Google Pay नं आपल्या युजर्ससाठी UPI Lite सर्व्हिस सुरु केली आहे. ही सर्व्हिस युजर्सना पिन न टाकता डिजिटल ट्रँजॅक्शन करण्यास मदत करते. यूपीआय लाइटच्या वापर छोट्या व्यवहारांसाठी केला जाऊ शकतो. युजर्सची सुरक्षा आणि ऑनलाइन फ्रॉडपासून बचाव करण्यासाठी ही सर्व्हिस लिमिटेशन्ससह जारी केली गेली आहे. भारतीय रिजर्व्ह बँक (RBI) नं गेल्यावर्षी सप्टेंबर 2022 मध्ये UPI Lite सर्व्हिस छोट्या ऑनलाइन ट्रँजॅक्शनसाठी लाँच केली होती.
Google Pay UPI Lite ची वैशिष्ट्ये
Google Pay नं नवीन UPI Lite सर्व्हिस लाँच केली आहे. छोट्या यूपीआय पेमेंटची प्रोसेस सोपी करण्यासाठी ही सेवा आली आहे.
- त्यामुळे Google Pay करण्यासाठी तुम्हाला यूपीआय पिन टाकण्याची आवश्यकता नाही.
नवीन यूपीआय लाइट सर्व्हिसच्या मदतीनं युजर्स एक टॅपवर पिन न टाकता पेमेंट करू शकतील.
सुरक्षेसाठी UPI Lite अकाऊंट मध्ये फक्त 4000 रुपये पर्यंतची अमाउंट लोड केली जाऊ शकते.
तसेच फक्त 200 रुपयांपर्यंतचे यूपीआय ट्रँजॅक्शन करता येईल.
Google Pay वर UPI Lite सर्व्हिस अॅक्टिव्हेट करण्याची पद्धत?
- सर्वप्रथम तुमच्या स्मार्टफोनमध्ये Google Pay App ओपन करा.
- टॉप कॉर्नरवरील प्रोफाईल आयकॉनवर क्लिक करा.
- प्रोफाईल पेजमध्ये Bank Accpunt व RuPay Credit card सह UPI Lite चा ऑप्शन दिसेल.
- UPI Lite ऑप्शनवर क्लिक करा.
- इथे तुम्हाला Add Money चा ऑप्शन दिसेल.
- नंतर Continue वर टॅप करून स्क्रीनवर आलेले निर्देश फॉलो करा.
- सर्व निर्देश फॉलो केल्यावर तुमच्या अकाऊंटवर UPI Lite सर्व्हिस अॅक्टिव्हेट करता येईल.
तुमच्या अकाऊंटवर UPI Lite सर्व्हिस अॅक्टिव्हेट झाल्यावर तुम्ही 200 रुपयांपेक्षा कमीचे ट्रँजॅक्शन पिन न टाकता करू शकाल. Google Pay पूर्वी Phone Pay आणि PayTM नं देखील यूपीआय लाइट सर्व्हिस सुरु केली आहे.
