कमी बजेटमध्ये दमदार स्पेसिफिकेशन्स देणारा ब्रँड अशी टेक्नोची ओळख आहे. कंपनीनं भारतीय बाजारात अलीकडेच Tecno Camon 19 Neo आणि Tecno Camon 19 स्मार्टफोन लाँच केले होते. टेक्नो कॅमोन 19 स्मार्टफोनची किंमत प्राईस 14,999 रुपये तर कॅमोन 19 नियोची किंमत 12,499 रुपये आहे. आपल्या या सीरीज अंतगर्त आता कंपनी दोन दिवसांनी म्हणजे 10 ऑगस्टला TECNO CAMON 19 Pro 5G लाँच करणार आहे.
TECNO CAMON 19 Pro 5G चा भारतीय लाँच
TECNO CAMON 19 Pro 5G फोन येत्या 10 ऑगस्टला भारतीय बाजारात लाँच होईल. टेक्नो इंडियानं आपल्या अधिकृत ट्वीटर हँडलच्या माध्यमातून फोन लाँचची माहिती देत सांगितलं आहे की, कॅमोन सीरीजचा हा नवीन 5जी मोबाइल फोन दोन दिवसांनी भारतीय बाजारात एंट्री करेल. ट्वीटमध्ये फोनचा फोटो देखील शेयर करण्यात आला आहे. टेक्नो कॅमोन 19 प्रो 5जी फोनची किंमत किती असेल यासाठी 10 ऑगस्टची वाट बघावी लागेल.
Get, Set, Whoosh!
TECNO CAMON 19 Pro 5G unveiling in two days.#IntoTheNight #TECNOCAMON19Pro5G #AStylishAffair #TECNOMobile #TECNO #StayTuned pic.twitter.com/vjfkelPA4S
— TECNO Mobile India (@TecnoMobileInd) August 8, 2022
TECNO CAMON 19 Pro 5G चे स्पेसिफिकेशन्स
टेक्नो इंडियानं अजूनतरी या फोनच्या स्पेसिफिकेशन्सचा खुलासा केलं नाही. परंतु जागतिक बाजारात याची चाहूल लागली आहे त्यामुळे भारतात लाँच होण्याआधी फोनच्या स्पेसिफिकेशन्सची माहिती मिळाली आहे. आशा आहे की हा हँडसेट ग्लोबल व्हेरिएंटच्या स्पेसिफिकेशन्ससह भारतात एंट्री करेल. हा टेक्नो मोबाइल ग्लोबल मंचावर 1080 x 2460 पिक्सल रिजोल्यूशन असलेल्या 6.8 इंचाच्या मोठ्या फुलएचडी डिस्प्लेसह लाँच झाला आहे जो 120हर्ट्ज रिफ्रेश रेटवर चालतो. हे देखील वाचा: फक्त 18,249 रुपयांमध्ये मिळतोय OnePlus चा दमदार स्मार्टफोन; स्वस्तात 6GB RAM, 5000mAh ची बॅटरी
TECNO CAMON 19 Pro 5G मध्ये अँड्रॉइड 12 ओएस देण्यात आला आहे जो अँड्रॉइड 13 रोलआउट होताच त्यावर अपडेट होईल. तसेच प्रोसेसिंगसाठी हा स्मार्टफोन मीडियाटेक डिमेनसिटी 810 5जी चिपसेटवर चालतो. टेक मंचावर या मोबाइल फोननं 8 जीबी रॅमसह एंट्री घेतली होती जो 256 जीबी स्टोरेजला सपोर्ट करतो.
फोटोग्राफीसाठी TECNO CAMON 19 Pro 5G फोन ट्रिपल रियर कॅमेऱ्याला सपोर्ट करतो ज्यात 64 मेगापिक्सलचा प्रायमरी सेन्सर देण्यात आला आहे. तसेच सेल्फी आणि व्हिडीओ कॉलिंगसाठी टेक्नो कॅमोन 19 प्रो 5जी मध्ये 16 मेगापिक्सलचा फ्रंट कॅमेरा आहे. पावर बॅकअपसाठी या टेक्नो मोबाइल फोनमध्ये 5,000एमएएच ची बॅटरी देण्यात आली आहे जी 33वॉट फ्लॅश चार्ज टेक्नॉलॉजीला सपोर्ट करते. हे देखील वाचा: Samsung चा नवा डाव! कमी किंमतीत 8GB RAM, 5 कॅमेरे असलेला Galaxy A23 5G केला लाँच
TECNO CAMON 19 Pro 5G ची संभाव्य किंमत
Tecno Camon 19 Pro 5G स्मार्टफोन केनियामध्ये एकाच व्हेरिएंटमध्ये सादर करण्यात आला आहे. तिथे या हँडसेटची किंमत 300 यूएस डॉलर्स इतकी ठेवण्यात आली आहे. ही किंमत भारतीय चलनात रूपांतरित केल्यास 24,000 रुपयांच्या आसपास होते. परंतु अधिकृत भारतीय किंमतीसाठी आपल्याला लाँचची वाट पाहावी लागेल.
