Samsung ने गेल्याच आठवड्यात अंर्तराष्ट्रीय बाजारात आपली ‘गॅलेक्सी ए’ सीरीज वाढवत नवीन स्मार्टफोन Samsung Galaxy A41 लॉन्च केला होता. हा डिवाईस सध्या जापान मध्ये ऑफिशियल केला गेला आहे जो येत्या काही दिवसांत जगातील इतर बाजारांमध्ये एंट्री घेईल. गॅलेक्सी ए41 च्या लॉन्च नंतर आज सॅमसंगने आपल्या या सीरीजचा अजून एक स्मार्टफोन Samsung Galaxy A31 पण टेक मंचावर सादर केला आहे. कंपनीने आता या फोनची किंमत सांगितली नाही, पण गॅलेक्सी ए31 येत्या काही दिवसांत वेगवेगळ्या तारखांना वेगवेगळ्या मार्केट्स मध्ये विक्रीसाठी उपलब्ध होईल.
लुक व डिजाईन
Samsung Galaxy A31 च्या लुक बद्दल बोलायचे तर हा स्मार्टफोन वॉटरड्रॉप नॉच डिजाईन वर बनला आहे. फोनचा डिस्प्ले तिन्ही बाजूंनी नॅरो बेजल्स असलेला आहे तर खालच्या बाजूला थोडी रुंद चिन पार्ट देण्यात आला आहे. डिस्प्लेच्या वरच्या बाजूला ‘यू’ शेप नॉच देण्यात आली आहे. सॅमसंग गॅलेक्सी ए31 च्या बॅक पॅनल बद्दल बोलायचे तर इथे क्वॉड रियर कॅमेरा सेटअप देण्यात आला आहे जो पॅनलच्या उजवीकडे चौकोनी आकाराचा आहे.
या रियर कॅमेरा सेटअप मध्ये चार कॅमेरा लेंस देण्यात आल्या आहेत जो L-शेप मध्ये आहे. चौकोनी आकारात सेंसर्सच्या बाजूला फ्लॅश लाईट आहे. फोनच्या बॅक पॅनल वर फिंगरप्रिंट सेंसर नाही तर खालच्या बाजूला Samsung ची ब्रॅण्डिंग देण्यात आली आहे. Galaxy A31 च्या उजव्या पॅनल वर वॉल्यूम रॉकर व पावर बटण देण्यात आला आहे तर डाव्या पॅनल वर सिम स्लॉट आहे. त्याचप्रमाणे फोनच्या लोवर पॅनल वर यूएसबी टाईप-सी पोर्ट सह स्पीकर ग्रिल देण्यात आली आहे.
स्पेसिफिकेशन्स
Samsung Galaxy A31 चे स्पेसिफिकेशन्स पाहता हा डिवाईस 2400 x 1080 पिक्सल रेज्ल्यूशन असलेल्या 6.4 इंचाच्या फुलएचडी+ सुपर एमोलेड इनफिनिटी डिस्प्लेला सपोर्ट करतो. फोनचे डायमेंशन 73.1 x 159.3 x 8.6 एमएम आणि वजन 185 ग्राम आहे. सॅमसंगने हा फोन इन-डिस्प्ले फिंगरप्रिंट सेंसर टेक्नॉलॉजीने सुसज्ज केला आहे. सॅमसंग गॅलेक्सी ए31 एंडरॉयड ओएस वर सादर केला गेला आहे जो आक्टाकोर (Dual 2.0GHz + Hexa 1.7GHz) प्रोसेसर वर चालतो. कंपनीने फोनच्या चिपसेटची माहिती दिली नाही पण बोलले जात आहे कि बाजारात हा फोन मीडियाटेक हीलियो पी65 सह लॉन्च होईल.
फोटोग्राफी सेग्मेंट बद्दल बोलायचे तर Samsung Galaxy A31 क्वॉड रियर कॅमेऱ्याला सपोर्ट करतो. फोनच्या बॅक पॅनल वर फ्लॅश लाईट सह एफ/2.0 अपर्चर असलेला 48 मेगापिक्सलचा प्राइमरी रियर कॅमेरा देण्यात आला आहे. त्याचबरोबर हा फोन एफ/2.2 अपर्चर असलेल्या 8 मेगापिक्सलच्या अल्ट्रा वाइड अँगल लेंस, एफ/2.4 अपर्चर असलेल्या 5 मेगापिक्सलच्या डेफ्थ सेंसर आणि एफ/2.4 अपर्चर असलेल्या 5 मेगापिक्सलच्या मॅक्रो लेंसला सपोर्ट करतो. तसेच सेल्फी व वीडियो कॉलिंगसाठी Samsung Galaxy A31 मध्ये एफ/2.2 अपर्चर असलेला 20 मेगापिक्सलचा फ्रंट कॅमेरा सेंसर आहे.
Samsung Galaxy A31 कंपनीने ग्लोबल वेबसाइटच्या माध्यमातून सादर केला आहे. वेबसाइट वर हा फोन दोन वेरिएंट्स मध्ये लिस्ट आहे. फोनच्या बेस वेरिएंट मध्ये 4 जीबी रॅम सह 64 जीबी इंटरनल स्टोरेज देण्यात आली आहे तर दुसऱ्या वेरिएंट मध्ये 6 जीबी रॅम सह 128 जीबी मेमरी देण्यात आली आहे. दोन्ही वेरिएंट्स मध्ये स्टोरेज 512 जीबी पर्यंत वाढवता येते. बेसिक कनेक्टिविटी फीचर्स सोबतच पावर बॅकअपसाठी Samsung Galaxy A31 मध्ये 15वॉट क्विक चार्ज सपोर्ट असलेली 5,000एमएएच ची बॅटरी देण्यात आली आहे. सॅमसंग गॅलेक्सी ए31 ब्लू, व्हाईट, रेड आणि ब्लॅक कलर वेरिएंट मध्ये लॉन्च केला गेला आहे.
