ओप्पो भारतात आपल्या F सीरीजचा नवीन फोन OPPO F23 Pro 5G लाँच करण्याची तयारी करत आहे. 91Mobiles ला टिपस्टर मुकुल शर्माकडून मिळालेल्या एक्सक्लूसिव्ह माहितीनुसार, ओप्पोचा हा फोन भारतात 15 मेला लाँच केला जाईल. ओप्पोच्या आगामी स्मार्टफोनच्या लाँचपूर्वीच या फोनची किंमत आणि स्पेसिफिकेशन्सची माहिती लीक झाली आहे. इथे आम्ही तुम्हाला या फोनची माहिती देत आहोत. कंपनीनं गेल्यावर्षी सप्टेंबरमध्ये OPPO F21s Pro आणि F21s Pro 5G भारतीय बाजारात लाँच केला होता.
ओप्पो एफ23 प्रो 5जी स्मार्टफोन भारतात 15 मेला लाँच केला जाऊ शकतो. ओप्पोचा हा मिड रेंज स्मार्टफोन भारतात 25,000 रुपये किंवा 26,000 रुपयांमध्ये सादर केला जाऊ शकतो. कंपनी हा फोन अन्य व्हेरिएंट्स देखील लाँच करू शकते. सध्या याबाबत जास्त माहिती समोर आली नाही. हे देखील वाचा: Realme 11 Pro+ 5G च्या लाँचपूर्वीच समोर आली डिजाइन; कर्व्ड डिस्प्ले आणि 200MP कॅमेऱ्यासह करेल दणक्यात एंट्री
याआधी अंदाज लावला जात होता की ओप्पो भारतात F23 सीरीज मार्चमध्ये लाँच करेल, परंतु असं झालं नाही. लेटेस्ट रिपोर्ट्समध्ये या फोनच्या ‘प्रो’ व्हेरिएंटबद्दल डिटेल्स समोर आले आहेत. बेस व्हेरिएंट बद्दल माहिती उपलब्ध नाही. लाँचपूर्वी ओप्पोच्या अपकमिंग फोन्सबाबत आणखी माहिती समोर येऊ शकते.
हे देखील वाचा: 6,000mAh battery सह लाँच झाला Infinix Hot 30 Play; जाणून घ्या किंमत