Samsung Galaxy A34 5G आणि Samsung Galaxy A54 5G कंपनीचे लेटेस्ट 5G Phones आहेत जे याच महिन्यात भारतात लाँच झाले आहेत. मिडबजेट सेग्मेंटमध्ये आलेले हे स्मार्टफोन आज भारतात पहिल्यांदा सेलसाठी उपलब्ध होत आहेत. हे दोन्ही फोन 11 5जी बँडला सपोर्ट करतात ज्यावर Reliance Jio आणि Airtel ची 5जी सर्व्हिस सहज वापरता येईल. पुढे गॅलेक्सी ए34 5जी आणि ए54 5जीच्या प्राइस, सेल, ऑफर, फीचर्स आणि स्पेसिफिकेशन्सची माहिती तुम्ही वाचू शकता.
सॅमसंग गॅलेक्सी ए34 5जीची किंमत
Samsung Galaxy A34 5G दोन मेमरी व्हेरिएंट्समध्ये लाँच करण्यात आला आहे. याच्या बेस व्हेरिएंटमध्ये 8जीबी रॅम + 128जीबी स्टोरेज देण्यात आली आहे तसेच मोठा व्हेरिएंट 8जीबी रॅम + 256जीबी स्टोरेजला सपोर्ट करतो. या दोन्ही मॉडेल्सची किंमत अनुक्रमे 30,999 रुपये आणि 32,999 रुपये आहे. सॅमसंग गॅलेक्सी ए34 5जी आजपासून कंपनीच्या ऑफिशियल वेबसाइटवर Awesome Lime, Awesome Graphite आणि Awesome Silver कलरमध्ये विकत घेता येईल. हे देखील वाचा: 108MP Camera आणि 6,000mAh battery सह Samsung नं सादर केला Galaxy M54 5G
सॅमसंग गॅलेक्सी ए54 5जीची प्राइस
Samsung Galaxy A54 5G फोन देखील दोन मेमरी व्हेरिएंट्समध्ये आला आहे. फोनचा बेस मॉडेल 8जीबी रॅमसह 128जीबी स्टोरेजला सपोर्ट करतो तर मोठ्या व्हेरिएंटमध्ये 8जीबी रॅमसह 256जीबी स्टोरेज देण्यात आली आहे. किंमत पाहता हे दोन्ही मॉडेल अनुक्रमे 38,999 रुपये आणि 40,999 रुपयांमध्ये आजपासून सेलसाठी उपलब्ध झाले आहेत. हा सॅमसंग फोन Awesome Lime, Awesome Graphite आणि Awesome Violet कलरमध्ये विकत घेता येईल.
Samsung Galaxy A34 5G आणि A54 5G ऑफर्स
सध्या कंपनी फोन खरेदी करणाऱ्या सर्व मोबाइल युजर्सना 25वॉट फास्ट चार्जर मोफत देत आहे. या चार्जरची किंमत 1299 रुपये आहे. तसेच 5,999 रुपयांचे Galaxy Buds सेल दरम्यान फक्त 999 रुपयांमध्ये विकत घेता येतील. आयसीआयसीआय क्रेडिट व डेबिट कार्ड तसेच एसबीआय क्रेडिट कार्डच्या माध्यमातून पेमेंट केल्यावर 3,000 रुपयांचा एक्स्ट्रा डिस्काउंट मिळत आहे. कंपनी 1,000 रुपयांपर्यंतचे शॉप अ‍ॅप वेलकम व्हाउचर देखील देत आहे जे कंपनीच्या वेबसाइटवर वापरता येतील.
भारतातील 5जी बँडचा सपोर्ट
सॅमसंग गॅलेक्सी ए34 5जी तसेच ए54 5जी दोन्ही मोबाइल फोन 11 5G Bands सह मार्केटमध्ये आले आहेत. यातील N1(2100), N3(1800), N5(850), N7(2600), N8(900), N28(700), N66(AWS-3), N40(2300), N41(2500), N77(3700) आणि N78(3500) बँड्सचा समावेश आहे. हे 5जी बँड रिलायन्स जियो तसेच एयरटेलद्वारे भारतातील 5जी सर्व्हिसला पूर्णपणे सपोर्ट करण्यास उपयुक्त ठरतात.
सॅमसंग गॅलेक्सी ए34 5जी चे स्पेसिफिकेशन्स
- 6.6″ FHD+ 120Hz AMOLED Display
- 8GB RAM + 256GB Storage
- 48MP Triple Rear Camera
- 13MP Selfie Camera
- 5,000mAh Battery
Samsung Galaxy A34 5G फोन 6.6 इंचाच्या फुलएचडी+ वॉटरड्रॉप नॉच डिस्प्लेसह लाँच झाला आहे. ही स्क्रीन सुपर अ‍ॅमोलेड पॅनलवर बनली आहे तसेच 120हर्ट्ज रिफ्रेश रेटवर काम करते. अँड्रॉइड 13 आधारित वनयुआय 5.1 सह हा फोन मीडियाटेक डिमेनसिटी 1080 ऑक्टाकोर प्रोसेसरवर चालतो. पावर बॅकअपसाठी यात 5,000एमएएचची बॅटरी देण्यात आली आहे.
फोटोग्राफीसाठी सॅमसंग गॅलेक्सी ए34 5जी च्या बॅक पॅनलवर एफ/1.8 अपर्चर असलेल्या 48 मेगापिक्सलच्या प्रायमरी सेन्सरसह एफ/2.2 अपर्चर असलेला 8 मेगापिक्सलची अल्ट्रा वाइड अँगल लेन्स आणि एफ/2.4 अपर्चर असलेली 5 मेगापिक्सलची मॅक्रो लेन्स देण्यात आली आहे. सेल्फी व व्हिडीओ कॉलिंगसाठी हा फोन एफ/2.2 अपर्चर असलेल्या 13 मेगापिक्सलच्या सेल्फी सेन्सरला सपोर्ट करतो.
सॅमसंग गॅलेक्सी ए54 5जी फोनचे स्पेसिफिकेशन्स
- 6.4″ FHD+ 120Hz AMOLED Display
- 50MP Triple Rear Camera
- 32MP Selfie Camera
- 8GB RAM + 256GB Storage
- 5,000mAh Battery
Samsung Galaxy A54 5G फोन 6.4 इंचाच्या फुलएचडी+ पंच-होल डिस्प्लेला सपोर्ट करतो. ही स्क्रीन सुपर अ‍ॅमोलेड पॅनलवर बनली आहे तसेच 120हर्ट्ज रिफ्रेश रेटवर काम करते. प्रोसेसिंगसाठी या स्मार्टफोनमध्ये सॅमसंग एक्सनॉस 1380 ऑक्टाकोर प्रोसेसर देण्यात आला आहे. अँड्रॉइड 13 आधारित हा फोन वनयुआय 5.1 वर चालतो. हा सॅमसंग फोन 5,000एमएएचच्या बॅटरीला सपोर्ट करतो. हे देखील वाचा: 11 5G बँड असलेल्या Samsung Galaxy A54 आणि A34 ची विक्री सुरु; जाणून घ्या किंमत, ऑफर्स आणि फीचर्स
सॅमसंग गॅलेक्सी ए54 5जी ट्रिपल रियर कॅमेऱ्याला सपोर्ट करतो. फोनच्या बॅक पॅनलवर एलईडी फ्लॅशसह एफ/1.8 अपर्चर असलेला 50 मेगापिक्सलचा प्रायमरी सेन्सर देण्यात आला आहे जो एफ/2.2 अपर्चर असलेल्या 12 मेगापिक्सल अल्ट्रा वाइड अँगल लेन्स तसेच एफ/2.4 अपर्चर असलेल्या 5 मेगापिक्सलच्या मॅक्रो लेन्ससह चालतो. तसेच Samsung Galaxy A54 5G एफ/2.2 अपर्चर असलेल्या 32 मेगापिक्सलच्या सेल्फी सेन्सरला सपोर्ट करतो.
