Vodafone Idea आपला युजर बेस टिकवून ठेवण्यासाठी वारंवार नवीन प्लॅन्स सादर करत आहे. आता कंपनीनं दोन स्वस्त प्रीपेड रिचार्ज प्लॅन सादर केले आहेत. या प्लॅनची किंमत 368 रुपये आणि 369 रुपये आहे, ज्यात फ्री कॉलिंग, डेटा, एसएमएस सोबतच काही ओटीटी प्लॅटफॉर्मचं सब्सक्रिप्शन देखील दिलं जात आहे. चला या दोन्ही प्रीपेड प्लॅनची माहिती पाहूया.
वोडाफोन आयडियाचा 368 रुपयांचा प्लॅन
Vi Rs 368 प्रीपेड प्लॅनसह 30 दिवसांची वैधता दिली जात आहे. या प्लॅनमध्ये डेली 2GB म्हणजे एकूण 60जीबी डेटा (2GB डेटा बॅकअपसह) युजर्सना मिळेल. ग्राहकांना अनलिमिटेड कॉल आणि रोज 100 एसएमएस पण मिळतील. युजर्सना SunNxt अ‍ॅप, ऑल नाइट बिंज, वीकेंड डेटा रोलओव्हरची सुविधा, Vi मुव्हीज आणि टीव्ही सब्सक्रिप्शन दिलं जात आहे. ग्राहक बिंज ऑल नाइट ऑफर अंतर्गत रात्री 12 ते सकाळी 6 दरम्यान रेग्युलर स्पीडवर अनलिमिटेड डेटा वापरू शकतील. हे लाभ मिळवण्यासाठी ग्राहकांना 121249 नंबर डायल करावा लागेल.
वोडाफोन आयडियाचा 369 रुपयांचा प्रीपेड प्लॅन
वोडाफोन आयडिया रिचार्ज प्लॅनमध्ये 30 दिवसांची वैधता मिळते. प्लॅनमध्ये रोज 2GB डेटा म्हणजे एकूण 60जीबी डेटा (2GB बॅकअप डेटासह) दिला जात आहे. यात अनलिमिटेड फ्री कॉलिंग आणि डेली 100 एसएमएस मिळतील. प्लॅनमध्ये ऑल नाइट बिंज, वीकेंड डेटा रोलओव्हर, SonyLiv, Vi मुव्हीज आणि टीव्हीचा लाभ घेता येईल.
विशेष म्हणजे SonyLiv आणि SunNxt सब्सक्रिप्शन वगळता 368 रुपये आणि 369 रुपयांच्या प्रीपेड पॅकमध्ये कोणताही मोठा फरक नाही. जर ग्राहकांना डेटा आणि कॉलिंग बेनिफिट असलेला मंथली प्लॅन हवा असेल तर या प्लॅन्सचा विचार करता येईल.
एयरटेलच्या 319 रुपये आणि 359 रुपयांचा प्लॅनकडून मिळेल आव्हान
वोडाफोन-आयडियाच्या 368 रुपये आणि 369 रुपयांच्या प्लॅन्सना एयरटेलच्या 319 रुपये आणि 359 रुपयांच्या प्लॅन्सकडून टक्कर मिळू शकते. एयरटेलचे या दोन्ही रिचार्जमध्ये एका महिन्याची वैधता मिळते.
एयरटेलचा 319 रुपयांचा प्लॅन: या मंथली रिचार्जमध्ये डेली 2GB डेटा, 100 SMS, अनलिमिटेड कॉलिंग सुविधा मिळेल. तसेच याची वैधता संपूर्ण एक महिन्याची आहे, मग महिन्यात 30 दिवस असो की 31 दिवस.
एयरटेलचा 359 रुपयांचा प्लॅन: या मंथली रिचार्ज प्लॅनमध्ये देखील 2 जीबी डेली डेटा, अनलिमिटेड कॉलिंग, डेली 100 एसएमएस मिळतात. तसेच, Airtel Xstream अ‍ॅप, SonyLiv, LionsgatePlay, ErosNow चं सब्सक्रिप्शन देण्यात आलं आहे.
