POCO गेल्या अनेक दिवसांपासून चर्चेत आहे. या ब्रँडने गेल्या आठवड्यात भारतीय बाजारात 10,999 रुपयांच्या बेस किंमतीसह आपला सर्वात स्वस्त स्मार्टफोन POCO M2 लॉन्च केला होता. आता असे समोर आले आहे कि कंपनी येत्या 22 सप्टेंबरला भारतात आपला अजून एक स्मार्टफोन POCO X3 पण लॉन्च करणार आहे. पोकोने या लॉन्चची माहिती पण दिली आहे पण त्याआधी या फोनचा भारतीय वेरिएंट गूगल वर लिस्ट झाला आहे.
POCO X3 गूगल प्ले कंसोल वर दिसला आहे जिथे या फोनच्या नावासोबतच इतर अनेक स्पेसिफिकेशन्स पण शेयर करण्यात आले आहेत. या लिस्टिंग मध्ये पोको एक्स3 8 जीबी रॅम सह दाखवण्यात आला आहे जो फोनचा भारतीय मॉडेल असल्याचे बोलले जात आहे. विशेष म्हणजे काही दिवसांपूर्वी ग्लोबल बाजारात लॉन्च झालेला पोको एक्स3 6 जीबी रॅम सह आला होता. त्यामुळे POCO X3 चा हा नवीन 8 जीबी रॅम असलेल्या वेरिएंट बद्दल बोलले जात आहे कि हा भारतीय मॉडेल असेल.
पोको इंडियाने अधिकृत ट्विटर अकाउंट वरून ट्विट केले आहे कि पोको एक्स3 स्मार्टफोन येत्या 22 सप्टेंबरला भारतात लॉन्च केला जाईल. काही दिवसांपूर्वी आलेल्या लिक्स मध्ये दावा करण्यात आला होता याची किंमत 18,999 रुपये किंवा 19,999 रुपये असेल. या सगळ्याचा विचार केल्यास असे म्हणता येईल कि POCO X3 का 8 जीबी रॅम मॉडेल भारतात 20 हजार रुपयांपेक्षा कमी किंमतीत विक्रीसाठी उपलब्ध होईल.
POCO X3
पोकोच्या या नवीन फोनचे फीचर्स आणि स्पेसिफिकेशन्स पाहता हा फोन 6.67-इंचाच्या फुल एचडी+ डॉट डिस्प्ले सह येतो. डिस्प्ले 120 हर्ट्ज रिफ्रेश रेट सह सादर करण्यात आला आहे, ज्याचा टच सॅम्पलिंग रेट 240 आहे. हा फोन अँड्रॉइड 10 आधारित MIUI 12 वर सादर केला गेला आहे जो 2.3गीगाहर्ट्ज क्लॉक स्पीड असलेल्या आक्टाकोर प्रोसेसर आणि क्वालकॉम स्नॅपड्रॅगॉन 732G चिपसेट वर चालतो.
ग्लोबल मार्केट मध्ये हा फोन 6GB रॅम आणि 128GB स्टोरेज सह लॉन्च झाला आहे जी माइक्रोएसडी कार्डच्या मदतीने 512GB पर्यंत वाढवता येते. ग्राफिक्ससाठी या फोन मध्ये एड्रिनो 618 जीपीयू देण्यात आला आहे. पोको एक्स 3 मध्ये 33 वॉट फास्ट चार्जिंग सपोर्ट असलेली मोठी 5,160mAh ची बॅटरी देण्यात आली आहे. या बॅटरी बाबत कंपनीचा दावा आहे कि एकदा चार्ज केल्यावर बॅटरी दोन दिवस चालेल. बॅटरी फुल चार्ज झाल्यावर 10 तास गेमिंग आणि 17 तास वीडियो प्लेबॅक टाइम मिळेल. डिवाइस फुल चार्ज करण्यासाठी एकूण 65 मिनिटांचा वेळ लागतो.
फोन मध्ये एकूण 5 कॅमेरे देण्यात आले आहेत, त्यातले चार मागे आणि एक सेल्फीसाठी फ्रंटला आहे. डिवाइसच्या मागे असलेल्या क्वाड कॅमेरा सेटअप बद्दल बोलायचे तर यात अपर्चर f/1.73 सह 64MP Sony IMX 682 सेंसर आहे. तसेच फोन मध्ये अपर्चर f/2.2 सह 13 मेगापिक्सलचा 119 डिग्री अल्ट्रावाइड सेंसर, अपर्चर f/2.4 सह 2 मेगापिक्सलचा डेप्थ सेंसर आणि अपर्चर f/2.4 सह 2 मेगापिक्सलचा मॅक्रो सेंसर आहे. वीडियो कॉलिंग आणि सेल्फीसाठी फोन मध्ये 20 मेगापिक्सलचा कॅमेरा आहे.
