Xiaomi भारतातील नंबर वन स्मार्टफोन ब्रान्ड बनली आहे. कंपनी द्वारा लॉन्च केला जाणारा जवळपास प्रत्येक फोन लोक हातोहात विकत घेतात. मागे शाओमीने भारतात रेडमी नोट 7 सीरीज अंतर्गत स्मार्टफोन Redmi Note 7 आणि Redmi Note 7 Pro लॉन्च केले होते. हे दोन्ही स्मार्टफोन इंडियन मोबाईल यूजर्सना खूप आवडले. Xiaomi द्वारा आणण्यात आलेले हे स्मार्टफोन फक्त भारतात नाही तर चीन समवेत ग्लोबल मंचावर लोकांना इतके आवडले कि त्यांनी एक अनोखा रेकॉर्ड शाओमीच्या नावे केला आहे.
Xiaomi Redmi Note 7 सीरीज ग्लोबल मंचावर हिट झाली आहे. या सीरीज अंतर्गत लॉन्च झालेल्या स्मार्टफोन्स बद्दल स्वतः कंपनीचे को-फाउंडर लेई जून यांनी खुलासा केला आहे कि या सीरीजचे जगभर 10 मिलियन म्हणजे 1 कोटी पेक्षा पण जास्त यूनिट्सच्या विक्रीची नोंद करत नवीन रेकॉर्ड केला आहे. चीनी माइक्रोब्लागिंग साइट वेईबो वर पोस्ट शेयर करत लेई जून यांनी म्हटले आहे कि रेडमी नोट 7 सीरीज ने हा आकडा फक्त 129 दिवसांत पार केला आहे.
विशेष म्हणजे उद्या म्हणजे 28 मे ला Xiaomi चीन मध्ये एका ईवेंटचे आयोजन करणार आहे आणि या ईवेंटच्या मंचावरून कंपनी एक नवीन स्मार्टफोन सीरीज Redmi K नावाने सादर करणार आहे. या सीरीज अंतर्गत शाओमी द्वारा Redmi K20 आणि Redmi K20 Pro लॉन्च केले जातील. या स्मार्टफोन्स बद्दल लेई जून म्हणले कि, ‘ रेडमी नोट 7 सीरीजला तर खूप चांगला रिस्पॉन्स मिळाला, आता हाई प्राइस रेंज मध्ये आमच्या नवीन फोनला असाच सकारत्मक प्रतिसाद मिळतो कि नाही, हे बघावे लागेल’. विशेष म्हणजे भारतात पण 2 महिन्यात Redmi Note 7 आणि Redmi Note 7 Pro चे 20 लाखांपेक्षा जास्त यूनिट विकले गेले आहेत.
Redmi Note 7 Pro स्पेसिफिकेशन्स
शाओमी Redmi Note 7 Pro चा कॅमेरा सेटअप फोनची सर्वात मोठी यूएसपी आहे. हा फोन एलईडी फ्लॅश सह डुअल रियर कॅमेऱ्याला सपोर्ट करतो. फोनच्या बॅक पॅनल वर एफ/1.8 अपर्चर वाला 48-मेगापिक्सलचा सोनी आईएमएक्स586 सेंसर प्राइमरी सेंसर तसेच 5-मेगापिक्सलचा डेफ्थ-सेंसिग सेंसर देण्यात आला आहे. कंपनी ने Redmi Note 7 Pro चा रियर कॅमेरा सेटअप एआई टेक्नॉलॉजीने सुसज्ज केला आहे जो लाईट, नॉइज आणि ब्राइटनेस स्वतःच अडजस्ट करून शानदार फोटो कॅप्चर करतो. तसेच सेल्फी साठी या फोन मध्ये 13-मेगापिक्सलचा फ्रंट कॅमेरा देण्यात आला आहे.
Redmi Note 7 Pro एंडरॉयडच्या लेटेस्ट ऑपरेटिंग सिस्टम एंडरॉयड 9 पाई वर सादर केला गेला आहे ज्याचा वापर कंपनीच्या यूजर इंटरफेस मीयूआई 10 सह शानदार होतो. प्रोसेसिंग साठी Redmi Note 7 Pro मध्ये ऑक्टा-कोर प्रोसेसर सह 11एनएम टेक्नॉलॉजी वर बनलेला क्वालकॉमचा स्नॅपड्रॅगॉन 675 चिपसेट देण्यात आला आहे. तसेच ग्राफिक्स साठी या फोन मध्ये एड्रेनो 612 जीपीयू आहे. Redmi Note 7 Pro 2 वेरिएंट्स मध्ये लॉन्च केला गेला आहे.
शाओमी Redmi Note 7 Pro डुअल सिम फोन आहे जो 4जी एलटीई ला सपोर्ट करतो. सिक्योरिटी साठी फोनच्या बॅक पॅनल वर फिंगरप्रिंट सेंसर देण्यात आला आहे तसेच Redmi Note 7 Pro फेस अनलॉक फीचरला पण सपोर्ट करतो. Redmi Note 7 Pro मध्ये म्यूजिक साठी 3.5एमएम जॅक देण्यात आला आहे तसेच एक्ट्ररनल यूएसबी ड्राईव साठी हा फोन यूएसबी टाईप-सी पोर्टला सपोर्ट करतो. पावर बॅकअप साठी Redmi Note 7 Pro मध्ये क्विक चार्ज 4 सपोर्ट असलेली 4,000एमएएच ची दमदार बॅटरी देण्यात आली आहे. हा फोन नेबुला रेड, नेप्चुन ब्लू आणि स्पेस ब्लॅक कलर मध्ये लॉन्च केला गेला आहे.
Redmi Note 7 स्पेसिफिकेशन
शाओमी Redmi Note 7 Pro सोबत शाओमी इंडिया ने Redmi Note 7 स्मार्टफोन पण लॉन्च केला आहे. हा स्मार्टफोन स्टाईल, डिजाईन आणि डिस्प्लेच्या बाबतीत Redmi Note 7 Pro सारखाच आहे. एंडरॉयड 9 पाई सह प्रोसेसिंग साठी Redmi Note 7 मध्ये ऑक्टा-कोर प्रोसेसर आणि क्वालकॉम स्नॅपड्रॅगॉन 660 चिपसेट देण्यात आला आहे. हा फोन पण डुअल रियर कॅमेऱ्याला सपोर्ट करतो.या फोनच्या बॅक पॅनल वर एलईडी फ्लॅश सह 12-मेगापिक्सलचा सॅमसंग प्राइमरी सेंसर तसेच 2-मेगापिक्सलचा डेफ्थ-सेंसिग सेंसर देण्यात आला आहे. तसेच सेल्फी साठी या फोन मध्ये पण 13-मेगापिक्सलचा फ्रंट कॅमेरा देण्यात आला आहे. Redmi Note 7 मध्ये पण पावर बॅकअप साठी 4,000एमएएच ची दमदार बॅटरी देण्यात आली आहे जो फास्ट चार्जिंगला सपोर्ट करते. रूबी रेड, ब्लॅक आणि सफायर ब्लू कलर मध्ये विकत घेता येईल.
