Vivo नं भारतात आपली मिड रेंज स्मार्टफोन Vivo T2 सीरीज लाँच केली आहे. तसेच कंपनीनं भारतात आपले दोन स्मार्टफोन Vivo Y16 आणि Vivo Y22 चे नवीन व्हेरिएंट देखील सादर केले आहेत. याआधी कंपनीनं भारतात अपनी Y सीरीजचा नवीन स्मार्टफोन Vivo Y100A लाँच केला होता. पुढे आम्ही तुम्हाला विवोच्या लेटेस्ट स्मार्टफोनच्या किंमत आणि स्पेसिफिकेशन्सची माहिती दिली आहे.
Vivo Y16 आणि Y22 चे नवीन व्हेरिएंट
Vivo Y16 आणि Y22 स्मार्टफोनचे नवीन व्हेरिएंट 4GB रॅम व 128GB स्टोरेजसह येतात. यातील Vivo Y16 चा नवा व्हेरिएंट 12,999 रुपयांमध्ये लाँच झाला आहे. तर विवो वाय 22 चा नवीन मॉडेल 14,999 रुपयांमध्ये सादर करण्यात आला आहे. Vivo Y16 स्मार्टफोन गोल्ड आणि ब्लॅक कलरमध्ये येतो. तर Vivo Y22 चे व्हाइट आणि ब्लॅक कलर व्हेरिएंट उपलब्ध आहेत.
विवो वाय16 चे स्पेसिफिकेशन्स
- 6.5 इंचाचा HD+ डिस्प्ले
- MediaTek Helio P35 प्रोसेसर
- ड्युअल रियर कॅमेरा सेटअप
- 5000mAh बॅटरी आणि 10W फास्ट
विवो वाय16 चे फीचर्स आणि स्पेसिफिकेशन्स पाहता हा स्मार्टफोन 720 x 1600 पिक्सल रिजोल्यूशन असलेल्या 6.51 इंचाच्या एचडी+ डिस्प्लेवर लाँच झाला आहे. फोनची स्क्रीन आयपीएस एलसीडी पॅनलवर बनली आहे जी 2.5डी कर्व ग्लासनं प्रोटेक्ट करण्यात आली आहे.
Vivo Y16 अँड्रॉइड 12 आधारित फनटच ओएस 12 वर चालतो. प्रोसेसिंगसाठी या स्मार्टफोनमध्ये मीडियाटेक हीलियो पी35 चिपसेट देण्यात आला आहे. भारतीय बाजारात हा विवो मोबाइल 4 जीबी रॅमवर लाँच झाला आहे. फोनमध्ये 128 जीबी इंटरनल स्टोरेज मिळते. वर्चुअल रॅम फिचरच्या मदतीनं 1 जीबी अतिरिक्त रॅमची ताकद मिळवता येईल. तसेच मेमरी वाढवण्यासाठी मायक्रोएसडी कार्ड स्लॉट देण्यात आला आहे.
फोटोग्राफीसाठी हा विवो मोबाइल ड्युअल रियर कॅमेऱ्याला सपोर्ट करतो. फोनच्या बॅक पॅनलवर एलईडी फ्लॅशसह 13 मेगापिक्सलचा प्रायमरी सेन्सर देण्यात आला आहे. जोडीला 2 मेगापिक्सलची सेकंडरी लेन्स आहे. सेल्फी आणि व्हिडीओ कॉलिंगसाठी हा स्मार्टफोन 5 मेगापिक्सलच्या फ्रंट कॅमेऱ्याला सपोर्ट करतो.
Vivo Y16 ड्युअल सिम फोन आहे जो 4जी एलटीईला सपोर्ट करतो. 3.5एमएम जॅक व अन्य बेसिक कनेक्टिव्हिटी फीचर्ससह सिक्योरिटीसाठी या स्मार्टफोनच्या बॅक पॅनलवर रियर फिंगरप्रिंट देण्यात आला आहे. पावर बॅकअपसाठी हा मोबाइल फोन 5,000एमएएच बॅटरीला सपोर्ट करतो.
विवो वाय22 स्पेसिफिकेशन्स
- 6.5-इंच HD+ डिस्प्ले
- MediaTek MT6769 प्रोसेसर
- 50MP + 2MP ड्युअल रियर कॅमेरा
- 8MP फ्रंट कॅमेरा
- 5000mAh बॅटरी, 18W फास्ट चार्जिंग
विवो वाय22 स्मार्टफोन 1612 × 720 पिक्सल रिजोल्यूशन असलेल्या 6.55 इंचाच्या एचडी+ डिस्प्लेला सपोर्ट करतो. फोनची स्क्रीन एलसीडी पॅनलवर बनली आहे जी 90हर्ट्ज रिफ्रेश रेटवर चालते. Vivo Y22 चे डायमेंशन 164.3 x 76.1 x 8.38एमएम आणि वजन 180ग्राम आहे. हा IPX4/X5 rated फोन आहे जो याला वॉटरप्रूफ बनवतो.
Vivo Y22 अँड्रॉइड 11 आधारित फनटचओएस 12 वर चालतो. प्रोसेसिंगसाठी या स्मार्टफोनमध्ये ऑक्टाकोर प्रोसेसरसह मीडियाटेक हीलियो एमटी6769 चिपसेट देण्यात आला आहे. हा विवो मोबाइल एक्सटेंडेड रॅम टेक्नॉलॉजीसह येतो ज्यात रॅम 2 जीबी एक्स्ट्रा वाढवता येईल.
फोटोग्राफीसाठी हा स्मार्टफोन ड्युअल रियर कॅमेऱ्याला सपोर्ट करतो. फोनच्या बॅक पॅनलवर एलईडी फ्लॅशसह 50 मेगापिक्सलचा प्रायमरी सेन्सर देण्यात आला आहे जो 2 मेगापिक्सल मॅक्रो लेन्ससह मिळून चालतो. अशाप्रकारे सेल्फी आणि व्हिडीओ कॉलिंगसाठी Vivo Y22 मोबाइल 8 मेगापिक्सलच्या फ्रंट कॅमेऱ्याला सपोर्ट करतो.
Vivo Y22 ड्युअल सिम फोन आहे जो 4जी एलटीईला सपोर्ट करतो. सिक्योरिटीसाठी फोनच्या साइड पॅनलवर फिंगरप्रिंट सेन्सर इम्बेडेड पावर बटन देण्यात आला आहे. तसेच यात फेस अनलॉक फीचर देखील आहे. अशाप्रकारे पावर बॅकअपसाठी विवो वाय22 18वॉट फास्ट चार्जिंग टेक्नॉलॉजी असलेल्या 5,000एमएएच बॅटरीला सपोर्ट करतो.
