OPPO येत्या 28 ऑगस्टला भारतात Reno 2 सीरीज सादर करणार आहे. Reno 2 सीरीज मध्ये कंपनी क्वॉड रियर कॅमेरा असलेला स्मार्टफोन लॉन्च करेल जो 20X Zoom ला सपोर्ट करेल. गेल्या आठवड्यात बातमी समोर आली होती कि Oppo Reno 2 सीरीज मध्ये तीन फोन असतील जे Oppo Reno 2, Reno 2Z आणि Reno ZF नावाने भारतीय बाजारात येतील. या तिन्ही स्मार्टफोन्सचे स्पेसिफिकेशन्स पण लीक मध्ये समोर आले आहेत. आज फोन लॉन्चच्या आधीच Oppo India ने स्वतः Oppo Reno 2 चे स्पेसिफिकेशन्स सांगितले आहेत.
Oppo Reno 2
Oppo India ने प्रेस रिलीज पाठवत Reno 2 स्मार्टफोनच्या अनेक स्पेसिफिकेशन्सची माहिती दिली आहे. कंपनीने सांगितले आहे कि Oppo Reno 2 स्मार्टफोन 20:9 आस्पेक्ट रेशियो वर सादर केला जाईल ज्याचा स्क्रीन-टू-बॉडी रेशियो 93.1 टक्के असेल. ओपो रेनो 2 मध्ये फुलस्क्रीन बॉर्डर असलेला 6.55-इंचाचा एमोलेड डिस्प्ले दिला जाईल. कंपनीने डिस्प्ले रेज्ल्यूशनची माहिती दिली नाही पण स्पष्टपणे सांगितले कि Oppo Reno 2 इन-डिस्प्ले फिंगरप्रिंट सेंसर 3.0 टेक्नॉलॉजी सह येईल.
See More, See Clear with the #OPPOReno2 and witness its incredible #Quadcam with #20xZoom. Coming first to India on 28.08.2019
Know more: https://t.co/k2Q7W98FD9 pic.twitter.com/AREcyQ08ng
— OPPO India (@oppomobileindia) August 19, 2019
कंपनीने सांगितले आहे कि Oppo Reno 2 कोर्निंग गोरिल्ला ग्लास 6 ने प्रोटेक्ट केला जाईल तसेच फोनचा बॅक पॅनल 3डी कर्व्ड ग्लास वर बनलेला असेल तसेच कोर्निंग गोरिल्ला ग्लास 5 ने प्रोटेक्ट केला जाईल. Oppo नुसार रेनो सीरीजचा हा आगामी डिवाईस 8जीबी रॅम मेमरी वर सादर केला जाईल जो 256जीबी च्या इंटरनल स्टोरेजला सपोर्ट करेल. कंपनीने खुलासा केला आहे कि Oppo Reno 2 मध्ये आक्टा-कोर प्रोसेसर सह क्वालकॉमचा स्नॅपड्रॅगॉन 730G चिपसेट दिला जाईल.
Oppo नुसार Reno 2 मध्ये VOOC Flash Charge 3.0 टेक्नॉलॉजी असलेली 4,000एमएएच ची बॅटरी दिली जाईल जी यूएसबी टाईप सी केबल द्वारे सुपर फास्ट चार्जिंगला सपोर्ट करेल. कंपनीने सांगितले आहे कि इंडियन मार्केट मध्ये हा स्मार्टफोन ओशियन ब्लू आणि ल्यूमिनस ब्लॅक कलर वेरिएंट मध्ये लॉन्च केला जाईल.
कॅमेऱ्याची पावर
Oppo ने गेल्या आठवड्यात फोन लॉन्चचे मीडिया इन्वाईट पाठवून असे पण सांगितले होते कि Oppo Reno 2 स्मार्टफोन क्वॉड रियर कॅमेऱ्याला सपोर्ट करेल. फोनच्या बॅक पॅनल वर 4 रियर कॅमेरा सेंसर्स दिले जातील. या कॅमेरा सेटअप मध्ये प्राइमरी कॅमेरा सेंसर 48-मेगापिक्सलचा असेल. Reno 2 स्मार्टफोनचा रियर कॅमेरा 5x hybrid zoom सोबत 20x digital zoom टेक्नॉलॉजी सह बाजारात येईल. कंपनीने सांगितले आहे कि या स्मार्टफोन मध्ये अल्ट्रा डार्क मोड दिला जाईल जो कमी प्रकाशात व रात्री पण चांगले पिक्चर क्लिक करू शकेल. त्याचबरोबर Oppo Reno 2 चा कॅमेरा ‘एक्शन लेवल’ टेक्नॉलॉजी सह चालेल ज्यामुळे अल्ट्रा स्टेडी शॉट्स पण डिफोकस न होता कॅप्चर करता येतील. Oppo Reno 2 ची किंमत किती असेल तसेच सीरीज मध्ये लॉन्च होणाऱ्या Reno 2Z आणि Reno ZF च्या स्पेसिफिकेशन्स साठी 28 ऑगस्टची वाट बघावी लागेल.
