विवो ‘व्ही’ सीरीज आज भारतात सादर झाली आहे. यात कंपनीनं दोन पावरफुल स्मार्टफोन Vivo V27 आणि Vivo V27 Pro चा समावेश केला आहे. यातील प्रो मॉडेल 20GB RAM आणि MediaTek Dimensity 8200 चिपसेटसह आला आहे. तर वॅनिला मॉडेल देखील जवळपास सारख्याच फीचर्ससह आला आहे फक्त चिपसेट आणि रॅममध्ये फरक आहे. शानदार लुक आणि पावरफुल फीचर्स असलेल्या विवो व्ही27 ची संपूर्ण माहिती तुम्ही पुढे वाचू शकता.
Vivo V27 5G Price
विवो व्ही27 भारतीय बाजारात दोन मेमरी व्हेरिएंट्समध्ये लाँच करण्यात आला आहे. फोनच्या बेस व्हेरिएंटमध्ये 8GB RAM + 128GB Storage देण्यात आली आहे ज्याची किंमत 32,999 रुपये आहे. तर मोठा Vivo V27 12GB RAM + 256GB Storage सह 36,999 रुपयांमध्ये भारतात लाँच झाला आहे. हा स्मार्टफोन Noble Black आणि Magic Blue कलरमध्ये 23 मार्चपासून भारतात सेलसाठी उपलब्ध होईल.
Vivo V27 5G Specifications
- 6.78″ FHD+ AMOLED Display
- 12GB RAM + 256GB Storage
- MediaTek Dimensity 7200
- 50MP Rear Camera
- 50MP Selfie Camera
- 66W 4,600mAh battery
विवो व्ही27 5जी चे बरेचशे स्पेसिफिकेशन्स Vivo V27 Pro सारखे आहेत. हा मोबाइल फोन देखील 2400 × 1080 पिक्सल रिजोल्यूशन असलेल्या 6.78 इंचाच्या फुलएचडी+ पंच-होल डिस्प्लेला सपोर्ट करतो. अ‍ॅमोलेड पॅनलवर बनलेली ही स्क्रीन 120हर्ट्ज रिफ्रेश रेट, 8000000:1 कॉन्ट्रास्ट रेशियो, 1.07बिलियन कलर्स आणि पी3 कलर गामुट सारख्या फीचर्ससह येते. Vivo V27 इन-डिस्प्ले फिंगरप्रिंट सेन्सर टेक्नॉलॉजीसह येतो.
Vivo V27 अँड्रॉइड 13 आधारित ओरिजनओएस 3 वर लाँच झाला आहे तसेच प्रोसेसिंगसाठी या स्मार्टफोनमध्ये मीडियाटेक डिमेनसिटी 7200 ऑक्टाकोर प्रोसेसर देण्यात आला आहे. हा मीडियाटेक चिपसेट देखील 4नॅनोमीटर फॅब्रिकेशनवर बनलेला आहे आणि 5जी बँडला सपोर्ट करतो. विवो व्ही27 8जीबी वचुर्अल रॅमला सपोर्ट करतो ज्यामुळे इंटरनल रॅमसह मिळून फोन 20जीबी रॅमची परफॉर्मन्स देऊ शकतो.
फोटोग्राफीसाठी Vivo V27 ट्रिपल रियर कॅमेऱ्याला सपोर्ट करतो. या सेटअपमध्ये एफ/1.88 अपर्चर असलेला 50 मेगापिक्सल Sony IMX766V प्रायमरी सेन्सर, एफ/2.2 अपर्चर असलेला 8 मेगापिक्सलची अल्ट्रा वाइड अँगल लेन्स आणि एफ/2.4 अपर्चर असलेली 2 मेगापिक्सलची मॅक्रो लेन्स आहे. सेल्फी आणि व्हिडीओ कॉलिंगसाठी हा विवो फोन एफ/2.45 अपर्चर असलेल्या 50 मेगापिक्सलच्या फ्रंट कॅमेऱ्याला सपोर्ट करतो.
पावर बॅकअपसाठी Vivo V27 मध्ये 4,600एमएएच बॅटरी देण्यात आली आहे जी 66वॉट फास्ट चार्जिंग टेक्नॉलॉजीला सपोर्ट करते. कंपनीचा दावा आहे की हा फोन फक्त 19 मिनिटांत 50 टक्क्यांपर्यंत चार्ज होऊ शकतो. कलर चेंजिंग बॅक पॅनल या फोनची खासियत म्हणजे हा उन्हात रंग बदलतो.
