपयांमध्ये दमदार स्मार्टफोन
Infinix Zero 20 अँड्रॉइड आधारित एक्सओएस 12 वर चालतो. ऑक्टाकोर प्रोसेसरसह या स्मार्टफोनमध्ये 6 नॅनोमीटर फॅब्रिकेशनवर बनलेला मीडियाटेक हीलियो जी99 चिपसेट देण्यात आला आहे. बाजारात हा इनफिनिक्स मोबाइल 8 जीबी रॅम आणि 256 जीबी स्टोरेजसह लाँच करण्यात आला आहे. इनफिनिक्स स्मार्टफोन 3.5एमएम जॅक सोबतच अन्य बेसिक कनेक्टिव्हिटी फीचर्सला सपोर्ट करतो. पावर बॅकअपसाठी फोनमध्ये 4,500एमएएच बॅटरी देण्यात आली आहे जी 45वॉट फास्ट चार्जिंग टेक्नॉलॉजीसह येते.
