भारतात कोरोना वायरसमुळे चालू असलेल्या लॉकडाउन मध्ये सर्वात जास्त प्रसिद्ध झालेल्या वीडियो शेयरिंग प्लॅटफॉर्म टिकटॉकच्या गेल्या काही दिवसांपासुन बातम्या येत होत्या. सुरवातीला यूट्यूब वीडियो बनवणाऱ्या अजय नागरने आपल्या कॅरी मिनाती नावाच्या यूट्यूब चॅनेल वर एक वीडियो टाकला होता जो आता डीलिट झाला आहे. हा वीडियो बघून लोकांना टिकटॉक वरील विडिओजचा राग येऊ लागला. त्यामुळे यूट्यूब आणि टिकटॉक यूजर्स मध्ये अचानक एक लढाई सुरु झाली. या भांडणामुळे काही दिवसांपूर्वी ट्विटर वर #BanTikTok ट्रेंड होऊ लागला आणि परिणाम असा झाला की टिकटॉकची रेटिंग कमी होऊन 1.2 झाली. पण जवळपास एक आठवड्यानंतर टिकटॉकची रेटिंग सुधारली आहे आणि जी पुन्हा 4.4 झाली आहे. यामुळे सर्वात जास्त वाईट त्यांना वाटले आहे ज्यांनी हि रेटिंग कमी होण्यासाठी मेहनत घेतली होती. पण असे काय झाले कि एकाच आठवड्यात रेटिंग सुधारली. चला जाणून घेऊया.
गूगलने केली कमाल
टिकटॉकची रेटिंग सुधारण्यामागे कोणताही चमत्कार नाही तर गूगलची कमाल आहे. गूगलने गूगल प्ले स्टोरच्या आपल्या टीमच्या मदतीने हि कमाल केली आहे. गूगल प्ले स्टोर वरून जवळपास 80 लाख नेगेटिव रिव्यू डिलीट करण्यात आले आहेत. हे तेच रिव्यू आहेत जे यूट्यूब-टिकटॉक विवादानंतर समोर आले होते. लोकांनी ऍपला कमीत कमी रेटिंग दिली, ज्यामुळे ऍपची सरासरी रेटिंग 4.8 वरून 1.2 झाली होती.
गूगल कडे आहे हक्क
गूगल कडे याचे हक्क आहेत जर कोणी चुकीचा रिव्यू पोस्ट करत असेल किंवा एकापेक्षा जास्त अकाउंट वरून रिव्यू पोस्ट केल्यास गूगल ते काढून टाकू शकतो. टिकटॉकची रेटिंग कमी झाल्यावर पण गूगलने आपल्या नियमावलीचा वापर केला आहे. या नियमाच्या मदतीने जवळपास 80 लाख नेगेटिव रिव्यू काढून टाकण्यात आले, ज्यामुळे टिकटॉकची रेटिंग पुन्हा 4.4 झाली आहे.
Mitron कडून मिळत आहे टक्कर
चीनी ऍपची रेटिंग कमी झाल्यावर Tik Tok सारख्या एक भारतीय ऍप मित्रों Mitron लोकनाच्या पसंतीस उतरत आहे. काही दिवसांपूर्वी Mitron ऍपची लोकप्रियता वाढली आहे आणि सध्या प्ले स्टोर मध्ये भारतातील पॉपुलर ऍप्स पैकी एक बनला आहे. विशेष म्हणजे या महिन्यातच हा लॉन्च करण्यात आला होता. महिनाभरात या ऍपला आतापर्यंत 50 लाख डाउनलोड मिळाले आहेत. सुरवातीला तर हा Tik Tok ला टक्कर देत असल्याचे दिसत आहे.
