वनप्लसनं फेब्रुवारी महिन्यात भारतात OnePlus 11 आणि OnePlus 11R स्मार्टफोन लाँच करण्यासोबतच आपला पहिला टॅबलेट डिवायस OnePlus Pad देखील सादर केला होता. कंपनीनं टॅबलेटचे सर्व फीचर्स व स्पेसिफिकेशन्सची माहिती दिली आहे परंतु आतापर्यंत प्राइस व सेलची माहिती दिली नाही. परंतु आज एक नवीन लीकमध्ये वनप्लस पॅडची किंमत देखील समोर आली आहे.
वनप्लस पॅडची किंमत
OnePlus Pad च्या किंमतीची माहिती टिपस्टर मुकुल शर्माच्या माध्यमातून समोर आली आहे. ट्वीटमध्ये मुकुलनं या टॅबलेट डिवायसचा फोटो शेयर करण्यासोबतच प्राइस देखील दाखवली आहे. दावा केला आहे की वनप्लस पॅड भारतात 39,999 रुपयांमध्ये सेलसाठी उपलब्ध होईल. परंतु असं देखील होऊ शकतं की ही टॅबलेटची ऑफर प्राइस असेल आणि मूळ किंमत 42,999 रुपये असू शकते.
वनप्लस पॅड इंडिया लाँच
OnePlus Pad ई-कॉमर्स साइट अॅमेझॉन इंडियावर लिस्ट करण्यात आला आहे जिथे फोनचं प्रोडक्ट पेज लाइव्ह आहे. अॅमेझॉनवर टॅबलेटची लाँच डेट तर घोषित केली नाही परंतु तिथे ‘कमिंग सून’ लिहिण्यात आलं आहे. तसेच आम्हाला आशा आहे की कंपनी या महिन्यात म्हणजे एप्रिलच्या अखेरपर्यंत वनप्लस पॅड भारतात ऑफिशियली अनाउंस करून याची विक्री सुरु करेल.
वनप्लस पॅडचे स्पेसिफिकेशन्स
- 11.61″ Display
- 7:5 Aspect Ratio
- 144Hz Refresh Rate
OnePlus Pad 7:5 अॅस्पेक्ट रेशियोवर बनला आहे ज्याला कंपनीनं ReadFit Screen असं नाव दिलं आहे. हा 2800 × 2000 पिक्सल रिजोल्यूशन असलेल्या 11.61 इंच डिस्प्लेला सपोर्ट करतो जो एलसीडी पॅनलवर बनला आहे तसेच 144हर्ट्ज रिफ्रेश रेटवर काम करतो. स्क्रीनवर एचडीआर 10+, 500निट्स ब्राइटनेस आणि 296पीपीआय सारखे फीचर्स मिळतात. या टॅबलेट डिवायसची जाडी फक्त 6.54एमएम आहे तसेच याचे वजन 552ग्राम आहे.
- 12GB RAM
- MediaTek Dimensity 9000
वनप्लस पॅड स्टाईलिश आहेच तसेच पावरफुल देखील आहे. हा टॅबलेट मीडियाटेक डिमेनसिटी 9000 प्रोसेसरवर चालतो. हा डिवायस 12 जीबी रॅमला सपोर्ट करतो जो LPDDR5 RAM टेक्नॉलॉजीवर चालतो. तसेच वनप्लस पॅडमध्ये UFS 3.1 Storage देण्यात आली आहे. हा वनप्लस टॅबलेट लेटेस्ट अँड्रॉइड ओएस 13 वर सादर करण्यात आला आहे.
- 13MP Rear Camera
- 8MP Front Camera
फोटोग्राफीसाठी वनप्लस पॅडच्या बॅक पॅनलवर 13 मेगापिक्सलचा सिंगल रियर कॅमेरा सेन्सर देण्यात आला आहे. तर सेल्फी आणि व्हिडीओ कॉलिंगसाठी हा टॅबलेट डिवायस 8 मेगापिक्सलच्या फ्रंट कॅमेऱ्याला सपोर्ट करतो. या टॅबलेटमध्ये ईआयएस स्टेबीलायजेशन फीचर देण्यात आलं आहे तर रियर कॅमेऱ्यात 4के व्हिडीओ तसेच फ्रंट कॅमेऱ्यात 1080पी व्हिडीओ रेकॉर्ड करता येतो.
- 67W Fast Charging
- 9,510mAh Battery
पावर बॅकअपसाठी OnePlus Pad 9,510एमएएचच्या दमदार बॅटरीसह येतो. तसेच मोठी बॅटरी वेगानं चार्ज करण्यासाठी यात 67वॉट फास्ट चार्जिंग टेक्नॉलॉजी देण्यात आली आहे. फोटोग्राफी सेग्मेंट पाहता, याच्या बॅक पॅनलवर 13 मेगापिक्सलचा कॅमेरा सेन्सर देण्यात आला आहे तर फ्रंट पॅनलवर 8 मेगापिक्सलचा सेल्फी सेन्सर आहे.
