यावर्षी फेब्रुवारीत Samsung ने Gakaxy M सीरीज भारतात सादर केली होती. कंपनीने Galaxy M10 आणि Galaxy M20 आणले होते. नंतर Galaxy M30 आणला. जून मध्ये कंपनीने Galaxy M40 मॉडेल सादर केला जो सध्या 20 हजार पेक्षा कमी बजेट मध्ये एकमेव पंच होल डिस्प्ले असलेला फोन आहे. आता कंपनी गॅलेक्सी एम सीरीज मध्ये नवीन फोन प्लान करत आहे. काही दिवसांपूर्वी बातमी आली होती कि कंपनी Samsung Galaxy M30s लॉन्च करू शकते आणि आज 91मोबाईल्सला याबद्दल एक्सक्लूसिव माहिती मिळाली आहे. आम्हाला हि माहिती अश्या सूत्रांकडून मिळाली आहे ज्यांनी सर्वात आधी गॅलेक्सी एम20 चा पॅनल आम्हाला दाखवला होता. त्यामुळे हि खात्री लायक आहे.
आम्हाला बातमी मिळाली आहे कि सॅमसंग Galaxy M30s ची निर्मिती कंपनीच्या ग्रेटर नोएडा फॅक्टरी मध्ये सुरु झाली आहे. सध्यातरी हा फोन निर्माण होण्यास सुरवात झाली आहे आणि हा मास प्रोडक्शन मध्ये लागेल आणि जुलै किंवा ऑगस्टच्या शेवटी तयार होऊ शकतो. फोनच्या डिजाइन संबंधित बरीच माहिती आमच्याकडे आली आहे. Samsung Galaxy M30s मध्ये तुम्हाला पॉलीकार्बोनेट प्लास्टिकची बॉडी मिळेल जी ग्लाश फिनिश सह येईल .
तसेच एम30 प्रमाणे यात पण यूएसबी टाइप सी पोर्ट देण्यात आला आहे जो खालच्या पॅनल मध्ये आहे आणि या पॅनल वर 3.5एमएम ऑडियो जॅक व लाउडस्पीकर आहे. एम40 मध्ये हाईब्रीड स्लॉट होता पण या फोन मध्ये तुम्हाला तीन स्लॉट मिळतील. दोन सिम सह एक माइक्रोएसडी कार्ड स्लॉट. राहिला प्रश्न डिस्प्लेचा तर आम्हाला जी माहिती मिळली आहे त्यानुसार या फोन मध्ये तुम्हाला इनफिनिटी यू (Infinity U) डिस्प्ले मिळेल.
Samsung Galaxy M30s स्पेसिफिकेशन
इतर स्पेसिफिकेशन पाहता सध्या याबद्दल जास्त माहिती मिळाली नाही पण काही दिवसांपूर्वी हा फोन सर्टिफिकेशन साइट गीकबेंच वर दिसला होता ज्यात प्रोसेसर, रॅम आणि ओएस ची माहिती देण्यात आली आहे. हा फोन SM-M307F मॉडेल नावाने लिस्ट केला गेला आहे तिथे हा एंडरॉयड ऑपरेटिंग सिस्टम 9 पाई वर चालतो.
लिस्ट केलेला Samsung Galaxy M30s कंपनीच्या एक्सनोस 9610 चिपसेट वर चालत आहे आणि फोन मध्ये आॅक्टाकोर प्रोसेसर आहे. सध्या क्लॉक स्पीड 1.74 गीगाहट्र्ज नोंदवण्यात आली आहे पण लॉन्चच्या वेळी यात बदल होऊ शकतो. याव्यतिरिक्त रॅम ची पण माहिती आहे. सध्या 4जीबी रॅम मेमरीची माहिती आहे. तसेच 3,900 एमएएमच ची बॅटरी मिळू शकते. अजूनतरी कॅमेरा आणि डिस्प्ले साइज इत्यादींची माहिती उपलब्ध नाही. पंरतु आशा आहे कि काही आठवड्यात हा भारतात उपलब्ध होईल.
