OnePlus Pad टॅबलेटची किंमत फ्लिपकार्टच्या दोन वेगवेगळ्या लिस्टिंगमध्ये स्पॉट करण्यात आली आहे. वनप्लसनं हा टॅब भारतात लाँच केला आहे परंतु कंपनीनं याची विक्री अद्याप सुरु केली नाही. कंपनीच्या ऑफिशियल वेबसाइटवरून समजलं आहे की हा टॅबलेट याच महिन्यात विक्रीसाठी उपलब्ध होईल. परंतु नेमकी तारीख मात्र गुलदस्त्यातच आहे. OnePlus Pad चे दोन ऑप्शन 8GB रॅम आणि 128GB स्टोरेज आणि 256GB स्टोरेजसह सादर केले जातील.
वनप्लस पॅडची किंमत
- 37,999 रुपयांची सुरुवाती किंमत
- एसबीआय क्रेडिट कार्डवर मिळेल 10% डिस्काउंट
वनप्लस टॅबची किंमत असलेले लिस्टिंग पेज फ्लिपकार्टवर चुकून लाइव्ह झाले होते, जे कंपनीनं काही वेळातच डाउन केले. ट्विटर युजर @Robin_AYN_ नं याचे स्क्रीनशॉट शेयर केले आहेत. या लिस्टिंगनुसार, वनप्लसचा टॅब भारतात 37,999 रुपयांच्या बेस किंमतीत विक्रीसाठी उपलब्ध होईल. तसेच टॅबलेटचा 256GB मॉडेल 39,999 रुपयांमध्ये सादर केला जाईल. वनप्लसचा हा टॅबलेट Xiaomi Pad 5 आणि Samsung Galaxy Tab A8 सीरीजपेक्षा महाग आहे.
@stufflistings @OnePlus_IN @Flipkart #OnePluspad New OnePlus pad price leaked on Flipkart pic.twitter.com/bBDo6bHVRA
— R O B I N A Y N (@ROBIN_AYN_) April 19, 2023
Flipkart च्या लिस्टिंगवरून टॅबलेटवरील बँक ऑफर्स आणि डीलची माहिती मिळाली आहे. OnePlus Pad वर एसबीआय क्रेडिट कार्ड धारकांना 10 टक्के डिस्काउंट आणि Flipkart Axis बँक कार्डवर 5 टक्के कॅशबॅक मिळत आहे. वनप्लसच्या या टॅबवर एक वर्षाची वॉरंटी ऑफर केली जात आहे. एकदा सेल सुरु झाला की हा टॅब वनप्लसच्या ऑनलाइन आणि ऑफलाइन स्टोरवरून देखील विकत घेता येईल.
वनप्लस पॅडचे स्पेसिफिकेशन्स
- 11.61″ Display
- 7:5 Aspect Ratio
- 144Hz Refresh Rate
OnePlus Pad 7:5 अॅस्पेक्ट रेशियोवर बनला आहे ज्याला कंपनीनं ReadFit Screen असं नाव दिलं आहे. हा 2800 × 2000 पिक्सल रिजोल्यूशन असलेल्या 11.61 इंच डिस्प्लेला सपोर्ट करतो जो एलसीडी पॅनलवर बनला आहे तसेच 144हर्ट्ज रिफ्रेश रेटवर काम करतो. स्क्रीनवर एचडीआर 10+, 500निट्स ब्राइटनेस आणि 296पीपीआय सारखे फीचर्स मिळतात. या टॅबलेट डिवायसची जाडी फक्त 6.54एमएम आहे तसेच याचे वजन 552ग्राम आहे.
- 12GB RAM
- MediaTek Dimensity 9000
वनप्लस पॅड स्टाईलिश आहेच तसेच पावरफुल देखील आहे. हा टॅबलेट मीडियाटेक डिमेनसिटी 9000 प्रोसेसरवर चालतो. हा डिवायस 12 जीबी रॅमला सपोर्ट करतो जो LPDDR5 RAM टेक्नॉलॉजीवर चालतो. तसेच वनप्लस पॅडमध्ये UFS 3.1 Storage देण्यात आली आहे. हा वनप्लस टॅबलेट लेटेस्ट अँड्रॉइड ओएस 13 वर सादर करण्यात आला आहे.
- 13MP Rear Camera
- 8MP Front Camera
फोटोग्राफीसाठी वनप्लस पॅडच्या बॅक पॅनलवर 13 मेगापिक्सलचा सिंगल रियर कॅमेरा सेन्सर देण्यात आला आहे. तर सेल्फी आणि व्हिडीओ कॉलिंगसाठी हा टॅबलेट डिवायस 8 मेगापिक्सलच्या फ्रंट कॅमेऱ्याला सपोर्ट करतो. या टॅबलेटमध्ये ईआयएस स्टेबीलायजेशन फीचर देण्यात आलं आहे तर रियर कॅमेऱ्यात 4के व्हिडीओ तसेच फ्रंट कॅमेऱ्यात 1080पी व्हिडीओ रेकॉर्ड करता येतो.
- 67W Fast Charging
- 9,510mAh Battery
पावर बॅकअपसाठी OnePlus Pad 9,510एमएएचच्या दमदार बॅटरीसह येतो. तसेच मोठी बॅटरी वेगानं चार्ज करण्यासाठी यात 67वॉट फास्ट चार्जिंग टेक्नॉलॉजी देण्यात आली आहे. फोटोग्राफी सेग्मेंट पाहता, याच्या बॅक पॅनलवर 13 मेगापिक्सलचा कॅमेरा सेन्सर देण्यात आला आहे तर फ्रंट पॅनलवर 8 मेगापिक्सलचा सेल्फी सेन्सर आहे.
