Samsung ने आज दीर्घ प्रतीक्षेनंतर भारतात आपल्या ‘गॅलेक्सी एम’ सीरीजचा नवीन डिवाईस Galaxy M21 लॉन्च केला आहे. 6,000एमएएच ची मोठी बॅटरी व ट्रिपल रियर कॅमेरा असलेला हा स्मार्टफोन मीड बजेट मध्ये आला आहे. आधी सॅमसंग हा फोन 16 मार्चला लॉन्च करणार होती पण काही कारणांमुळे कंपनीला हा लॉन्च पुढे ढकलावा लागला होता. आज ऑनलाईन प्लॅटफॉर्म वर सॅमसंगने Samsung Galaxy M21 भारतीय बाजारात सादर केला आहे जो 12,999 रुपयांच्या बेस किंमतीत येत्या 23 मार्च पासून देशात विक्रीसाठी उपलब्ध होईल.
लुक व डिजाईन
Samsung Galaxy M21 च्या लुक आणि डिजाईन बद्दल बोलायचे तर गॅलेक्सी एम21 ‘यू’ शेप वॉटरड्रॉप नॉच वर बनला आहे. डिस्प्लेच्या तीन कडा बेजल लेस आहेत तर खालच्या बाजूला बारीक बॉडी पार्ट आहे. फोनच्या उजव्या पॅनल वर वाल्यूम रॉकर आणि पावर बटण देण्यात आला आहे तर डाव्या पॅनल वर सिम स्लॉट आहे. फोनच्या बॅक पॅनल वर उजवीकडे ट्रिपल रियर कॅमेरा सेटअप देण्यात आला आहे जो वर्टिकल शेप मध्ये आहे. या सेटअप मध्ये एकीकडे तीन सेंसर्स आहेत तर दुसरीकडे फ्लॅश लाईट सह पिक्सल डिटेल्स लिहिण्यात आली आहे. फोनच्या बॅक पॅनल वर ओवल शेप फिंगरप्रिंट सेंसर आहे. तसेच लोवर पॅनल वर यूएसबी टाईपी सी पोर्ट सह स्पीकर ग्रिल व 3.5एमएम जॅक देण्यात आला आहे.
स्पेसिफिकेशन्स
Samsung Galaxy M21 2400 × 1080 पिक्सल रेज्ल्यूशन असलेल्या 6.4-इंचाच्या फुलएचडी+ सुपर एमोलेड डिस्प्लेला सपोर्ट करतो जो कोर्निंग गोरिल्ला ग्लास 3 ने प्रोटेक्टेड आहे. हा फोन एंडरॉयडच्या लेटेस्ट ओएस एंडरॉयड 10 वर लॉन्च झाला आहे जो सॅमसंग वन यूआई वर चालतो. प्रोसेसिंगसाठी गॅलेक्सी एम21 मध्ये सॅमसंगचा एक्सनॉस 9611 चिपसेट देण्यात आला आहे तसेच ग्राफिक्ससाठी हा फोन माली जी72 जीपीयू ला सपोर्ट करतो.
फोटोग्राफी सेग्मेंट पाहता Samsung Galaxy M21 मध्ये ट्रिपल रियर कॅमेरा सपोर्ट आहे. फोनच्या बॅक पॅनल वर एफ/2.0 अपर्चर असलेला 48-मेगापिक्सलचा प्राइमरी सेंसर देण्यात आला आहे. त्याचबरोबर हा फोन 5-मेगापिक्सलच्या डेफ्थ सेंसर आणि 8-मेगापिक्सलच्या वाइड अँगल लेंस सपोर्ट सह येतो. तसेच सेल्फी व वीडियो कॉलिंगसाठी गॅलेक्सी एम21 मध्ये 20-मेगापिक्सलचा फ्रंट कॅमेरा देण्यात आला आहे. पावर बॅकअपसाठी फोन मध्ये 15वॉट फास्ट चार्जिंग सपोर्ट असलेली 6,000एमएएच ची बॅटरी देण्यात आली आहे.
किंमत
सॅमसंग गॅलेक्सी एम21 कंपनीने दोन वेरिएंट्स मध्ये लॉन्च केला गेला आहे. फोनचा बेस वेरिएंट 4 जीबी रॅम सह 64 जीबी इंटरनल स्टोरेजला सपोर्ट करतो तर दुसऱ्या वेरिएंट मध्ये 6 जीबी रॅम सह 128 जीबी इंटरनल स्टोरेज देण्यात आली आहे. किंमतीबद्दल बोलाचे तर फोनचा 4 जीबी रॅम वेरिएंट 12,999 रुपयांमध्ये लॉन्च केला गेला आहे. Samsung Galaxy M21 येत्या 23 मार्च पासून कंपनीच्या वेबसाइट सोबतच अमेझॉन वर Midnight Blue व Raven Black कलर मध्ये विक्रीसाठी उपलब्ध होईल.
