भारतीय बाजारात काही दिवसांपूर्वी लाखो फोन विकून टॉप 3 ऑनलाइन स्मार्टफोन ब्रँड मध्ये सामील होणाऱ्या Poco ने आज आपला नवीन आणि दमदार बजेट मोबाईल Poco M3 लॉन्च केला आहे. अनेक दिवसांपासून या फोनच्या इंडिया लॉन्चबद्दल बातम्या समोर येत होत्या, ज्यांच्यावर आज पूर्णविराम दिला. पोकोचा हा नवीन फोन एम-सीरीज मध्ये सादर केला गेला आहे. याआधी या सीरीज मध्ये पोको एम2 आणि पोको एम2 प्रो आले आहेत. हा फोन भारताआधी ग्लोबल मार्केट मध्ये सादर केला गेला आहे.
डिजाइन
POCO M3 चा लुक व डिजाइन पाहता हा फोन डुअल-टोन फिनिश असलेल्या रियर पॅनलसह आला आहे. स्मार्टफोन मध्ये वॉटरड्रॉप नॉच डिस्प्ले देण्यात आला आहे. फोनचा डिस्प्ले तिन्ही बाजूनी पूर्णपणे बेजल लेस आहे. तसेच खालच्या बाजूला बारीक चिन पार्ट मिळेल. डिवाइसच्या उजवीकडे वाल्यूम रॉकर आणि पावर बटन देण्यात आला आहे. पावर बटन फिंगरप्रिंट सेसंरचे पण काम करेल. तसेच बॉटमला टाइप सी पोर्ट आणि स्पीकर ग्रिल आहे. मागे ट्रिपल कॅमेरा सेटअप देण्यात आला आहे, त्याचबरोबर पोकोची मोठी ब्रँडिंग मिळेल.
हे देखील वाचा : POCO F2 बद्दल कंपनीचा मोठा खुलासा, लवकरच होईल भारतात लॉन्च
दमदार बॅटरी
कंपनीने पोको एम3 मध्ये 6,000एमएएचची मोठी बॅटरी देण्यात आली आहे. त्याचबरोबर मोठी बॅटरी वेगाने करण्यासाठी 18वॉट फास्ट चार्जिंग टेक्नॉलॉजी पण देण्यात आली आहे. तसेच फोन मध्ये यूएसबी टाईप-सी पोर्ट मिळेल. कनेक्टिविटी फीचर्स म्हणून फोन मध्ये 4G एलटीई, डुअल-बॅंड वाय-फाय, ब्लूटूथ 5.0, जीपीएस आणि यूएसबी टाइप-सी पोर्ट चार्जिंगसाठी आहे.
सुंदर डिस्प्ले
POCO M3 फोन फुलएचडी+ पिक्सल रिजोल्यूशन असलेल्या आयपीएस एलसीडी डिस्प्ले वर लॉन्च केला गेला आहे. तसेच, या फोन मध्ये 6.53 इंचाचा मोठा डिस्प्ले आहे जो वॉटरड्रॉप नॉच डिजाइनवर बनला आहे. पोको एम3 चा हा डिस्प्ले 60हर्ट्ज रिफ्रेश रेटसह येतो आणि याचा स्क्रीन-टू-बॉडी रेश्यो 90 टक्के आहे.
हार्डवेयर
POCO M3 स्मार्टफोन अँड्रॉइड 10 ओएस वर लॉन्च केला गेला आहे जो मीयुआय 12 सह काम करेल. या फोन मध्ये 11nM वर बनलेल्या आक्टाकोर प्रोसेसरसह क्वॉलकॉमचा स्नॅपड्रॅगॉन 662 चिपसेट आहे. इतकेच नव्हे तर डिवाइस मध्ये 6जीबी रॅमसह 64जीबी स्टोरेज आणि व 6जीबी रॅमसह 128जीबी स्टोरेज देण्यात आली आहे.
हे देखील वाचा : POCO चा नवीन स्मार्टफोन आला समोर, 4 जीबी रॅम आणि क्वॉलकॉम स्नॅपड्रॅगॉन 662 चिपसेट वर होईल लॉन्च
कॅमेरा
पोको एम3 मध्ये मागे ट्रिपल रियर कॅमेरा देण्यात आला आहे, ज्यात प्राइमरी कॅमेरा सेंसर 48 मेगापिक्सलचा आहे. फोन मध्ये इतर दोन सेंसर पाहता यात 2 मेगापिक्सलचे दोन सेंसर आहेत, त्यातील एक डेप्थ आणि एक मॅक्रो सेंसर आहे. तर सेल्फीसाठी स्मार्टफोन मध्ये 8-मेगापिक्सल फ्रंट कॅमेरा आहे.
किंमत
POCO M3 दोन वेरिएंट मध्ये सादर केला गेला आहे. डिवाइसच्या 6GB रॅम आणि 64GB स्टोरेज असलेल्या बेस वेरिएंटची किंमत 10,999 रुपये आहे. तर, 6GB रॅम व 128GB स्टोरेज असलेल्या वेरिएंटची किंमत 11,999 रुपये आहे. पोको एम3 भारतात ई-कॉमर्स साइट फ्लिपकार्टच्या माध्यमातून 9 फेब्रुवारी दुपारी 12 वाजता विकला जाईल.
शाआोमी पोको एम3 व्हिडीओ
