ప్రముఖ స్మార్ట్‌ఫోన్ బ్రాండ్ Vivo ఒక కొత్త వై-సిరీస్ డివైజ్ ని గ్లోబల్ మార్కెట్ లో లాంచ్ చేసింది. Vivo Y03 పేరుతో ఈ ఫోన్ ఇండోనేషియన్ మార్కెట్ లోకి వచ్చింది. ఈ ఫోన్ లో యూజర్లకు ఉపయోగపడే ఎన్నో ఫీచర్లు ఉన్నాయి. తక్కువ ధరలో స్టైలిష్ లుక్, 8జిబి ర్యామ్ పవర్, 5,000 ఎంఏహెచ్ బ్యాటరీ, ఐపీ54 రేటింగ్ వంటి ఫీచర్లు ఈ ఫోన్ లో లభిస్తున్నాయి. సరే, ఓసారి Vivo Y03 ధర, లభ్యత మరియు పూర్తి స్పెసిఫికేషన్స్ ఏ విధంగా ఉన్నాయో తెలుసుకుందాం పదండి.
Vivo Y03 ధర
Vivo Y03 స్మార్ట్‌ఫోన్ ఇండోనేషియన్ మార్కెట్ లో రెండు స్టోరేజీ ఆప్షన్స్ లో లాంచ్ అయ్యింది.
Vivo Y03 4జిబి ర్యామ్ + 64జిబి స్టోరేజీ మోడల్ ధర IDR 12,99,000 (సుమారు రూ.6,900) గా ఉంది. 4జిబి ర్యామ్ + 128జిబి స్టోరేజీ వేరియంట్ ధర IDR 14,99,000 (సుమారు రూ.8,000) గా ఉంది. Vivo Y03 స్మార్ట్‌ఫోన్ జెమ్ గ్రీన్ మరియు స్పేస్ బ్లాక్ కలర్ ఆప్షన్స్ లో లభిస్తుంది.
Vivo Y03 స్పెసిఫికేషన్స్
- డిస్ప్లే: Vivo Y03 లో 6.56-ఇంచ్ ఐపీఎస్ ఎల్సీడీ హెచ్డీ+ స్క్రీన్, 90 హెర్ట్జ్ రిఫ్రెష్ రేట్, 1612*720 పిక్సెల్స్ రెజుల్యూషన్, 269 పీపీఐ పిక్సెల్ డెన్సిటీ సపోర్ట్ ఉన్నాయి.
- ప్రాసెసర్: Vivo Y03 లో ఎంట్రీ లెవెల్ చిప్సెట్ మీడియాటెక్ హీలియో జీ85 వాడారు. గేమింగ్ తో పాటు ఇతర టాస్కుల్లో దీని పెర్ఫామెన్స్ బాగుంటుంది.
- ర్యామ్, స్టోరేజీ: Vivo Y03 డివైజ్ 4జిబి ర్యామ్ + 64జిబి స్టోరేజీ మరియు 4జిబి ర్యామ్ + 128జిబి స్టోరేజీ ఆప్షన్స్ లో లభిస్తుంది. అంతేకాదు, ఇంకా ఈ ఫోన్ 4జిబి ఎక్స్‌టెండెడ్ ర్యామ్ సపోర్ట్ తో వచ్చింది. దీంతో యూజర్ కి గరిష్టంగా 8జిబి ర్యామ్ పవర్ లభిస్తుంది. మైక్రోఎస్డీ కార్డ్ సాయంతో 1టిబి వరకు మెమొరీని పెంచుకునే వీలుంది.
- కెమెరా: Vivo Y03 లో డ్యూయల్ రియర్ కెమెరా సెటప్ ఉంది. ఇందులో 13ఎంపి మెయిన్ కెమెరా, ఎల్ఈడీ ఫ్లాష్, ఓవీజీఏ సెకండరీ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 5ఎంపి ఫ్రంట్ కెమెరా ఇచ్చారు.
- బ్యాటరీ: Vivo Y03 లో పవర్ బ్యాకప్ కోసం 5,000 ఎంఏహెచ్ బ్యాటరీ ఇచ్చారు. ఇది 15 వాట్ ఫాస్ట్ చార్జింగ్ కి సపోర్ట్ చేస్తుంది.
- ఓఎస్: Vivo Y03 స్మార్ట్‌ఫోన్ ఆండ్రాయిడ్ 14 ఓఎస్ ఆధారిత ఫన్‌టచ్ ఓఎస్ 14 కస్టమ్ స్కిన్ పై పని చేస్తుంది.
- ఇతర ఫీచర్లు: Vivo Y03 లో బ్లూటూత్ 5.0, వై-ఫై, డ్యూయల్ సిమ్, 4జీ, జీపీఎస్, ఓటీజీ, ఐపీ54 రేటింగ్ ఉన్నాయి.
