LG च्या अपकमिंग डुअल स्क्रीन फोन बाबत अनेक दिवसांपासून लीक व माहिती समोर येत आहे. आता कंपनीने आपल्या ग्लोबल यूट्यूब चॅनेल वर एक वीडियो पोस्ट करून या फोनच्या लॉन्च डेटची घोषणा केली आहे. 30 सेकंदांच्या वीडियो मध्ये कंपनीने फोन टीज केला आहे आणि शेवटी सांगितले आहे कि 14 सप्टेंबरला एका इवेंटचे आयोजन केले जाईल. LG ने Explorer Project ची घोषणा केली आहे, ज्याचा उद्देश्य “distinctive and yet unexplored usability experiences” सह नवीन स्मार्टफोन सादर करणे आहे.
कंपनीनुसार नवीन प्रोजेक्टचा उद्देश्य यूजर एक्सपीरियंस चांगला करणे आणि नवीन यूजिबिलिटी वर लक्ष केंद्रित करणे आहे. कंपनीने शेयर केलेल्या वीडियो मध्ये नावाचा खुलासा झाला नाही. पण फोनची डिजाइन पाहून वाटत आहे कि लॉन्च होणारा फोन “Wing” असेल, जो काही दिवसांपूर्वी लीक वीडियो मध्ये समोर आला होता.हा हँडसेट रोटेटिंग आणि डुअल स्क्रीन एक्सपीरियंस सह येईल.
इवेंटची वेळ
एलजी ने नवीन फोन बाबत खास माहिती दिली नाही. पण कंपनी हा इवेंट वर्चुअली आयोजित करेल, जो 14 सप्टेंबरला LG Mobile Global Facebook आणि YouTube चॅनेल वर 10AM ET ( भारतीय वेळेनुसार 7:30pm) सुरु होईल.
LG Wing ची डिजाइन
आता पर्यंत समोर आलेल्या माहितीनुसार एलजी चा नवीन स्मार्टफोन टी-आकारच्या डिजाइन सह येईल. या डिजाइनमुळे यूजर्स स्क्रीन वर कॉन्टेंट हॉरिजॉन्टली पण बघू शकतील, तर दुसरी स्क्रीन वर्टिकली असेल. काही दिवसांपूर्वी समोर आलेल्या फोटोजनुसार फोनच्या फ्रंट स्क्रीन मध्ये चारही बाजूंना बारीक बेजल्स दिसत आहेत, ज्यात कोणतीही नॉच किंवा पंच होल नाही. एका लीकनुसार फोनचा प्राइमरी डिस्प्ले 6.8 इंचाचा असू शकतो. सेकेंडरी डिस्प्ले बद्दल बोलले जात आहे कि हा 4 इंचाचा असू शकतो.
डिवाइस LGE LM-F100N मॉडेल नंबर सह गीकबेंच वर दिसला होता. बेंचमार्किंग साइट वर हँडसेटला सिंगल-कोर मध्ये 601 आणि मल्टीकोर टेस्ट मध्ये 1843 स्कोर मिळाला होता. लिस्टिंग वरून माहिती समोर आली होती कि फोन ऑक्टा-कोर क्वालकॉम स्नॅपड्रॅगॉन प्रोसेसर सह येईल जो 1.80 बेस क्लॉक फ्रिकूएंसी सह येईल. LGE LM-F100N क्वालकॉम स्नॅपड्रॅगॉन 765G सह सादर केला जाईल. गीकबेंच टेस्टनुसार स्मार्टफोन मध्ये 8जीबी रॅम आणि एंडरॉयड 10 ऑपरेटिंग सिस्टम असेल.
