इंडियन मोबाईल कंपनी Micromax ने स्मार्टफोन बाजारात नवीन सुरवात करत दोन नवीन स्मार्टफोन काही दिवसांपूर्वी लॉन्च केले आहेत. हे मोबाईल फोन्स Micromax In Note 1 आणि Micromax In 1b नावाने बाजारात आले आहेत जे कमी किंमतीत चांगले स्पेसिफिकेशन्स देतात. हे मोबाईल फोन्स घेऊन येण्याच्या आधी कंपनीने थेट चीनी कंपन्यांवर हल्ला चढवला होता आणि ‘आओ चीनी कम करें’ सारख्या टॅग लाईनचा वापर करत आपले स्मार्टफोन्सना ‘इंडियन’ असल्याचे सांगितले होते. पण आता माहिती समोर येत आहे कि माइक्रोमॅक्सचा फोन पूर्णपणे ‘Made In India’ नाही आणि याच्या निर्मितीत चीनी कंपनीची मदत घेण्यात आली आहे.
Micromax चे सीईओ राहुल शर्मा यांनी एका व्हिडीओ मध्ये हि गोष्ट कबूल केली आहे कि Micromax In Note 1 स्मार्टफोन पूर्णपणे मेड इन इंडिया फोन नाही आणि याच्या निर्मितीत चायनाची पण मदत आहे. राहुल यांनी सांगितले आहे कि माइक्रोमॅक्स इन नोट स्मार्टफोन मध्ये वापरण्यात आलेली बॅटरी चीन वरून मागवण्यात आली आहे. पण दुसरा फोन Micromax In 1b कंपनी सीईओने शंभर टक्के ‘Made In India’ स्मार्टफोन असल्याचे सांगितले आहे ज्याचे सर्व पार्ट्स भारतातच बनले आहेत.
Micromax In Note 1 च्या बॅटरी बद्दल कंपनी अधिकाऱ्यांनी सफाई पण दिली आहे कि या फोन मध्ये वापरल्या जाणाऱ्या बॅटरीच्या कंपनीला सर्टिफिकेशन्स मिळाले नव्हते. त्यामुळे फोन बाजारात आणण्यासाठी चीनी कंपनीची मदत घ्यावी लागली आणि स्मार्टफोन मध्ये वापरण्यात आलेली बॅटरी चायनावरून आयात करावी लागली. तसेच माइक्रोमॅक्सच्या सीईओने असे पण सांगितले आहे कि फोनची बॅटरी सोडून इतर सर्व पार्ट्स तसेच दुसरा स्मार्टफोन माइक्रोमॅक्स इन 1बी ची निर्मिती भारतात बनवण्यात आलेल्या पार्ट्स आणि भारतीय कारागिरांद्वारे करण्यात आली आहे.
अशी आहे दोन्ही स्मार्टफोन्सची किंमत
Micromax IN 1b कंपनीने दोन वेरिएंट्स मध्ये लॉन्च केला गेला आहे. फोनचा बेस वेरिएंट 2 जीबी रॅम सह 32 जीबी इंटरनल स्टोरेजला सपोर्ट करतो तसेच दुसऱ्या वेरिएंट मध्ये 4 जीबी रॅम व 64 जीबी इंटरनल मेमरी देण्यात आली आहे. फोनच्या 2 जीबी रॅम + 32 जीबी स्टोरेज वेरिएंटची किंमत 6,999 रुपये आहे तसेच फोनचा 4 जीबी रॅम + 64 जीबी स्टोरेज वेरिएंट 7,999 रुपयांमध्ये लॉन्च झाला आहे.
Micromax In Note 1 ने पण दोन वेरिएंट्स मध्ये मार्केट मध्ये एंट्री केली आहे. फोनचा बेस वेरिएंट 4 जीबी रॅम तसेच 64 जीबी स्टोरेज वर लॉन्च केला गेला आहे तसेच दुसऱ्या वेरिएंट मध्ये 6 जीबी रॅम सह 64 जीबी इंटरनल मेमरी देण्यात आली आहे. फोनच्या 4 जीबी रॅम वेरिएंटची किंमत 10,999 रुपये आहे तसेच मोठा 6 जीबी रॅम वेरिएंट माइक्रोमॅक्सद्वारे 12,999 रुपयांमध्ये लॉन्च केला गेला आहे. दोन्ही फोन ई-कॉमर्स साइट फ्लिपकार्ट आणि कंपनीच्या ऑफिशियल साइट वर विक्रीसाठी उपलब्ध आहेत.
