Samsung लवकरच भारतात आपली गॅलेक्सी एम सीरीज वाढवत नवीन स्मार्टफोन Galaxy M40 लॉन्च करणार आहे. कपंनीने अधीकृत घोषणा केली आहे कि येत्या 11 जूनला हा स्मार्टफोन भारतीय बाजारात लॉन्च केला जाईल. Galaxy M40 बद्दल शॉपिंग साइट अमेझॉन इंडिया वर पण प्रोडक्ट पेज बनवण्यात आले आहे ज्यावरून स्पष्ट झाले आहे कि हा स्मार्टफोन याच ई-कॉमर्स साइट वर विकला जाईल. आज अनेक लीक्स मध्ये आम्ही Galaxy M40 संबंधित एक्सक्लूसिव बातमी घेऊन आलो आहोत ज्यातून लॉन्चच्या आधी तुम्हाला फोनच्या महत्वाच्या स्पेसिफिकेशन्सची माहिती मिळेल.
91मोबाईल्सला Samsung Galaxy M40 ची हि माहिती स्वतः सॅमसंग स्मार्टफोन बिजनेस इंडिया हेड आणि सिनियर वाइस प्रेजिडेंट असीम वारसी यांनी दिली आहे. असीम यांनी 91मोबाईल्सशी बोलताना फक्त कंपनीच्या आगामी स्मार्टफोन Galaxy M40 बद्दल सांगितले नाही तर सोबतच सॅमसंग मोबाईल्सची भारतातील स्ट्रेटजी आणि अडथळ्यांची पण चर्चा केली.
Samsung Galaxy M40
Galaxy M40 लुक मध्ये शानदार आणि स्पेसिफिकेशन्स मध्ये दमदार असेल. हा फोन ट्रिपल रियर कॅमेरा सेटअपला सपोर्ट करेल तसेच या डिवाईसचा सेल्फी कॅमेरा फोन डिस्प्ले वरील होल मध्ये दिला जाईल. या डिस्प्लेला सॅमसंग ने ‘इनफिनिटी ओ’ डिस्प्लेचे नाव दिले आहे. कंपनीच्या अधिकाऱ्यांनी 91मोबाईल्सला सांगितले कि Samsung Galaxy M40 मध्ये सेल्फी साठी 16-मेगापिक्सलचा फ्रंट कॅमेरा दिला जाईल.
फोनच्या बॅक पॅनल वर तीन कॅमेरा सेंसर दिले जातील जे डावीकडे वर्टिकल शेप मध्ये असतील. या कॅमेरा सेटअप मध्ये प्राइमरी रियर कॅमेरा सेंसर 32-मेगापिक्सलचा असेल. या कॅमेरा सेंसर सोबत Galaxy M40 एका वाइड एंगल लेंस आणि एक टेलीफोटो लेंसला सपोर्ट करेल. फोनच्या वेरिएंट व चिपसेटची माहिती असीम वारसी यांनी सांगितली नाही पण असे सांगितले कि Samsung चा हा आगामी स्मार्टफोन 4,000एमएएच पेक्षा जास्तीच्या बॅटरीला सपोर्ट करेल.
इनफिनिटी ओ डिस्प्ले
Galaxy M40 सॅमसंग द्वारा इनफिनिटी ओ डिस्प्ले वर लॉन्च केला जाईल. हा सॅमसंगचा पहिला मीड रेंज स्मार्टफोन असेल जो अश्या डिस्प्लेला सपोर्ट करेल. फोन बेजल लेस डिजाईन सह येईल ज्याच्या तिन्ही कडा पूर्णपणे बेजल लेस असतील तसेच खालच्या बाजूला बारीक बॉडी पार्ट दिला जाईल. फोनच्या डिस्प्ले वर वरच्या बाजूला डावीकडे छोटासा छेद दिला जाईल आणि या होल मध्ये Galaxy M40 चा सेल्फी कॅमेरा असेल.
दमदार असतील स्पेसिफिकेशन्स
विशेष म्हणजे Galaxy M40 काही दिवसांपूर्वी चीनी बेंचमार्किंग साइट गीकबेंच वर पण दिसला होता. गीकबेंच वर हा फोन SM-M405F मॉडेल नंबर सह लिस्ट केला गेला होता जिथे फोनचे स्पेसिफिकेशन्स पण समोर आले होते. फोनचे स्पेसिफिकेशन्स पाहता Galaxy M40 कंपनी द्वारा 6जीबी रॅम मेमरी सहा बाजारात येऊ शकतो. तसेच फोन मध्ये 128जीबी इंटरनल स्टोरेज दिली जाऊ शकते. तसेच फोन मध्ये 6.3-इंचाचा डिस्प्ले असल्याचे पण लीक मध्ये समोर आले आहे.
Galaxy M40 गीकबेंच वर एंडरॉयडच्या लेटेस्ट ओएस एंडरॉयड 9 पाई सह दाखवण्यात आला होता ज्यात प्रोसेसिंग साठी क्वालकॉमचा स्नॅपड्रॅगॉन 6150 चिपसेट होता. विशेष म्हणजे हे चिपसेट स्नॅपड्रॅगॉन 675 चिपसेटचे कोडनेम आहे. तसेच Samsung India ने पण स्पष्ट केले आहे कि Galaxy M40 स्नॅपड्रॅगॉन 6 सीरीजच्या चिपसेट वर लॉन्च होईल. Samsung Galaxy M40 25,000 रुपयांपर्यंतच्या किंमतीत लॉन्च केला जाऊ शकतो.
