विवो आपल्या वी-सीरीज लाइनअप मध्ये नवीन Vivo V29 5G लवकरच सादर करू शकते. कंपनीनं आतापर्यंत याबाबत कोणतीही अधिकृत माहिती दिली नाही. परंतु, फोन गेले कित्येक दिवस वेगवेगळ्या सर्टिफिकेशन साइट्सवर दिसत आहे. तसेच, आता टेक साइट Pricebaba नं हा डिवाइस FCC सर्टिफिकेशनवर स्पॉट केला आहे, जिथे ह्या आगामी विवो फोनच्या काही स्पेसिफिकेशन्सचा खुलासा झाला आहे.
Vivo V29 5G सर्टिफिकेशन डिटेल
- FCC लिस्टिंगमध्ये फोन V8073L0A0 मॉडेल नंबरसह दिसला आहे.
- लिस्टिंगनुसार Vivo V29 5G मध्ये 5जी, एलटीई, ब्लूटूथ आणि एनएफसी सपोर्ट असेल.
- तसेच डिवाइसमध्ये 4,505mAh ची बॅटरी दिली जाऊ शकते.
- लिस्टिंगमध्ये स्पष्ट झालं आहे की ह्या हँडसेटमध्ये 80W चार्जिंग सपोर्ट असेल.
युनायटेड स्टेट्स अमेरिकेत बनणाऱ्या किंवा विकल्या जाणाऱ्या इलेक्ट्रॉनिक प्रोडक्ट्ससाठी एफसीसी सर्टिफिकेशन आवश्यक असतं. हे सर्टिफिकेशन मिळवल्यावर स्पष्ट होतं की डिवाइसमध्ये इलेक्ट्रोमॅग्नेटिक रेडिएशन ठरविक मर्यादेच्या आत आहे.
Vivo V29 5G लाँच डेट (संभाव्य)
सर्टिफिकेशन्सवरून स्पष्ट झालं आहे की Vivo कथितरित्या Vivo V29 5G वेगवेगळ्या बाजारांमध्ये लाँच करणार आहे. लाँच डेट बद्दल कोणतीही लीक व माहिती समोर आली नाही. परंतु ऑगस्ट पर्यंत हा फोन लाँच होऊ शकतो, अशी चर्चा आहे.
Vivo V29 5G स्पेसिफिकेशन्स (लीक)
- डिस्प्ले : विवो वी29 5जी फोन 1080 x 2408 पिक्सल रिजोल्यूशन असलेल्या 6.5 इंचाच्या अॅमोलेड डिस्प्लेसह लाँच केला जाऊ शकतो. ह्यावर 120हर्ट्झ रिफ्रेश रेट मिळू शकते.
- प्रोसेसर : प्रोसेसिंगसाठी ह्या मोबाइल फोनमध्ये क्वॉलकॉम स्नॅपड्रॅगन 778जी प्लस ऑक्टाकोर प्रोसेसर असल्याचं समोर आलं आहे.
- रियर कॅमेरा : हा फोन 64 मेगापिक्सल रियर कॅमेऱ्यासह लाँच केला जाऊ शकतो जोडीला 8 मेगापिक्सलचा अल्ट्रा वाइड, 2 मेगापिक्सल डेप्थ तसेच 2 मेगापिक्सलची मॅक्रो लेन्स मिळू शकते.
- फ्रंट कॅमेरा : सेल्फी आणि व्हिडीओसाठी Vivo V29 5G फोनमध्ये 32 मेगापिक्सलचा फ्रंट कॅमेरा दिला जाऊ शकतो.
- बॅटरी : पावर बॅकअपसाठी विवो वी29 5जी फोनमध्ये 4,5000एमएएच बॅटरी दिली जाऊ शकते जी फास्ट चार्जिंग टेक्नॉलॉजीसह चालेल.
