रियलमीने आज आपला नवीन फ्लॅगशिप स्मार्टफोन Realme GT 5G लॉन्च केला आहे. फोनच्या लॉन्चच्या आधी डिवाइसबद्दल अनेक लीक्स व माहिती समोर येत होती, ज्यावर आज पूर्णपणे विराम लागला आहे. तसेच, ऑफिशियल होण्याआधी या फोनने युजर्सना आपले फॅन बनवले होते. विशेष म्हणजे फोनच्या लॉन्चच्याआधीच रियलमी GT 5G चे 10 लाखांपेक्षा जास्त यूनिट्स रिजर्व केले गेले होते, ज्याची माहिती कंपनीने दिली होती. (realme gt 5g launch with 64mp camera 4500mah battery know price full specification)
डिजाइन
फोनच्या डिजाइन बद्दल बोलायचे तर कंपनीने हा फ्लॅगशिप फोन पंच-होल डिस्प्लेवर सादर केला आहे जो फोनच्या फ्रंट पॅनलवर टॉप-लेफ्ट कॉर्नरवर आहे. तसेच हँडसेटच्या खालच्या भागात लाउडस्पीकर, एक यूएसबी-C पोर्ट आणि एक 3.5mm हेडफोन जॅक देण्यात आला आहे. पावर बटन फोनच्या डावीकडे दिसत आहे. तर ऑडियो बटन फोनच्या डावीकडे दिसत आहेत. Realme GT च्या मागे आयताकृती कॅमेरा सेटअप एक मोठ्या एलईडी मॉड्यूलसह येतो. तसेच कंपनीने फोनचा Vegan Lether edition पण सादर केला आहे जो लुक आणि डिजाइनच्या बाबतीत जवळपास नॉर्मल रियलमी जीटी 5जी प्रमाणेच आहे. पण या स्पेशल एडिशन मध्ये तुम्हाला लेदर फिनिश बॅक पॅनल मिळेल. फोनच्या मागे पिवळ्या रंगाच्या लेदर पॅनलवर काळ्या रंगाची काचेची एक पट्टी आहे जी खूप क्लासी लुक देतो. फोन दिसायला खूप स्मार्ट वाटत आहे.
120Hz रिफ्रेश रेट असलेला डिस्प्ले
फोनमध्ये 120Hz च्या रिफ्रेश रेटसह सुपर AMOLED डिस्प्ले मिळेल तसेच Realme GT 5G मध्ये 6.43-inch FHD+ Super AMOLED डिस्प्ले पंच-होल कटआउट, 1000nits पीक ब्राइटनेस आणि कोर्निंग गोरिल्ला 5 प्रोटेक्शन ग्लास सपोर्टसह येतो.
गेमिंगसाठी आहे लिक्विड कूलिंग सिस्टम
फोन मध्ये लिक्विड कूलिंग सिस्टम देण्यात आली आहे. हि सिस्टम फोनचा हार्डवेयर थंड ठेवते. VC कूलिंग सिस्टमने गेमिंग करताना फक्त फोन हँग होत नाही तर फोनचा बॅटरी बॅकअप पण सुधरतो. गेमिंगसाठी हा फोन खूप शानदार असल्याचे बोलले जात आहे.
प्रोसेसिंग पावर
फोनमध्ये प्रोसेसिंगसाठी स्नॅपड्रॅगॉन 888 5G एसओसी Adreno 660 GPU सह देण्यात आला आहे. स्नॅपड्रॅगॉन 888 मध्ये 25 टक्के वेगवान CPU परफॉर्मन्स आणि 35 टक्के वेगवान ग्राफिक्ससह 7.5 Gbps पर्यंतचा डाउनलोड स्पीड मिळतो. फोनमध्ये 12GB LPDDR5 रॅम आणि 256GB UFS 3.1 स्टोरेज देण्यात आली आहे.
कॅमेरा
कॅमेऱ्यासाठी Realme GT 5G मध्ये मागे ट्रिपल कॅमेरा सिस्टम आहे ज्यात 64MP प्राइमरी सेंसर, 8MP वाइड-अँगल लेंस आणि 2MP मॅक्रो लेंसचा समावेश आहे. सेल्फी आणि व्हिडीओ चॅटसाठी फ्रंटला 16MP चा स्नॅपर आहे. कॅमेरा PureRaw मोड, AI सेल्फी, 4K 60fps रेकॉर्डिंग, आणि इतर अनेक फीचर्सला सपोर्ट करतो. फोनची जाडी 8.4 मिमी आहे आणि याचे वजन 186 ग्राम आहे. Realme GT 5G एका GT मोडसह येतो जो डिवाइसची कामगिरी सुधारतो.
कनेक्टिविटी आणि बॅटरी
कनेक्टिविटी फीचर्ससाठी फोनमध्ये 5G डुअल-मोड, 4G LTE, वाय-फाय 6, ब्लूटूथ 5.2, GPS, 3.5 मिमी हेडफोन जॅक आणि USB टाइप- C पोर्टचा समावेश आहे. फोनमध्ये इन-डिस्प्ले फिंगरप्रिंट सेंसर, स्टीरियो स्पीकर, डॉल्बी एटमॉस आणि हाय-रेस ऑडियो पण आहे. तसेच फोनमध्ये पावर बॅकअपसाठी 4,500mAh ची बॅटरी देण्यात आली आहे जी 65W फास्ट चार्जिंगला सपोर्ट करते.
Realme GT 5G ची किंमत आणि सेल
चीनमध्ये Realme GT 5G च्या 8GB + 128GB मॉडेलची किंमत CNY 2,799 (जवळपास 31,400 रुपये) आणि 12GB + 256GB वेरिएंटची किंमत CNY 3,299 (जवळपास 37,000 रुपये) आहे. स्मार्टफोन ब्लू आणि सिल्वर रंगात येतो आणि स्मार्टफोन 10 मार्चपासून विक्रीसाठी उपलब्ध होईल.
