Jio ने IPL 2023 सीजनच्या सुरुवातीला क्रिकेट प्रेमींसाठी तीन नवीन क्रिकेट प्लॅन सादर केले होते. या प्लॅनमध्ये युजर्सना अनलिमिटेड कॉलिंग आणि 5G बेनिफिट्ससह 3GB पर्यंत डेली डेटा मिळते. इतकेच नव्हे तर आता कंपनी या प्लॅन्ससह ग्राहकांना 40GB पर्यंत एक्स्ट्रा फ्री डेटा देत आहे. चला जाणून घेऊया प्लॅन्सची माहिती.
या तीन प्लॅनमध्ये मिळेल 40जीबी एक्सट्रा डेटा
- Jio Rs 219 Plan
- Jio Rs 399 Plan
- Jio Rs 999 Plan
- Jio चा 219 रुपयांचा प्लॅन: 3 जीबी डेटासह जियोचा हा सर्वात छोटा प्लॅन जो 14 दिवसांच्या वैधतेसह येतो. यात तुम्हाला डेली 3GB डेटासह 2GB डेटा एक्सट्रा मिळतो. त्यामुळे प्लॅनमध्ये एकूण 44 जीबी इंटरनेट डेटा मिळतो. तसेच 100 एसएमएस रोज आणि काही जियो अ‍ॅप्सची सुविधा मिळेल. तसेच, रिचार्जमध्ये सर्व नेटवर्कवर अनलिमिटेड व्हॉइस कॉलिंगची सुविधा मिळेल.
- Jio चा 399 रुपयांचा प्लॅन: प्लॅनमध्ये 28 दिवसांची वैधता मिळते कंपनी रोज 3 जीबी इंटरनेट डेटा देत आहे. डेली डेटा व्यतिरिक्त प्लॅनमध्ये 6जीबी एक्स्ट्रा डेटा मिळतो. त्यामुळे प्लॅनमध्ये एकूण 90जीबी डेटा मिळतो. तसेच कोणत्याही नेटवर्कवर अनलिमिटेड व्हॉइस कॉलिंगच्या सुविधेसह रोज 100 एसएमएस आणि जियो अ‍ॅप्सचा अ‍ॅक्सेस देण्यात आला आहे.
- Jio चा 999 रुपयांचा प्लॅन: या प्लॅनमध्ये डेली 3 जीबी डेटासह 40जीबी डेटा फ्री मिळतो. ह्या प्लॅनची वैधता 84 दिवस आहे. तसेच रिचार्जमध्ये एकूण 292जीबी डेटा वापरण्यासाठी दिला जातो. त्याचबरोबर ह्यात तुम्हाला कोणत्याही नेटवर्कवर देशभरात फ्री कॉलिंगसह जियो अ‍ॅप्स आणि डेली 100 एसएमएस मोफत मिळतात.
कंपनीकडे तीन क्रिकेट अ‍ॅड-ऑन प्लॅन्स देखील आहेत, ज्यांची किंमत 222 रुपये, 444 रुपये आणि 667 रुपये आहे. ह्या तिन्ही प्लॅनमध्ये क्रमश: 50GB, 100GB आणि 150GB इंटरनेट डेटा मिळतो. तसेच 444 रुपये आणि 667 रुपये रिचार्जची वैधता अनुक्रमे 60 आणि 90 दिवस आहे. 222 रुपयांचा प्लॅन सक्रिय प्लॅनच्या समाप्तीपर्यंत वैध राहतो.
