इंडियन स्मार्टफोन मार्केट वरील काही दिवसांपूर्वी काउंटरप्वाइंट चा एक रिपोर्ट समोर आला होता ज्यात शाओमी आणि सॅमसंग ला देशातील सर्वात जास्त विकले जाणारे ब्रँड म्हणून घोषित करण्यात आले होते तसेच दोघांमध्ये चांगलीच टक्कर होती. तर आता प्रसिद्ध रिसर्च फर्म आईडीसी ने पण एक नवीन रिपोर्ट सादर केला आहे ज्यात सांगण्यात आले आहे की देशात सर्वात वेगाने पुढे येणारी चीनी कंपनी शाओमी या रेस मध्ये सॅमसंग च्या पुढे गेली आहे आणि देशात सर्वात जास्त विकला जाणारा स्मार्टफोन ब्रँड बनला आहे.
आईडीसी (इंटरनेशनल डाटा कॉपोरेशन) ने साल 2018 च्या दुसर्या तिमाहीचा रिपोर्ट सादर केला आहे. या रिपोर्ट मध्ये सांगण्यात आले आहे की देशातील स्मार्टफोन बाजारात सर्व कंपन्यांना मागे टाकत शाओमी सर्वात पुढे निघाली आहे. एप्रिल-मे-जून या काळात शाओमी ने भारतात 29.7 टक्के बाजारावर कब्जा करत देशातील सर्वात मोठा स्मार्टफोन ब्रँड म्हणून पुढे आली आहे. दीर्घकाळ भारतात नंबर वन ब्रँड म्हणून राज्य करणारी सॅमसंग या शर्यतीत दुसर्या नंबर वर आली आहे. रिपोर्ट नुसार सॅमसंग च्या वाट्याला 23.9 टक्के मार्केट शेयर आला आहे.
शाओमी मध्ये गेल्या वर्षी पेक्षा या वर्षी 12 टक्के जास्त वृद्धि झाली आहे. साल 2017 च्या दुसर्या तिमाहीत आईडीसी च्या रिपोर्ट नुसार शाओमी कडे 17.2 टक्के मार्केट शेयर होता. तर सॅमसंग कडे गेल्यावर्षी याच काळात 23.6 टक्के मार्केट शेयर होता. गेल्या वर्षी पेक्षा यावर्षी वीवो आणि ओपो चा मार्केट शेयर कमी झाला आहे.
आईडीसी च्या रिपोर्ट मध्ये वीवो ने 12.6 टक्के मार्केट शेयर्स सोबत तिसरे स्थान मिला मिळवले आहे. तर गेल्यावर्षी वीवो ने दुसर्या तिमाहीत 12.8 टक्के मार्केट शेयर मिळवला होता. तसेच साल 2017 मध्ये 7.9 टक्के मार्केट शेयर मिळणारी ओपो यावर्षी 7.6 टक्के शेयर्स सह चौथ्या नंबर वर आली आहे.
2018 च्या दुसर्या तिमाहीत सर्वात जास्त विकल्या जाणार्या स्मार्टफोन्स बद्दल बोलायचे तर या लिस्ट मध्ये शाओमी च्या रेडमी 5ए ला पहिले स्थान मिळाले आहे. तर रेडमी नोट 5 प्रो, रेडमी नोट 5 आणि रेडमी 5 पण देशातील टॉप 5 स्मार्टफोन मध्ये आहेत.
