Xiaomi ने गेल्या आठवड्यात इंडियन मार्केट मध्ये ‘रेडमी सीरीज’ अंतर्गत नवीन स्मार्टफोन Redmi 9 लॉन्च केला होता. हा फोन दोन वेरिएंट्स मध्ये लॉन्च झाला होता ज्यात 4 जीबी रॅम + 64 जीबी स्टोरेज वेरिएंटची किंमत 8,999 रुपये तसेच 4 जीबी रॅम + 128 जीबी स्टोरेज वेरिएंटची किंमत 9,999 रुपये आहे. रेडमी 9 ची विक्री सुरु झाल्यानंतर आता शाओमीने या सीरीज मध्ये अजून एक नवीन फोन Redmi 9A पण लॉन्च केला आहे. शाओमी रेडमी 9ए पण लो बजेट मध्ये आला आहे जो 6,799 रुपयांच्या बेस किंमतीत येत्या 4 सप्टेंबर पासून विक्रीसाठी उपलब्ध होईल.
लुक व डिजाईन
Redmi 9A कंपनीने वॉटरड्रॉप नॉच डिजाईन वर सादर केला गेला आहे, जो ऑरा 360 डिजाईन वर बनला आहे तसेच पी2आई कोटेड आहे. फ्रंट पॅनल वर स्क्रीनच्या तीन कडा बेजल लेस आहेत तर खालच्या बाजूला रुंद चिन पार्ट आहे. फोनच्या बॅक पॅनल वर रियर कॅमेरा सेटअप वरच्या बाजूला डावीकडे वर्टिकल शेप मध्ये आहे. या सेटअप मध्ये एक कॅमेरा लेंस आणि एक फ्लॅश लाईट देण्यात आली आहे. फोनच्या रियर पॅनल वर फिंगरप्रिंट सेंसर नाही. उजव्या पॅनल वर वॉल्यूम रॉकर आणि पावर बटन देण्यात आला आहे तसेच डाव्या पॅनल वर सिम स्लॉट आहे. फोनच्या लोवर पॅनल वर यूएसबी पोर्ट आणि वरच्या पॅनल वर 3.5एमएम जॅक आहे.
फीचर्स व स्पेसिफिकेशन्स
Xiaomi Redmi 9A 20:9 आस्पेक्ट रेशियो वर सादर केला गेला आहे जो 1600 x 720 पिक्सल रेज्ल्यूशन असलेल्या 6.53 इंचाच्या एचडी+ एलसीडी डिस्प्लेला सपोर्ट करतो. रेडमी 9ए एंडरॉयड 10 वर लॉन्च केला गेला आहे जो मीयूआई 12 सह चालतो. तसेच प्रोसेसिंगसाठी या फोन मध्ये 2गीगाहर्ट्ज क्लॉक स्पीड असलेल्या आक्टाकोर प्रोसेसर सह मीडियाटेक चा 12एनएम टेक्नॉलॉजी वर बनलेला हीलियो जी25 चिपसेट आहे. तसेच ग्राफिक्ससाठी हा फोन पावरवीआर जीई8329 जीपीयू ला सपोर्ट करतो.
इंडियन मार्केट मध्ये हा फोन दोन रॅम वेरिएंट्स मध्ये लॉन्च केला गेला आहे. फोनचा बेस वेरिएंट 2 जीबी रॅमला सपोर्ट करतो तर दुसऱ्या वेरिएंट मध्ये 3 जीबी रॅम देण्यात आला आहे. हे दोन्ही मॉडेल 32 जीबी इंटरनल स्टोरेजला सपोर्ट करतात जी माइक्रोएसडी कार्डने 512 जीबी पर्यंत वाढवता येते. फोटोग्राफी सेग्मेंट पाहता शाओमी रेडमी 9ए एलईडी फ्लॅश सह एफ/2.2 अपर्चर असलेल्या 13 मेगापिक्सलच्या प्राइमरी कॅमेऱ्याला सपोर्ट करतो. त्याचप्रमाणे सेल्फी आणि वीडियो कॉलिंगसाठी या फोन मध्ये एफ/2.2 अपर्चर असलेला 5 मेगापिक्सलचा फ्रंट कॅमेरा देण्यात आला आहे.
Redmi 9A एक रियल डुअल सिम फोन आहे ज्यात दोन सिम कार्ड आणि एक मेमरी कार्ड एक साथ वापरता येतात. बेसिक कनेक्टिविटी फीचर्सला सपोर्ट करणारा हा फोन 4जी वोएलटीई सह येतो. सिक्योरिटीसाठी शाओमीने रेडमी 9ए स्मार्टफोन मध्ये फेस अनलॉक फीचर दिला तसेच पावर बॅकअपसाठी हा फोन 10वॉट फास्ट चार्जिंग टेक्नॉलॉजी असलेल्या 5,000एमएएच च्या बॅटरीला सपोर्ट करतो.
किंमत व सेल
Xiaomi Redmi 9A चा 2 जीबी रॅम + 32 जीबी स्टोरेज वेरिएंट 6,799 रुपयांमध्ये लॉन्च केला गेला आहे तसेच फोनच्या 3 जीबी रॅम + 32 जीबी स्टोरेज वेरिएंटची किंमत 7,499 रुपये आहे. कंपनीने हा फोन Green, Black आणि Blue कलर मध्ये लॉन्च केला आहे. शाओमी रेडमी 9ए येत्या 4 सप्टेंबर पासून शॉपिंग साइट अमॅझॉन व शाओमी स्टोर्स वर विक्रीसाठी उपलब्ध होईल.
