Vivo अंतर्गत हिट झाल्यानंतर iQOO आता एक वेगळा ब्रँड बनला आहे. फेब्रुवारी मध्ये आईक्यूने भारतीय बाजारात स्वतंत्र ब्रँड म्हणून आपला पहिला स्मार्टफोन iQOO 3 नावाने बाजारात आणला होता. हा फोन 4G आणि 5G दोन मॉडेल्स मध्ये लॉन्च झाला होता. भारतात लोकप्रिय झालेल्या आईक्यू 3 नंतर आता कंपनी लवकरच अजून एक नवीन फोन iQOO Neo 3 आणण्याची तयारी करत आहे. या फोन बद्दल आतापर्यंत अनेक लिस्टिंग व लीक्स आले आहेत. आज पुन्हा iQOO Neo 3 ची एक मोठी बातमी समोर आली आहे. ताज्या बातमी मध्ये आईक्यू नियो 3 च्या अनेक महत्वाच्या स्पेसिफिकेशन्सचा खुलासा केला गेला आहे.
iQOO Neo 3 संबंधित हि बातमी चीनी माइक्रोब्लागिंग साइट वेईबोच्या माध्यमातून मिळाली आहे. वेइबो पोस्टनुसार आईक्यू नियो 3 कंपनी 120हर्ट्ज रिफ्रेश रेट असलेल्या डिस्प्ले सह लॉन्च करेल. विशेष म्हणजे जर असे झाले तर iQOO Neo 3 ब्रँडचा पहिला फोन असेल जो या रिफ्रेश रेटला सपोर्ट करेल. या फोन मध्ये पंच-होल डिस्प्ले दिली जाईल आणि हा होल स्क्रीनच्या उजवीकडे असेल.
iQOO Neo 3 चे इतर स्पेसिफिकेशन्स पाहता हा फोन एंडरॉयडच्या लेटेस्ट ओएस एंडरॉयड 10 वर सादर केला जाईल जो वीवोच्या यूजर इंटरफेस फनटच ओएस वर चालेल. तसेच प्रोसेसिंगसाठी या फोन मध्ये क्वॉलकॉमचा सर्वात पावरफुल चिपसेट स्नॅपड्रॅगॉन 865 मिळेल. वेईबो वर सांगण्यात आले आहे कि iQOO Neo 3 बाजारात V1981A मॉडेल नंबर सह येईल. तसेच या फोन मध्ये 6 जीबी रॅम सह 128 जीबी इंटरनल स्टोरेज असल्याचे या लीक मध्ये समोर आले आहे. iQOO Neo 3 च्या ठोस स्पेसिफिकेशन्स आणि लॉन्चसाठी कंपनीच्या घोषणेची वाट बघावी लागेल.
iQOO 3
iQOO 3 दोन मॉडेल्स मध्ये लॉन्च झाला आहे ज्यात 5G आणि 4G चा समावेश आहे. आईक्यू फोन LPDDR5 रॅम आणि UFS 3.1 Flash Storage ला सपोर्ट करतो. सर्वात आधी 5G मॉडेल बद्दल बोलायचे तर हा फोन 12 जीबी रॅम सह 256 जीबी इंटरनल स्टोरेजला सपोर्ट करतो. कंपनीने आईक्यू 3 चा 5जी मॉडेल 44,990 रुपयांमध्ये लॉन्च केला गेला आहे.
तसेच iQOO 3 चा 4G मॉडेल कंपनीने दोन वेरिएंट्स मध्ये लॉन्च केला आहे. फोनचा बेस वेरिएंट 8 जीबी रॅम सह 128 जीबी इंटरनल स्टोरेजला सपोर्ट करतो तर दुसर्या वेरिएंट मध्ये 8 जीबी रॅम सह 256 जीबी इंटरनल मेमरी देण्यात आली आहे. किंमत पाहता iQOO 3 4G चा 8 जीबी रॅम + 128 जीबी स्टोरेज वेरिएंट 36,990 रुपये तर 8 जीबी रॅम + 256 जीबी स्टोरेज वेरिएंट 39,990 रुपयांमध्ये लॉन्च केला गेला आहे.
