रेडमीनं अलीकडेच भारतीय बाजारात आपली ‘नोट 12’ सीरीज सादर केली आहे ज्यात Redmi Note 12 5G, Note 12 Pro आणि Note 12 Pro+ 5G फोन लाँच झाले आहेत. तसेच चीनमध्ये Note 12 Pro Speed Edition आणि Explorer Edition देखील कंपनीनं सादर केले आहेत. आता बातमी येत आहे की या सीरीजचा आणखी एक नवीन मोबाइल फोन येत आहे जो Redmi Note 12 Turbo नावानं लाँच होऊ शकतो, जो Snapdragon 7 Gen 2 या नव्या प्रोसेसरसह बाजारात सादर केला जाऊ शकतो.जो क्वॉलकॉमचा नवा प्रोसेसर असू शकतो, ज्याची घोषणा अद्याप करण्यात आलेली नाही.
Xiaomi नं अद्याप Redmi Note 12 Turbo बद्दल कोणतीही अधिकृत माहिती दिली नाही परंतु डिजीटल चॅट स्टेशननं या फोनचे स्पेसिफिकेशन्स शेयर केले आहेत. त्याचबरोबर टिपस्टर कॅस्परनं या फोनमधील प्रोसेसरची माहिती लीक केली आहे. रेडमी नोट 12 टर्बोचं कोडनेम marble आहे. हा स्मार्टफोन PUBG आणि BGMI सारख्या गेम्ससाठी बेस्ट ठरू शकतो. हे देखील वाचा: टाटा मोटर्सला टक्कर देण्यासाठी चायनीज कंपनी सज्ज; 521KM रेंजसह लाँच झाली BYD Atto 3 Electric SUV
Redmi Note 12 Turbo चे लीक स्पेसिफिकेशन्स
- 6.67 OLED 120Hz display
- 12GB RAM + 512GB storage
- Snapdragon 7 Gen 2 SoC
- 50MP triple camera
- 67W fast charging
- 5,500mAh battery
रेडमी नोट 12 टर्बो बद्दल समोर आलेल्या माहितीनुसार हा मोबाइल फोन 6.67 इंचाच्या मोठ्या फुलएचडी+ डिस्प्लेसह लाँच केला जाऊ शकतो. हा फोन स्क्रीन ओएलईडी पॅनलवर बनलेला असेल जो 120हर्ट्ज रिफ्रेश रेटवर चालू शकतो. स्क्रीन स्टाईल वॉटरड्रॉप नॉच असू शकते की पंच-होल हे सजून स्पष्ट झालं नाही. परंतु सीरिजच्या इतर मॉडेल्स प्रमाणे हा रेडमी फोन देखील पंच-होल डिस्प्लेसह लाँच होऊ शकतो, अशी अपेक्षा आहे.
Redmi Note 12 Turbo स्मार्टफोन क्वॉलकॉम स्नॅपड्रॅगन 7 जेन 2 चिपसेटसह लाँच केला जाऊ शकतो. लीकनुसार हा मोबाइल फोन 12 जीबी रॅम आणि 512 जीबी इंटरनल स्टोरेजला सपोर्ट करू शकतो. हा रेडमी फोन अँड्रॉइड 13 सह लाँच होऊ शकतो, ज्यावर मीयुआय 14 ची लेयरिंग मिळू शकते. हे देखील वाचा: स्वस्त आणि मस्त Moto G53 5G ची होणार बाजारात एंट्री; लाँच पूर्वीच वेबसाइटवर लिस्ट
फोटोग्राफीसाठी या रेडमी फोनमध्ये ट्रिपल रियर कॅमेरा सेटअप दिला जाऊ शकतो ज्यात 50 मेगापिक्सलच्या प्रायमरी सेन्सरसह 8 मेगापिक्सलची अल्ट्रा वाइड अँगल लेन्स आणि 2 मेगापिक्सलच्या मॅक्रो/डेप्थ सेन्सरचा समावेश असू शकतो. पावर बॅकअपसाठी रेडमी नोट 12 टर्बो मध्ये 5,000एमएएचची बॅटरी दिली जाऊ शकते, जी 67वॉट फास्ट चार्जिंग टेक्नॉलॉजीसह येऊ शकते.
