Motorola ने गेल्या महिन्यात भारतीय बाजारात लो बजेट स्मार्टफोन Moto E6s लॉन्च केला होता. या फोन सोबत कंपनीने स्मार्ट टीवी मार्केट मध्ये पाऊल टाकत आपली नवीन टीवी रेंज सादर केली होती. आज पुन्हा भारतात आपला प्रोडक्ट पोर्टफोलियो वाढवत Motorola ने अजून एक नवीन डिवाईस Motorola One Macro पण लॉन्च केला आहे. हा स्मार्टफोन 9999 रुपयांमध्ये बाजारात आणला आहे जो 12 ऑक्टोबर पासून शॉपिंग साइट फ्लिपकार्ट वर सेल साठी उपलब्ध होईल.
डिजाईन
Motorola One Macro वॉटरड्रॉप नॉच डिजाईन वर सादर केला गेला आहे. डिस्प्ले दोन्ही बाजूनी बेजल लेस आहे तसेच खालच्या बाजूला बारीक बॉडी पार्ट देण्यात आला आहे. डिस्प्ले वर ‘यू’ शेप नॉच आहे. Motorola One Macro च्या बॅक पॅनल वर कॅमेरा सेटअप डावीकडे देण्यात आला आहे जो वर्टिकल शेप मध्ये आहे. या सेटअप मध्ये एक सेंसर वर वेगळा देण्यात आला आहे तर इतर सेंसर आणि फ्लॅश, सेटअप मधेच आहेत. फोनच्या बॅक पॅनल वर रियर फिंगरप्रिंट सेंसर आहे. त्याचप्रमाणे पावर बटण आणि वाल्यूम रॉकर फोनच्या उजव्या पॅनल वर देण्यात आले आहेत.
स्पेसिफिकेशन्स
Motorola One Macro चे स्पेसिफिकेशन्स पाहता हा फोन 1520 X 720 पिक्सल रेज्ल्यूशन असलेल्या 6.2 इंचाच्या एचडी+ मॅक्स विजन डिस्प्लेला सपोर्ट करतो. कंपनीने हा फोन एंडरॉयड 9 पाई वर सादर केला आहे जो 2.0गीगाहर्ट्ज क्लॉक स्पीड असेलेल्या आक्टाकोर प्रोसेसर सह मीडियाटेकच्या हेलीयो पी70 चिपसेट वर चालतो. तसेच ग्राफिक्स साठी Motorola One Macro मध्ये माली जी72 जीपीयू आहे.
Motorola One Macro कंपनीने ट्रिपल रियर कॅमेऱ्यासह लॉन्च केला गेला आहे. फोनच्या बॅक पॅनल वर एलईडी फ्लॅश सह एफ/2.0 अपर्चर वाला 13 मेगापिक्सलचा प्राइमरी सेंसर, एफ/2.2 अपर्चर वाला 2 मेगापिक्सलचा डेफ्थ सेंसर आणि तेवढ्याच अपर्चरची 2 मेगापिक्सलची मॅक्रो लेंस देण्यात आली आहे. सेल्फी आणि वीडियो कॉलिंग साठी Motorola One Macro एफ/2.2 अपर्चर असलेल्या 8 मेगापिक्सलच्या फ्रंट कॅमेऱ्याला सपोर्ट करतो.
Motorola One Macro डुअल सिम फोन आहे जो 4जी वोएलटीई ला सपोर्ट करतो. बेसिक कनेक्टिविटी फीचर्स सोबतच सिक्योरिटी साठी फोनच्या बॅक पॅनल वर रियर फिंगरप्रिंट सेंसर देण्यात आला आहे. तसेच हा फोन फेस अनलॉक फीचरला पण सपोर्ट करतो. पावर बॅकअप साठी Motorola One Macro मध्ये 10वॉट फास्ट चार्जिंग सपोर्ट असलेली 4,000एमएएच ची बॅटरी देण्यात आली आहे. हा फोन आईपीएक्स2 रेटेड आहे, ज्यामुळे हा धूळ आणि पाण्यापासून वाचतो.
Motorola One Macro भारतात 4 जीबी रॅम सह 64 जीबी इंटरनल स्टोरेज वर लॉन्च केला गेला आहे, ज्याची मेमरी माइक्रोएसडी कार्डने 512 जीबी पर्यंत वाढवता येते. हा फोन 9999 रुपयांमध्ये येत्या 12 ऑक्टोबर पासून फ्लिपकार्ट वर सेल साठी उपलब्ध होईल. Motorola One Macro स्पेस ब्लू कलर मध्ये विकत घेता येईल.
