टेक कंपनी पॅनासॉनिक ने गेल्या आठवड्यात भारतीय स्मार्टफोन मार्केट मध्ये आपली एलुगा स्मार्टफोन सीरीज वाढवत एक साथ दोन डिवाईस एलुगा झेड1 आणि एलुगा झेड1 प्रो लॉन्च केले होते. हे दोन्ही स्मार्टफोन क्रमश: 14,490 रुपये व 17,490 रुपयांमध्ये सेल साठी उपलब्ध आहेत. एलुगा सीरीजच्या या दोन्ही स्मार्टफोन्सची एक मोठी खासियत फोन मधील 4,000एमएएच ची मोठी बॅटरी आहे. तर आज हीच खासियत असणारी अजून एक स्मार्टफोन पी85 एनएक्सटी पण पॅनासॉनिक ने भारतात लॉन्च केला आहे जो 6,999 रुपयांमध्ये विकत घेता येईल.
पॅनासॉनिक पी85 एनएक्सटी चे फीचर्स आणि स्पेसिफिकेशन्स पाहता हा फोन कंपनी ने 5-इंचाच्या एचडी डिस्प्ले सह सादर केला आहे जो 2.5डी कर्व्ड कोर्निंग गोरिल्ला ग्लास ने प्रोटेक्टेड आहे. हा फोन एंडरॉयड 7.1.2 नुगट वर सादर करण्यात आला आहे जो 1.3गीगाहर्ट्ज क्लॉक स्पीड वाल्या क्वॉड-कोर प्रोसेसर सह क्वालकॉम स्नॅपड्रॅगन चिपसेट वर चालतो. कंपनी ने पी85 एनएक्सटी 2जीबी रॅम सह सादर केला आहे. पॅनासॉनिकचा हा फोन 16जीबी इंटरनल स्टोरेजला सपोर्ट करतो जी माइक्रोएसडी कार्ड ने 128जीबी पर्यंत वाढवता येते.
फोटोग्राफी सेग्मेंट पाहता पॅनासॉनिक पी85 एनएक्सटी च्या बॅक पॅनल वर 8-मेगापिक्सलचा रियर कॅमेरा देण्यात आला आहे तर सेल्फी साठी हा फोन 5-मेगापिक्सलच्या फ्रंट कॅमेऱ्याला सपोर्ट करतो. चांगल्या फोटोग्राफी साठी दोन्ही कॅमेरा सेटअप सोबत फ्लॅश लाईट देण्यात आली आहे. पॅनासॉनिक पी85 एनएक्सटी डुअल सिम फोन आहे जो 4जी एलटीईला सपोर्ट करतो. फोन मध्ये ब्लूटूथ, वाईफाई व जीपीएस सारखे बेसिक कनेक्टिविटी फीचर्स आहेत.
पॅनासॉनिक पी85 एनएक्सटी मध्ये सिक्योरिटी साठी बॅक पॅनल वर फिंगरप्रिंट सेंसर देण्यात आला आहे तर पावर बॅकअप साठी हा फोन 4,000एमएएच च्या मोठ्या बॅटरीला सपोर्ट करतो. कपंनी ने या फोन मध्ये ओटीजी सपोर्ट पण दिला आहे ज्यामुळे फोनचा वापर पावरबँक प्रमाणे करता येतो. पॅनासॉनिक पी85 एनएक्सटी 6,999 रुपयांमध्ये ब्लॅक, गोल्ड आणि ब्लू कलर वेरिएंट मध्ये आॅनलाईन व आॅफलाईन प्लॅटफॉर्म वरून विकत घेता येईल.
