Xiaomi ने काल ग्लोबल मार्केट मध्ये एका वर्चुअल इवेंट मध्ये आपली Mi 10T सीरीज सादर केली आहे. या सीरीज मध्ये कंपनीने Mi 10T 5G, Mi 10T Pro 5G आणि Mi 10T Lite 5G आणले आहेत. या सीरीज मध्ये सादर केला गेलेला मी 10 लाइट 5जी नवीन क्वालकॉम स्नॅपड्रॅगॉन 750G प्रोसेसर सह येतो. तसेच लुकच्या बाबतीत हा बऱ्याचअंशी भारतात लॉन्च झालेल्या Poco X3 सारखा वाटतो.
डिस्प्ले
Mi 10T Lite 5G पण कंपनीने Mi 10T 5G आणि Mi 10T Pro 5G प्रमाणेच पंच-होल डिस्प्ले वर लॉन्च केला आहे. फ्रंट पॅनल वर स्क्रीनच्या तीन कडा बेजल लेस आहेत तसेच खालच्या बाजूला बारीक चिन पार्ट देण्यात आला आहे. स्क्रीनच्या वरच्या बाजूला मधोमध सेल्फी कॅमेरा असलेला पंच-होल आहे. मी 10टी लाइट 5जी 20:9 आस्पेक्ट रेशियो वर लॉन्च केला गेला आहे जो 2280 x 1080 पिक्सल रेज्ल्यूशन असलेल्या 6.67 इंचाच्या फुलएचडी+ डिस्प्लेला सपोर्ट करतो. या फोनची स्क्रीन कोर्निंग गोरिल्ला ग्लास 5 प्रोटेक्टेड आहे तसेच 120हर्ट्ज रिफ्रेश रेट आणि 240हर्ट्ज टच सॅम्पलिंग रेटला सपोर्ट करते.
फीचर्स आणि स्पेसिफिकेशन्स
Xiaomi Mi 10T Lite 5G अँड्रॉइड 10 ओएस वर लॉन्च केला गेला आहे जो मीयूआई 12 सह चालतो. त्याचप्रमाणे प्रोसेसिंगसाठी या फोन मध्ये क्वॉलकॉमचा सर्वात तेज 5जी चिपसेट असलेला स्नॅपड्रॅगॉन 750G देण्यात आला आहे. तसेच डिवाइस मध्ये 6GB पर्यंत रॅम आणि 128GB पर्यंत स्टोरेज आहे.
Xiaomi Mi 10T Lite 5G मध्ये क्वाड कॅमेरा सेटअप मागे देण्यात आला आहे. या सेटअप मध्ये 64MP प्राइमरी सेंसर, 13MP ची अल्ट्रा-वाइड लेंस, 2MP ची मॅक्रो लेंस आणि 2MP चा डेप्थ सेंसर पोर्टेट शॉट्ससाठी देण्यात आला आहे. तसेच फ्रंटला सेल्फी आणि वीडियो कॉलिंगसाठी 16MP चा कॅमेरा आहे.
Mi 10T Lite 5G 4,820mAh च्या मोठ्या बॅटरी सह लॉन्च केला गेला आहेत. हा फोन 33वॉट फास्ट चार्जिंगला सपोर्ट करतो जी फोन वेगाने चार्ज करण्यास सक्षम आहे. चांगली बाब अशी आहे कि 33वॉटचा चार्जर फोन सोबत दिला जाईल. तसेच फोन मध्ये यात थर्मल मॅनेजमेंटसाठी एक लिक्विडकूल टेक्नॉलॉजी पण आहे.
कनेक्टिविटी ऑप्शनसाठी फोन मध्ये 5 जी, 4 जी एलटीई, वाई-फाई, ब्लूटूथ, जीपीएस / ए-जीपीएस, एनएफसी आणि एक यूएसबी टाइप-सी पोर्टचा समावेश आहे. तसेच डिवाइस अँड्रॉइड 10 ओएस वर लॉन्च केला गेला आहे जो मीयूआई 12 सह चालतो.
किंमत
Mi 10T Lite 5G बाजारात दोन वेरिएंट्स मध्ये लॉन्च केला गेला आहे. फोनच्या बेस वेरिएंट मध्ये 6 जीबी रॅम सह 64 जीबी इंटरनल स्टोरेज वेरिएंटची किंमत EUR 279 (जवळपास 24,000 रुपये), त्याचप्रमाणे दुसरा वेरिएंट 6 जीबी रॅम सह 128 जीबी स्टोरेज असलेल्या वेरिएंटची किंमत EUR 329 (जवळपास 28,300 रुपये) आहे. तसेच फोनचा बेस वेरिएंट फ्लॅश सेल मध्ये EUR 249 मध्ये मिळेल जो 13 ऑक्टोबरला होईल. फोन Atlantic Blue, Rose Gold Beach आणि Pearl Gray कलर ऑप्शन मध्ये येतो.
