टॅरिफ प्लान्स वाढल्यामुळे भारतातील टेलीकॉम कंपन्यांना आपल्या ग्राहकांच्या रागाचा सामना करावा लागत आहे. Airtel, Vodafone Idea आणि Reliance Jio ने आपले प्लान्स अपडेट केले आहेत जे ग्राहकांना आधीपेक्षा महाग पडत आहेत. ग्राहकांना आपल्या नेटवर्क वर टिकवून ठेवण्यासाठी आता या टेलीकॉम कंपन्या वेगवेगळे प्रयत्न करत आहेत. काही दिवसांपूर्वी भारतातील सर्वात मोठी टेलीकॉम कंपनी बनलेल्या Vodafone Idea ने FUP लिमिट काढून टाकत आपल्या यूजर्सना मोठी भेट दिली होती तसेच आता वोडाफोनने अजून तीन नवीन व स्वस्त प्लान बाजारात आणले आहेत. Vodafone च्या या तीन प्लान्सची किंमत क्रमश: 129 रुपये, 199 रुपये आणि 269 रुपये आहे.
Vodafone 129 रुपये
वोडाफोन द्वारे सादर केला गेलेला हा 129 रुपयांचा प्लान कंपनीने अपडेट केले गेलेल्या प्लान्स मध्ये सर्वात स्वस्त आहे. याआधी Vodafone चा 149 रुपयांचा प्लान या सेग्मेंट मध्ये येत होता. वोडाफोनचा हा प्लान Jio च्या 129 रुपयांच्या प्लानला टक्कर देतो. दोन्ही कंपन्यांनी 129 रुपयांचा प्लान प्रीपेड ग्राहकांसाठी सादर केला आहे. Vodafone ने हा प्लान 14 दिवसांच्या वॅलिडिटी सह जारी केला गेला आहे.
या प्लान अंतर्गत कंपनी ग्राहकांना एकूण 2 जीबी 4G इंटरनेट डेटा दिला जात आहे. Vodafone ग्राहक या डेटाचा वापर कोणत्याही काळमर्यादेविना 14 दिवसांच्या आत करू शकतात. डेटा व्यतिरिक्त या प्लान मध्ये यूजर्सना एकूण 300 एसएमएस पण मिळतील. तसेच वॉयस कॉलिंग पाहता Vodafone आपल्या 129 रुपयांच्या प्लान मध्ये पण अनलिमिटेड वॉयस कॉलिंग देत आहे. वोडाफोन ग्राहक एफयूपी लिमिट विना देशभरात कोणत्याही नेटवर्क वर फ्री कॉल करू शकतील.
Vodafone 199 रुपये
कंपनीने सादर केलेला 199 रुपयांचा बाजारातील इतर टेलीकॉम प्लान्स पेक्षा थोडा वेगळा आहे. साधारणतः Airtel, Vodafone Idea आणि Reliance Jio आपले प्रीपेड प्लान 28 दिवसांसाठी आणते आहे पण Vodafone चा हा 199 रुपयांचा प्लान 21 दिवसांच्या वॅलिडिटी सह येतो. प्लान मध्ये मिळणारे बेनफिट पाहता या प्लान अंतर्गत यूजर्सना रोज 1 जीबी 4G इंटरनेट डेटा मिळेल. म्हणजे 199 रुपयांच्या प्लान मध्ये एकूण 21 जीबी डेटा Vodafone ग्राहकांना मिळेल.
Vodafone च्या 199 रुपयांच्या या प्लान मध्ये पण वॉयस कॉलिंग पूर्णपणे फ्री मिळेल. वोडाफोन ग्राहक ऑन-नेटवर्क आणि ऑफ-नेटवर्क म्हणजे Vodafone व्यतिरिक्त इतर कंपनीच्या नंबर वर पण मोफत कॉल करू शकतील. तसेच या मध्ये ग्राहकांना रोज 100 एसएमएस पण दिले जात आहेत.
Vodafone 269 रुपये
वोडाफोनचा हा नवीन प्लान कंपनीच्या 249 रुपये आणि 299 रुपयांच्या प्लान मध्ये येतो. हे दोन्ही प्लान 28 दिवसांच्या वॅलिडिटी सह येतात आणि रोज इंटरनेट डेटा देतात. तर Vodafone चा 269 रुपयांचा नवीन प्लान कंपनीने 56 दिवसांच्या दीर्घ वैधतेसह जारी केला आहे. या प्लान अंतर्गत यूजर्सना फक्त 4 जीबी इंटरनेट डेटा मिळेल जो कोणत्याही डेली लिमिटविना वापरता येईल.
Vodafone चा हा नवीन प्लानएक कॉलिंग पॅक म्हणून बघितला जात आहे. या प्लान अंतर्गत पण पूर्णपणे अनलिमिटेड वॉयस कॉल मिळतील ज्यांचा वापर कोणत्याही नेटवर्कच्या नंबर वर करता येईल. या प्लान मध्ये पण वॉयस कॉल फ्री असतील आणि रोमिंग मध्ये पण वापरता येतील. तसेच कंपनी आपल्या ग्राहकांना 269 रुपयांच्या प्लान मध्ये 56 दिवसांच्या वॅलिडिटी सह एकूण 600 एसएमएस पण देत आहेत.
