Nothing ब्रँडच्या पहिल्या स्मार्टफोनची चर्चा गेले कित्येक दिवस टेक वर्तुळात सुरु होती. कंपनीनं एक-एक करून फीचर्स लोकांसमोर ठेऊन उत्सुकता वाढवली होती. आता प्रतिसखा संपली आहे. नथिंग ब्रँडचा पहिला स्मार्टफोन Nothing Phone (1) भारतासह जागतिक बाजारात लाँच झाला आहे. Nothing Phone (1) स्मार्टफोन क्वॉलकॉमच्या Snapdragon 778G+ प्रोसेसर, 4,500mAh बॅटरी आणि 33W फास्ट चार्जिंग, अँड्रॉइड आधारित Nothing OS सह सादर केला गेला आहे. फोनसोबत तीन वर्षांचे अँड्रॉइड अपडेट आणि चार वर्षांचे सिक्योरिटी अपडेट मिळतील. तसेच डेडिकेटेड गेम मोड देखील देण्यात आला आहे.
Nothing Phone (1) स्मार्टफोन यूनीक डिजाइन आणि रिसायकल अ‍ॅल्युमिनियमपासून बनवण्यात आला आहे. हा कस्टमायजेबल Glyph इंटरफेसला सपोर्ट करतो, जो युजर्स कॉल, अ‍ॅप नोटिफिकेशन्स, चार्जिंग स्टेटस आणि अन्य गोष्टींसाठी सेट करू शकतात. अर्थात युजर्स आपल्या आवडीनुसार फोनच्या मागे असलेल्या एलईडी लाईट्स नोटिफिकेशनसाठी सेट करू शकतात. Nothing Phone (1) भारतात ऑनलाइन शॉपिंग प्लॅटफॉर्म Flipkart आणि नथिंगच्या वेबसाईटच्या माध्यमातून विकत घेता येईल.
Nothing Phone (1) चे स्पेसिफिकेशन्स
- 6.55-इंच OLED डिस्प्ले (120Hz रिफ्रेश रेट)
- Qualcomm Snapdragon 778G+ प्रोसेसर
- 12GB पर्यंत रॅम, 256GB स्टोरेज
- 50MP प्रायमरी + 50MP (UW) ड्युअल रियर कॅमेरा
- 16MP सेल्फी कॅमेरा
- 4,500mAh बॅटरी, 33W फास्ट चार्जिंग
- Nothing OS
Nothing Phone (1) स्पेसिफिकेशन्स
Nothing Phone (1) स्मार्टफोनमध्ये 6.55-इंचाचा 10-bit OLED पॅनल देण्यात आला आहे, जो 120Hz अडॅप्टिव रिफ्रेश रेट, 2400×1080 पिक्सल रेजलूशन, HDR10+, 402PPI, आणि 1200 निट्स पीक ब्राईटनेसला सपोर्ट करतो. Nothing Phone (1) स्मार्टफोनमध्ये Qualcomm Snapdragon 778G+ प्रोसेसरची ताकद मिळते. सोबतीला Adreno 642L GPU देण्यात आला आहे. या फोनमध्ये 12GB पर्यंतचा LPDDR5 RAM आणि 256GB UFS 3.1 स्टोरेज देण्यात आली आहे.
Nothing Phone (1) स्मार्टफोनमध्ये ड्युअल रियर कॅमेरा सेटअप देण्यात आला आहे जो ऑप्टिकल इमेज स्टेबलाइजेशन (OIS) आणि इलेक्ट्रिक इमेज स्टेबलाइजेशन (EIS) ला सपोर्ट करतो. या फोनचा प्रायमरी कॅमेरा 50MP Sony IMX766 सेन्सर आणि सेकंडरी कॅमेरा 50MP Samsung JN1 अल्ट्रा वाईड सेन्सर आहे. तसेच फोनच्या फ्रंटला 16MP Sony IMX471 सेन्सर देण्यात आला आहे. फोनमधील 4,500mAh ची बॅटरी 33W फास्ट चार्जिंगसह सादर करण्यात आली आहे. तसेच फोन 15W Qi वायरलेस चार्जिंग आणि 5W रिवर्स चार्जिंगला देखील सपोर्ट करतो.
कनेक्टिव्हिटीसाठी Wi-Fi 6 आणि 802.11 a/b/g/, Bluetooth 5.2, NFC आणि 5G मिळतं. हा फोन इन-डिस्प्ले फिंगरप्रिंट रीडर, फेशियल रिकॉग्नाइजेशन, ड्युअल स्टीरियो स्पिकर आणि IP53 रेटिंगसह बाजारात आला आहे. Nothing Phone (1) स्मार्टफोनयामध्ये Android आधारित Nothing OS देण्यात आला आहे. कंपनीनं तीन वर्षांचे अँड्रॉइड अपडेट आणि चार वर्ष सिक्योरिटी अपडेट देणार आहे.
Nothing Phone (1) ची किंमत
Nothing Phone (1) स्मार्टफोनचे तीन व्हेरिएंट भारतीयांच्या भेटीला आले आहेत. बेस व्हेरिएंटमध्ये 8GB रॅम व 128GB स्टोरेज मिळते ज्याची किंमत 32,999 रुपये आहे. तर 8GB रॅम व 256GB स्टोरेज मॉडेल 35,999 रुपयांमध्ये विकत घेता येईल. तसेच 12GB रॅम व 256GB स्टोरेज असलेला टॉप एन्ड मॉडेल 38,999 रुपयांमध्ये तुमचा होईल. लाँच ऑफर अंतर्गत हे तीन मॉडेल 1000 रुपयांच्या डिस्काउंटसह उपलब्ध होतील.
