OnePlus नं आपल्या किफायतशीर नॉर्ड सीरिजचा विस्तार केला आहे. जागतिक बाजारात लाँच झालेल्या OnePlus Nord 2T स्मार्टफोनची भारतात एंट्री झाली आहे. कंपनीचे चाहते गेले कित्येक दिवस या मिडरेंज स्मार्टफोनची वाट पाहत होते. हा फोन गेल्यावर्षी लाँच झालेल्या Nord 2 ची जागा घेईल. OnePlus Nord 2T 5G मध्ये मीडियाटेकचा Dimensity 1300 प्रोसेसर देण्यात आला आहे.
OnePlus Nord 2T चे स्पेसिफिकेशन्स
OnePlus Nord 2T स्मार्टफोनमध्ये 90Hz रिफ्रेश रेट असलेला 6.43-इंचाचा AMOLED डिस्प्ले देण्यात आला आहे. या डिस्प्लेचे रिजोल्यूशन Full HD+ आहे. सुरक्षेसाठीसाठी स्क्रीनला Corning Gorilla Glass 5 ची कोटिंग देण्यात आली आहे. वनप्लसच्या या फोनमध्ये अलर्ट स्लाइडर देण्यात आला आहे. त्याचबरोबर इन-डिस्प्ले फिंगरप्रिंट स्कॅनरची सुरक्षा मिळते. फोनमध्ये X-अ‍ॅक्सिस लीनियर मोटर, 4×4 MIMO, 5G, 4G LTE, Bluetooth 5.2, ड्युअल बँड Wi-Fi, NFC, आणि ड्युअल रियर स्टीरियो स्पिकर देखील मिळतो.
वनप्लसच्या या फोनमध्ये MediaTek चा Dimensity 1300 प्रोसेसर देण्यात आला आहे. तसेच फोनमध्ये 12GB पर्यंतचा LPDDR4X RAM आणि 256GB पर्यंतची स्टोरेज मिळते. वनप्लसचा हा फोन अँड्रॉइड 12 आधारित OxygenOS 12 वर चालतो. OnePlus Nord 2T स्मार्टफोनमध्ये 4,500mAh ची बॅटरी आणि 80W SUPERVOOC चार्ज सपोर्टसह देण्यात आली आहे.
OnePlus Nord 2T स्मार्टफोनमध्ये ट्रिपल रियर कॅमेरा सेटअप आहे. ज्यात 50MP चा Sony IMX766 प्रायमरी कॅमेरा सेन्सर OIS सपोर्टसह देण्यात आला आहे. त्याचबरोबर फोनमध्ये 8MP ची अल्ट्रा वाईड अँगल लेन्स आणि 2MP ची मोनो लेन्स मिळते. सेल्फी आणि व्हिडीओ कॉलिंगसाठी 32MP चा Sony IMX615 कॅमेरा मिळतो.
OnePlus Nord 2T 5G ची किंमत
OnePlus Nord 2T स्मार्टफोनचे दोन व्हेरिएंट भारतात लाँच करण्यात आले आहेत, ज्यात 8GB RAM + 256GB आणि 12GB RAM + 256GB व्हेरिएंटचा समावेश आहे. यातील 8GB RAM ची किंमत 28,999 रुपये ठेवण्यात आली आहे. तर 12GB RAM मॉडेल 33,999 रुपयांमध्ये विकत घेता येईल. खरेदीसाठी आयसीआयसीआय बँकेच्या कार्डचा वापर केल्यास 1,500 रुपयांची सूट मिळेल. हा फोन 5 जुलै पासून Amazon, OnePlus.in, आणि OnePlus च्या स्टोरवर ग्रे शॅडो आणि झेड फॉग कलर ऑप्शनमध्ये विकत घेता येईल.
