अनेकदा अश्या बातम्या ऐकायला येतात कि नवीन आणि महाग मोबाईल फोन ऑनलाईन शॉपिंग साइट वरून ऑर्डर केला जातो पण बॉक्स मधून साबण, वीट किंवा इतर कचरा निघतो. अश्याप्रकारच्या घटनांमध्ये सर्वात जास्त आलोचना त्या ई-कॉमर्स वेबसाइटची होते जिथून सामान विकत घेतले जाते. यावेळी पुन्हा अशी धक्कादायक बातमी समोर आली आहे. पण या बातमी मध्ये कोणाला महाग स्मार्टफोनच्या बदल्यात साबण मिळाला नाही तर ज्याने आयफोनच्या बॉक्स मधून फोन काढून साबण ठेवला होता त्या व्यक्तीला पकडण्यात आले आहे. हैराणीची बाब अशी कि इथे एक किंवा दोन फोन नाही तर 1 कोटीच्या मोबाईल फोन्सचा घोटाळा केला गेला आहे.
प्रकरण असे आहे कि अमेझॉन इंडियाचे एक वेयर हाऊस मेवात मध्ये आहे. Apple आणि Samsung सारख्या अनेक मोठ्या कंपन्या इथे आपल्या सामानाचा स्टॉक ठेवतात जेणेकरून कोणीही अमेझॉन वर फोन ऑर्डर केला तर थेट वेयर हाऊस मधून तो डिलिव्हर केला जाईल. या वेयर हाऊस मध्ये मोबाईल कंपन्या नाही तर शॉपिंग साइट्सचे कर्मचारी स्वतःच फोन इत्यादींची पॅंकिंग करतात आणि ग्राहकांपर्यंत पोहोचवतात. या प्रक्रिया मध्ये डिलिव्हरी फास्ट होते आणि खर्चा पण कमी लागतो.
मीडिया रिपोर्टनुसार इथे काम करणाऱ्या अंसार-उल-हक आणि नवाब नावाचे दोन कर्मचारी अनेक महिन्यांपासून वेयर हाऊस मधील महागडे स्मार्टफोन्स चोरत होते. हे लोक iPhone च्या बॉक्स मधून मोबाईल फोन काढून त्यात साबण आणि वीट सारख्या गोष्टी भारत होते आणि त्यानंतर ते पॅक करून पुन्हा स्टॉक मध्ये ठेवत होते. हे दोन्ही कर्मचारी काही दिवसांच्या अंतराळाने एक-एक दोन-दोन मोबाईल फोन लपूनछपून काढत होते आणि कोणाला समजत नव्हते. तुम्हाला ऐकून हैराणी होईल कि काही महिन्यांमध्ये या दोघांनी 78 मोबाईल फोन स्टॉक मधून काढले ज्यांची किंमत 1 कोटी रुपयांपेक्षा जास्त असल्याचे सांगण्यात आले आहे.
हे देखील वाचा : देशात सापडले आहेत 33 लाख नकली Xiaomi प्रोडक्ट्स, तुम्ही पण अडकला नाहीत ना या जाळ्यात
अमेझॉन वेयर हाऊसच्या अधिकाऱ्यांना जेव्हा सतत फोनच्या बॉक्स मध्ये मोबाईलच्या जागी दुसऱ्या गोष्टी मिळण्याच्या बातम्या येऊ लागल्या तेव्हा त्यांनी तपास केला. या तपासानंतर समजले कि अनेक मोबाईल फोन्सचे रिटेल बॉक्स खाली आहेत आणि त्यात स्मार्टफोन नाहीतच. जेव्हा हिशोब करण्यात आला तेव्हा समजले कि 1 कोटी रुपयांपेक्षा जास्त किंमतीचे मोबाईल फोन गायब आहेत. पोलिसांनी तपासाला सुरवात केली तेव्हा दोन कर्मचाऱ्यांची नावे समोर आली ज्यांनी काही दिवसांपूर्वीच नोकरी सोडली होती. चौकशी केल्यावर दोन्ही आरोपींनी कबूल केले कि त्यांनीच अमेझॉनला कोटींचा साबण.. माफ करा.. चुना लावला आहे.
क्राइम ब्रांचने दोन्ही आरोपीना अटक करून त्यांच्याकडून 38 मोबाईल फोन जप्त केले आहेत ज्यांची किंमत 50 लाख रुपयांच्या आसपास असल्याचे बोलले जात आहे. तसेच इतर मोबाईल फोन्सची दोन्ही तरुणांनी विल्हेवाट लावली आहे. या 78 मोबाईल फोन्स मध्ये 76 Apple आणि 2 Samsung चे फोन असल्याचे सांगण्यात आले आहे. तसेच पोलिसांना या घोटाळ्यात अजून लोकांचा सहभाग असल्याचा संशय आहे. तपास अजून सुरु आहे. या संपूर्ण प्रकरणाने फक्त ऑनलाइन शॉपिंग करणाऱ्यांना नव्हे तर सेलर आणि स्वतः अमेझॉन वाल्यांना पण धक्का दिला आहे.
पोलिसांचे विधान :
सहायक पोलीस आयुक्तांच्यानुसार दोन्ही आरोपी सप्टेंबर 2018 पासून अमेझॉन वेयरहाउस (जमालपुर) मध्ये नोकरी करत होते. अनलॉक मध्ये सामाजिक अंतर राखून काम करण्याचा फायदा घेत iPhone 11 व iPhone 11 Pro चोरी करायला यांनी सुरवात केली. मोबाईल काढून ते रिकामा बॉक्स वेयरहाउस मध्ये ठेवत होते. त्यांनी 76 iPhone व 2 Samsung चे मोबाईल चोरले. चोरीचे मोबाईल विकण्यासाठी त्यांचे दोन साथीदार त्यांना मदत करत होते, ज्यांच्याकडे 40 मोबाईल विकण्यासाठी देण्यात आले होते. सप्टेंबर 2020 मध्ये त्यांनी कामावर जाणे बंद केले होते.
