Xiaomi कंपनीनं सांगितल्याप्रमाणे आज आपला नवीन लो बजेट स्मार्टफोन Redmi 12C भारतात लाॅन्च केला आहे. रेडमीच्या नंबर सीरिजमधील हा फोन Redmi Note 12 4G सह सादर करण्यात आला आहे. नोट सीरिज मिडरेंजमध्ये सादर करण्यात आली आहे, तर नंबर सीरिज बजेट फ्रेंडली ग्राहकांसाठी आहे. Redmi 12C मध्ये 50MP कॅमेरा, 5000mAh ची बॅटरी, 6.71 इंचाचा डिस्प्ले आणि मीडियाटेक हीलियो जी85 चिपसेट देण्यात आला आहे. याची किंमत 8,999 रुपयांपासून सुरु होते चला जाणून घेऊया याचे फिचर आणि किंमत.
रेडमी 12सी ची किंमत
भारतीय बाजारात दोन मेमरी व्हेरिएंट्समध्ये लाॅन्च झाला आहे. बेस मॉडेलमध्ये जहां 4जीबी रॅमसह 64जीबी स्टोरेज देण्यात आली आहे तर मोठा मॉडेल 6जीबी रॅमसह 128जीबी स्टोरेजला सपोर्ट करतो. या दोन्ही व्हेरिएंट्सची किंमत अनुक्रमे 8,999 रुपये आणि 10,999 रुपये आहे. फोनची विक्री 6 एप्रिलपासून सुरु होईल तसेच आयसीआयसीआय बँक कार्डवर कंपनी 500 रुपयांचा डिस्काउंट देईल.
रेडमी 12सी स्पेसिफिकेशन्स
- 6.71″ HD+ Display
- 5GB Virtual RAM
- MediaTek Helio G85
- 50MP Rear Camera
- 10W 5,000mAh Battery
Redmi 12C चायना मॉडेल पाहता हा 20.6:9 अॅस्पेक्ट रेशियो आणि 1650 × 720 पिक्सल रिजोल्यूशन असलेल्या 6.71 इंचाच्या एचडी+ डिस्प्लेला सपोर्ट करतो. या मोबाइल फोनमध्ये 2.0गीगाहर्ट्ज क्लॉक स्पीडवर चालणारा मीडियाटेक हीलियो जी85 ऑक्टाकोर प्रोसेसर देण्यात आला आहे. तसेच ग्राफिक्ससाठी हा फोन माली-जी52 एमपी2 जीपीयूला सपोर्ट करतो.
Redmi 12C फोटोग्राफीसाठी ड्युअल रियर कॅमेऱ्याला सपोर्ट करतो. याच्या बॅक पॅनलवर 50 मेगापिक्सलचा प्रायमरी सेन्सर तसेच सेकंडरी एआय लेन्स देण्यात आली आहे. सेल्फी आणि व्हिडीओ कॉलिंगसाठी या मोबाइल फोनमध्ये 5 मेगापिक्सलचा फ्रंट कॅमेरा मिळतो. या फोनमध्ये 10वॉट फास्ट चार्जिंगसह 5,000एमएएचची बॅटरी देण्यात आली आहे.