अनेक भारतीयांसाठी अ‍ॅप्पलचा आयफोन एक ड्रीम फोन आहे. म्हणूनच जेव्हा जेव्हा आयफोनच्या कोणत्याही मॉडेलवर मोठा डिस्काउंट दिला जात तेव्हा ग्राहक तुटून पडतात. आता असाच मोठा डिस्काउंट APPLE iPhone 12 mini वर दिला जात आहे. विशेष म्हणजे हा फोन अँड्रॉइड स्मार्टफोन्सपेक्षा कमी किंमतीत विकला जात आहे. त्यामुळे जर तुम्हाला एक आयफोनच हवा असेल आणि बजेट देखील कमी असेल तर तुम्ही iPhone 12 mini वरील या ऑफरचा लाभ घेऊ शकता.
38 हजारांच्या आत iPhone 12 mini
फ्लिपकार्टवर APPLE iPhone 12 mini चा 64GB मॉडेल 38,499 रुपयांमध्ये लिस्ट करण्यात आला आहे. या मॉडेलची मूळ किंमत 59,900 रुपये आहे परंतु त्यावर फ्लिपकार्टकडून 21,401 रुपयांची सूट मिळत आहे. परंतु अ‍ॅमेझॉन इंडियावर मात्र हा मॉडेल सापडला नाही. तसेच कोटक बँकेच्या क्रेडिट कार्डचा वापर केल्यास तुम्हाला 1000 रुपयांची सूट मिळेल. तसेच फ्लिपकार्ट अ‍ॅक्सिस बँक क्रेडिट कार्डवर 5 टक्क्यांचा कॅशबॅक दिला जात आहे. तुम्ही तुमचा जुना फोन एक्सचेंज करून आणखी डिस्काउंट देखील मिळवू शकता. हा फोन ब्लू, ब्लॅक, रेड, ग्रीन, व्हाइट आणि पर्पल कलर ऑप्शनमध्ये विकत घेता येईल.
iPhone 12 mini चे स्पेसिफिकेशन्स
iPhone 12 mini मध्ये 5.4-इंचाचा OLED Super Retina XDA डिस्प्ले देण्यात आला आहे, ज्याचे रिजोल्यूशन 2532×1170 पिक्सल आहे. हा फोन सीरिजमधील सर्वात छोटा मॉडेल आहे. सिक्योरिटीसाठी कंपनीनं Face ID चा सपोर्ट दिला आहे. iPhone 12 mini आऊट ऑफ द बॉक्स iOS 14 वर चालतो. हा एक IP68 रेटिंग असेलला फोन आहे त्यामुळे धूळ आणि पाण्यापासून हा सहज वाचतो.
iPhone 12 mini च्या बॅक पॅनलवर ड्युअल रियर कॅमेरा सेटअप देण्यात आला आहे. यातील दोन्ही सेन्सर 12 मेगापिक्सलचे आहेत जे OIS, 120-डिग्री FoV, f/1.8 अपर्चर आणि 2x ऑप्टिकल झूमला सपोर्ट करतो. तर फोनमध्ये सेल्फीसाठी 12MP TrueDepth स्नॅपर देण्यात आला ज्याचा अपर्चर f/2.2 आहे.
हा आयफोन A14 Bionic चिपसेटसह 64GB, 128GB, आणि 256GB स्टोरेज ऑप्शनमध्ये सादर करण्यात आला आहे. या Face ID च्या सपोर्टसह बॅक पॅनलवर Ceramic Sheild ग्लास देण्यात आली आहे. या मॉडेलमध्ये कनेक्टिव्हिटीसाठी 5G, ड्युअल SIM (ट्रेडिशनल + eSIM), Wi-Fi 6, Bluetooth, GPS आणि Lighting port असे ऑप्शन मिळतात.
