OPPO ने गेल्याच महिन्यात भारतीय बाजारात आपला प्रोडक्ट पोर्टफोलियो वाढवत स्वस्त स्मार्टफोन OPPO A15 लॉन्च केला होता. हा फोन भारतीय बाजारात दोन वेरिएंट्स मध्ये विक्रीसाठी उपलब्ध आहे ज्यात 2 जीबी रॅम + 32 जीबी स्टोरेज आणि 3 जीबी रॅम + 32 जीबी स्टोरेज आहे. लॉन्चनंतर एका महिन्यात ओपोने आपल्या फॅन्ससाठी या स्वस्त फोनच्या किंमतीत कपात करत हा अजून स्वस्त केला आहे. कंपनीने ओपो ए15 स्मार्टफोनची किंमती थेट 1,000 रुपयांनी कमी केली आहे.
OPPO A15 चा 2 जीबी रॅम + 32 जीबी स्टोरेज वेरिएंट बाजारात 9,490 रुपयांमध्ये लॉन्च केला गेला होता, जो आता प्राइस कट नंतर फक्त 8,490 रुपयांमध्ये विक्रीसाठी उपलब्ध होईल. तसेच फोनच्या 3 जीबी रॅम + 32 जीबी स्टोरेज वेरिएंटने मार्केट मध्ये 10,990 रुपयांमध्ये एंट्री केली होती पण आता 1,000 रुपयांच्या प्राइस कट नंतर याची किंमत 9,990 रुपये झाली आहे. ओपो ए15 Dynamic Black आणि Mystery Blue कलर मध्ये विकत घेता येईल.
OPPO A15
ओपो ए15 चे फीचर्स आणि स्पेसिफिकेशन्स पाहता हा स्मार्टफोन 3डी कर्व्ड बॉडी डिजाईन वर बनला आहे जो 1600 x 720 पिक्सल रेज्ल्यूशन असलेल्या 6.52 इंचाच्या एचडी+ वॉटरड्रॉप नॉच डिस्प्लेला सपोर्ट करतो. ओपोने आपल्या फोनची स्क्रीन आय कंफर्ट फीचरने सुसज्ज केली आहे जी जास्त वापर केल्यास डोळ्यांना सुरक्षित ठेवते. ओपो ए15 चा स्क्रीन-टू-बॉडी रेशियो 89 टक्के आहे तसेच फोनची थिकनेस फक्त 7.9एमएम आहे.
OPPO A15 अँड्रॉइड 10 ओएस वर लॉन्च केला गेला आहे जो कलरओएस 7.2 सह चालतो. तसेच प्रोसेसिंगसाठी या फोन मध्ये आक्टा-कोर प्रोसेसर सह मीडियाटेकचा हीलियो पी35 चिपसेट देण्यात आला आहे. इंडियन मार्केट मध्ये ओपो ए15 स्मार्टफोन 3 जीबी रॅम वर लॉन्च केला गेला आहे जो 32 जीबी इंटरनल स्टोरेजला सपोर्ट करतो. फोनची मेमरी माइक्रोएसडी कार्डच्या माध्यमातून 256 जीबी पर्यंत वाढवता येते.
फोटोग्राफी सेग्मेंट पाहता OPPO A15 ट्रिपल रियर कॅमेऱ्याला सपोर्ट करतो जो फोनच्या बॅक पॅनल वर डावीकडे चौकोनी आकारात आहे. या सेटअप मध्ये एलईडी फ्लॅश सह 13 मेगापिक्सलचा प्राइमरी सेंसर देण्यात आला आहे तसेच 2 मेगापिक्सलची मॅक्रो लेंस आणि एक 2 मेगापिक्सलचा डेफ्थ सेंसर आहे. सेल्फी आणि वीडियो कॉलिंगसाठी हा फोन 5 मेगापिक्सलच्या फ्रंट कॅमेऱ्याला सपोर्ट करतो.
OPPO A15 एक डुअल सिम फोन आहे जो 4जी वोएलटीईला सपोर्ट करतो. बेसिक कनेक्टिविटी फीचर्स सोबतच सिक्योरिटीसाठी फोनच्या बॅक पॅनल वर रियर फिंगरप्रिंट सेंसर देण्यात आला आहे तसेच हा फोन फेस अनलॉक फीचरला पण सपोर्ट करतो. पावर बॅकअपसाठी ओपो ए15 मध्ये 4,230एमएएच ची बॅटरी देण्यात आली आहे.
