Realme Narzo 30 सीरीजची प्रतीक्षा आज संपली आहे. कंपनीने या सीरीजमध्ये दोन स्मार्टफोन्स Narzo 30A आणि Narzo 30 Pro 5G लॉन्च केले आहेत. इतकेच नव्हे तर आजच्या इवेंट मध्ये कंपनी स्मार्टफोन्स व्यतिरिक्त Realme Buds Air 2 TWS आणि आपली पहिली मोशन ऍक्टिव्हेटेड नाइट लाइट पण लॉन्च केली आहे. नवीन फोन्स बद्दल बोलायचे तर हे कंपनीच्या नारजो 20 सीरीजचे अपग्रेडेड वर्जन म्हणून आले आहेत. सादर केल्या गेलेल्या दोन्ही फोन्स पैकी नराजो 30 प्रो 5G जास्त पावरफुल आहे. या आर्टिकल मध्ये आम्ही तुम्हाला Narzo 30 Pro 5G ची माहिती देणार आहोत. (realme narzo 30 pro 5g launch in india with 8gb ram 5000mah battery sale price flipkart)
असा आहे लुक
Realme Narzo 30 Pro 5G फोनचा लुक पाहता, फ्रंटला टॉप लेफ्टवर होल-पंच डिस्प्ले देण्यात आला आहे. या पंच-होल मध्ये फ्रंट कॅमेरा आहे जो सेल्फी आणि व्हिडीओ कॉलिंगसाठी उपयोगी पडेल. होल-पंचमुळे फोनच्या तिन्ही कडा बेजललेस आहेत. तसेच, बॉटमला थोडा चिन पार्ट दिसत आहे. स्मार्टफोन मध्ये साइड-फेसिंग फिंगरप्रिंट स्कॅनर देण्यात आला आहे. तसेच फोनच्या मागे आयताकृती ट्रिपल कॅमेरा सेटअप आहे. फोनच्या बॉटमला 3.5एमएम जॅक, टाइप-सी चार्जिंग पोर्ट आणि स्पीकर ग्रिल आहेत. लुकच्या बाबतीत हा रियलमीच्या जुन्या फोन सारखा आहे.
5G प्रोसेसरची ताकद
या स्मार्टफोनचा सर्वात खास फीचर म्हणजे 5जी कनेक्टिविटी आहे. कंपनीने यात मीडियाटेक डाइमेंसिटी 800यू 5जी चिपसेट दिला आहे. मीडियाटेक चिपसेट मीडियाटेक 5जी अल्ट्रासेव टेक्नोलॉजीसह येतो. या चिपसेट मध्ये 2.3जीबीपीएस पर्यंत डाउनलोड स्पीड मिळू शकतो. इतकेच नव्हे तर हा 7एनएम प्रोसेसचा वापर करून बनवण्यात आला आहे. यात डुअल क्लस्टरसह एक ओक्टाकोर सीपीयू आहे, ज्यात 2.4गीगाहर्ट्ज क्लॉक स्पीडसह दोन आर्म कॉर्टेक्स-ए76 प्रोसेसर आहेत.
कमालीचा डिस्प्ले
रियलमी नारजो 30 प्रो 5G मध्ये 6.5 इंचाचा फुल एचडी डिस्प्ले देण्यात आला आहे, ज्याचे रिजोल्यूशन 1080×2400 पिक्सल, 120 हर्ट्ज रिफ्रेश रेट, 180 हर्ट्ज टच सॅम्पलिंग रेट आणि 405पीपीआई पिक्सल डेंसिटी आहे. इतकेच नव्हे तर या डिस्प्ले मध्ये तुम्हाला 90.5% स्क्रीन-टू-बॉडी रेश्यो मिळेल.
दमदार फोटोसाठी शानदार कॅमेरा
Narzo 30 Pro 5G मध्ये मागे ट्रिपल कॅमेरा सेटअप आणि फ्रंटला सिंगल पंच-होल सेल्फी कॅमेरा देण्यात आला आहे. मागच्या कॅमेरा सेटअप बद्दल बोलायचे तर यात f/1.8 अपर्चरसह 48 मेगापिक्सलची मेन 6P लेंस देण्यात आली आहे. तसेच f/2.3 अपर्चरसह 8 मेगापिक्सल अल्ट्रा-वाइड अँगल लेंस आणि f/2.4 अपर्चरसह 2 मेगापिक्सलचा मॅक्रो सेंसर आहे. व्हिडीओ कॉलिंग आणि सेल्फीसाठी फोनमध्ये f/2.1 अपर्चर असलेला 16 मेगापिक्सलचा फ्रंट कॅमेरा आहे.
बॅटरी आणि कनेक्टिविटी ऑप्शन
पावर बॅकअपसाठी रियलमीच्या या नवीन 5G फोन मध्ये 5000mAh ची बॅटरी देण्यात आली आहे जी 30W डार्ट चार्ज टेक्नोलॉजीसह येते. कंपनीचा दावा आहे कि नवीन अपडेट 30W डार्ट चार्जसह 65 मिनिटांत 5000mAh ची बॅटरी 100% पर्यंत चार्ज केली जाऊ शकते आणि फक्त 25mins मध्ये हा फोन जवळपास 50% करता येईल.
फोन realme UI बेस्ड अँड्रॉइड 10 ऑपरेटिंग सिस्टमवर चालतो. तसेच कंपनीने दावा केला आहे कि फोनमध्ये लवकरच realme UI 2.0 अपडेट दिला जाईल. कनेक्टिविटी फीचर्स पाहता फोनमध्ये 5G+5G डुअल सिम डुअल स्टॅण्डबाय, 2.4/5 GHz, 802.11 a/b/g/n/ac, Bluetooth 5.1 आणि GPS/AGPS/GLONSS/ GALILEO सारखे ऑप्शन आहेत.
वेरिएंट्स आणि किंमत
रियलमी नारजो 30 प्रो दोन वेरिएंट्समध्ये लॉन्च केला गेला आहे. Realme Narzo 30 Pro 5G चा बेस वेरिएंट 6 जीबी रॅमसह 64 जीबी इंटरनल स्टोरेजला सपोर्ट करतो आणि याची किंमत 16,999 रुपये आहे. तसेच मोठ्या वेरिएंट मध्ये 8 जीबी रॅमसह 128 जीबी इंटरनल मेमरी देण्यात आली आहे जो 19,999 रुपयांमध्ये लॉन्च झाला आहे. फोनचा पहिला सेल 4 मार्चला दुपारी 12 वाजता ई-कॉमर्स साइट फ्लिपकार्टवर होईल.
