नोकियानं गेल्या महिन्यात सप्टेंबरमध्ये आयोजित IFA 2022 इव्हेंट मध्ये तीन स्मार्टफोन Nokia C31, Nokia X30 5G आणि Nokia G60 5G सादर केले होते. तिन्ही नोकिया फोन वेगवेगळ्या बजेटमध्ये दमदार स्पेसिफिकेशन्स व फीचर्सना सपोर्ट करतात. यातील एक नोकिया जी60 5जी फोन लवकरच भारतात लाँच होणार आहे. कंपनीनं अधिकृत ट्वीटर हँडलच्या माध्यमातून Nokia G60 5G India Launch ची माहिती दिली आहे आणि वेबसाइटवर देखील फोनचं प्रोडक्ट पेज लाइव्ह झालं आहे. पुढील काही दिवसांत हा नोकिया मोबाइल 120Hz Display, 50MP Camera आणि 5G सह भारतात लाँच होऊ शकतो.
Nokia G60 5G India Launch
नोकिया जी60 5जी फोनचं प्रोडक्ट पेज कंपनीच्या ऑफिशियल वेबसाइटवर लाइव्ह करण्यात आलं आहे जिथे फोनची संपूर्ण माहिती मिळते. सध्या नोकिया इंडिया वेबसाइटवर Nokia G60 5G फोन 6GB RAM + 128GB Storage च्या सिंगल व्हेरिएंटमध्ये लिस्ट करण्यात आला आहे जो Ice आणि Black कलरमध्ये दिसतो. येत्या काही दिवसांत हा नोकिया स्मार्टफोन भारतात प्री-बुकिंगसाठी उपलब्ध होऊ शकतो तसेच नोव्हेंबरमध्ये नोकिया जी60 5जी फोनची विक्री देखील सुरु होऊ शकते. हे देखील वाचा: 12 महिने चालणारा BSNL चा सर्वात स्वस्त Recharge, डेटा आणि कॉलिंगसह एसएमएस देखील फ्री
Be ready for tomorrow with a 120Hz refresh rate, a 50MP triple AI camera, high-speed 5G connectivity and years of hardware and software support on the new Nokia G60 5G.
Pre-booking with exclusive offers, coming soon.#NokiaG605G #TomorrowisHere #Nokiaphones #LoveTrustKeep pic.twitter.com/pgrEe2IqqM
— Nokia Mobile India (@NokiamobileIN) October 28, 2022
Nokia G60 5G च्या ग्लोबल मॉडेलचे स्पेसिफिकेशन्स
नोकिया जी60 5जी फोन 6.58 इंचाच्या फुलएचडी+ डिस्प्लेसह लाँच केला गेला आहे. या मोबाइलची स्क्रीन एलसीडी पॅनलवर बनली आहे जी 120हर्ट्ज रिफ्रेश रेटला सपोर्ट करते तसेच 500निट्स ब्राइटनेससह बाजारात आली आहे. फोनच्या डिस्प्लेला कंपनीनं कोर्निंग गोरिल्ला 5 ची सुरक्षा दिली आहे.
प्रोसेसिंगसाठी या मोबाइलमध्ये क्वॉलकॉम स्नॅपड्रॅगन 695 चिपसेट देण्यात आला आहे. त्याचबरोबर यात 6GB पर्यंत रॅम आणि 128GB पर्यंत इंटरनल स्टोरेज देण्यात आली आहे. ही स्टोरेज मायक्रोएसडी कार्डच्या माध्यमातून वाढवता येईल. Nokia G60 5G अँड्रॉइड 12 ऑपरेटिंग सिस्टम देण्यात आली आहे. हे देखील वाचा: Upcoming Electric Cars 2023: फक्त इलेक्ट्रिक Wagnor नव्हे तर या कार्स येत आहेत पुढील वर्षी, जाणून घ्या किंमत आणि लाँच डेट!
फोटोग्राफीसाठी Nokia G60 5G Phone ट्रिपल रियर कॅमेऱ्याला सपोर्ट करतो. फोनच्या बॅक पॅनलवर एलईडी फ्लॅशसह 50 मेगापिक्सलचा प्रायमरी सेन्सर देण्यात आला आहे जो 5 मेगापिक्सल अल्ट्रा वाइड अँगल लेन्स तथा एक डेप्थ सेन्सरसह चालतो. तसेच फोनच्या फ्रंट पॅनलवर 8 मेगापिक्सलचा सेल्फी कॅमेरा आहे.
Nokia G60 5G इको फ्रेंडली मटेरियलपासून बनवण्यात आला आहे. कंपनीनं आपला मोबाइल आयपी52 रेटिंगसह सादर केली आहे ज्यामुळे हा फोन वॉटर व डस्ट प्रूफ बनतो. सिक्योरिटीसाठी साइड माउंटेड फिंगरप्रिंट सेन्सर देण्यात आला आहे. तर पावर बॅकअपसाठी हा स्मार्टफोन 4,500एमएएच बॅटरीसह सादर करण्यात आला आहे जी 20वॉट फास्ट चार्जिंग सपोर्ट करते.
लेटेस्ट मोबाइल आणि टेक न्यूज, गॅजेट्स रिव्यूज आणि रिचार्ज प्लॅनसाठी 91mobiles मराठी ला Facebook वर फॉलो करा.
