सॅमसंगनं गेल्या महिन्यात आपल्या गॅलेक्सी ‘ए’ सीरीज अंतगर्त Samsung Galaxy A04 आणि Samsung Galaxy A04s स्मार्टफोन लाँच केले आहेत जे शानदार स्पेसिफिकेशन्सला सपोर्ट करतात. आता या सीरीजचा विस्तार करत कंपनीनं अजून एक नवीन मोबाइल फोन Samsung Galaxy A04e सादर केला आहे. परंतु कंपनीनं किंमत सांगितली नाही. सॅमसंग गॅलेक्सी ए04ई स्मार्टफोन ऑफिशियल झाला आहे जो 13MP Camera, 4GB RAM, MediaTek Helio G35 आणि 5000mAh Battery सारख्या स्पेसिफिकेशन्सना सपोर्ट करतो.
Samsung Galaxy A04e
सॅमसंग गॅलेक्सी ए04ई स्मार्टफोन 6.5 इंचाच्या एचडी+ डिस्प्लेसह लाँच झाला आहे जो एलसीडी पॅनलवर बनला आहे. सॅमसंगनं या फोन स्क्रीनला इनफिनिटी ‘व्ही’ असं नाव दिलं आहे जिच्या तीन कडा बेजल लेस आहेत तर खालच्या बाजूला रुंद चिन पार्ट आहे. या सॅमसंग स्मार्टफोनचे डायमेंशन 164.2 x 75.9 x 9.1 एमएम आणि वजन 188 ग्राम आहे. हे देखील वाचा: Amazon Great Indian Festival Finale Days sale: बेस्ट स्मार्ट टीव्ही डील्स
Samsung Galaxy A04e अँड्रॉइड 12 आधारित वनयुआय कोर 4.1 वर चालतो. प्रोसेसिंगसाठी या स्मार्टफोनमध्ये 12 नॅनोमीटर फॅब्रिकेशनवर बनलेला मीडियाटेक हीलियो जी35 चिपसेट देण्यात आला आहे. तसेच ग्राफिक्ससाठी हा मोबाइल फोन आयएमजी पावरवीआर जीई8320 जीपीयूला सपोर्ट करतो. सॅमसंग गॅलेक्सी ए04ई 4जीबी पर्यंतच्या रॅम आणि 128जीबी पर्यंतच्या इंटरनल स्टोरेजला सपोर्ट करतो.
फोटोग्राफीसाठी या सॅमसंग स्मार्टफोनमध्ये ड्युअल रियर कॅमेरा देण्यात आला आहे. फोनच्या बॅक पॅनलवर एलईडी फ्लॅशसह 2.2/अपर्चर असलेला 13 मेगापिक्सलचा प्रायमरी सेन्सर आहे जो एफ/2.4 अपर्चर असलेल्या 2 मेगापिक्सलच्या डेप्थ सेन्सरसह येतो. तसेच सेल्फी आणि व्हिडीओ कॉलिंगसाठी हा मोबाइल फोन एफ/2.2 अपर्चर असलेल्या 5 मेगापिक्सलच्या फ्रंट कॅमेऱ्याला सपोर्ट करतो.
Samsung Galaxy A04e ड्युअल सिमला सपोर्ट करतो आणि 4जी एलटीईवर चालतो. 3.5 एमएम जॅक व बेसिक कनेक्टिव्हिटी फीचर्ससह या मोबाइल फोनमध्ये 5,000एमएएच बॅटरी देण्यात आली आहे. सॅमसंगनं गॅलेक्सी ए04ई स्मार्टफोन Black, Orange Copper आणि Light Blue कलरमध्ये लाँच केला आहे.
परंतु कंपनीनं या हँडसेटची किंमत मात्र सांगितली नाही, आशा आहे की लवकरच Samsung Galaxy A04e स्मार्टफोनच्या किंमतीचा खुलासा होईल. तसेच सीरिजमधील इतर हँडसेट प्रमाणे हा देखील स्वस्तात उपलब्ध होईल, अशी अपेक्षा आहे. हे देखील वाचा: Okaya नं लाँच केल्या या दमदार इलेक्ट्रिक स्कूटर, इंजिनसह रेंज देखील फाडू
लेटेस्ट मोबाइल आणि टेक न्यूज, गॅजेट्स रिव्यूज आणि रिचार्ज प्लॅनसाठी 91mobiles मराठी ला Facebook वर फॉलो करा.