टेक्नोनं काही दिवसांपूर्वी भारतीय बाजारात रंग बदलणाऱ्या बॅक पॅनलसह TECNO CAMON 19 Pro Mondrian स्मार्टफोन सादर केला होता. हा भारतातील पहिला हँडसेट आहे ज्यात मल्टिपल कलर चेंजिंग पॅनल मिळतात. आज टेक्नोनं भारतीय बाजारात आपल्या 5जी प्रोडक्ट पोर्टफोलियोचा विस्तार करत नवीन स्मार्टफोन TECNO POVA NEO 5G लाँच केला आहे. हा टेक्नो मोबाइल 6,000mAh Battery, 50MP Camera, 120Hz Display आणि MTK Dimensity 810 5G Processor सारख्या तगड्या स्पेसिफिकेशन्ससह भारतात आला जो फक्त 15,499 रुपयांमध्ये विकत घेता येईल.
Tecno Pova Neo 5G Specifications
Tecno Pova Neo 5G अँड्रॉइड 12 आधारित हायओएस 8.6 वर चालतो. प्रोसेसिंगसाठी या स्मार्टफोनमध्ये ऑक्टाकोर प्रोसेसर तसेच मीडियाटेक डिमेनसिटी 810 चिपसेट देण्यात आला आहे. ग्राफिक्ससाठी हा 5जी मोबाइल फोन माली जी57 जीपीयूला सपोर्ट करते. हा फोन 3 जीबी व्हर्च्युअल रॅमला देखील सपोर्ट करतो त्यामुळे मोबाइलला 7जीबी रॅमची पावर मिळते. हे देखील वाचा: BSNL चा पैसा वसूल प्लॅन! 130 दिवस डेली Unlimited Data आणि फ्री कॉलिंग, जाणून घ्या सविस्तर
हा टेक्नो मोबाइल 6.8 इंचाच्या फुलएचडी+ पंच-होल डिस्प्लेसह लाँच झाला आहे जो 120 हर्ट्ज रिफ्रेश रेट व 240 हर्ट्ज टच सॅम्पलिंग रेटवर काम करतो. फोनची स्क्रीन 500 निट्स ब्राइटनेस आणि 393 पीपीआय सारख्या फीचर्सना सपोर्ट करते.
फोटोग्राफीसाठी Tecno Pova Neo 5G मध्ये ड्युअल रियर कॅमेरा आहे. फोनच्या बॅक पॅनलवर एलईडी फ्लॅशसह 50 मेगापिक्सलचा प्रायमरी सेन्सर सेन्सर देण्यात आला आहे जो एआय सेन्सरसह चालतो. तसेच सेल्फी आणि व्हिडीओ कॉलिंगसाठी हा स्मार्टफोन 8 मेगापिक्सलच्या फ्रंट कॅमेऱ्याला सपोर्ट करतो.
Tecno Pova Neo 5G ड्युअल सिम फोन आहे जो 5जी सह 4जीला देखील सपोर्ट करतो. सिक्योरिटीसाठी फोनच्या साइड पॅनलवर फिंगरप्रिंट सेन्सर इम्बेडेड पावर बटन देण्यात आलं आहे. पावर बॅकअपसाठी हा स्मार्टफोन 18 वॉट फास्ट चार्जिंग टेक्नॉलॉजी असलेली 6,000एमएएचची मोठी बॅटरी देण्यात आली आहे. हे देखील वाचा: 5G Plans Price: 4G प्रमाणे मोफत मिळणार 5जी सर्व्हिस? बजेटमध्ये बसेल का पुढील महिन्यात येणारं 5G
Tecno Pova Neo 5G Price
टेक्नो पोवा नियो 5जी फोन भारतीय बाजारात सध्या सिंगल व्हेरिएंटमध्ये लाँच झाला आहे. या स्मार्टफोनमध्ये 4GB RAM + 128GB ROM देण्यात आलं आहे, ज्याची लाँच प्राइस 15,499 रुपये आहे. हा नवीन टेक्नो मोबाइल फोन Sprint Blue आणि Sapphire Black कलरमध्ये विकत घेता येईल.
