सॅमसंग ने अलीकडेच आपली नवी स्मार्टफोन सीरीज ‘गॅलेक्सी एम’ नावाने सादर केली आहे. सॅमसंग ने हि सीरीज सर्वात आधी भारतात आणली आहे आणि या अंतर्गत गॅलेक्सी एम10 आणि गॅलेक्सी एम20 स्मार्टफोन लॉन्च केले गेले आहेत. हे दोन्ही स्मार्टफोन आज पासून आपल्या पहिल्या सेल साठी उपलब्ध झाले आहेत आणि हे लोकांना आवडत आहेत. सॅमसंग संबंधित अजून एक बातमी आली आहे कि कंपनी अजून तीन नवीन स्मार्टफोन आणण्याची तयारी करत आहे आणि या स्मार्टफोनची किंमत खूप कमी असणार आहे.
सॅमसंग बद्दल बोलले जात आहे कि कंपनी आपल्या ‘गॅलेक्सी ए सीरीज’ चे तीन नवीन स्मार्टफोन्स वर काम करत आहे आणि हे गॅलेक्सी ए10, गॅलेक्सी ए20 आणि गॅलेक्सी ए30 नावांसह लॉन्च केले जातील. हि बातमी एमएसपी ने एक्सक्लूसिव कवर केली आहे. रिपोर्टनुसार सॅमसंगचे हे तिन्ही स्मार्टफोन खूप स्वस्त असणार आहेत तसेच लवकरच हे भारतीय बाजारात येतील.
रिपोर्टनुसार गॅलेक्सी ए10 ची किंमत भारतात 8,490 रुपयांपासून सुरु होईल आणि गॅलेक्सी ए20 आणि गॅलेक्सी ए30 पण लो बजेट सेग्मेंट मध्ये लॉन्च केले जातील. गॅलेक्सी एम10 आणि गॅलेक्सी एम20 च्या लॉन्च नंतर गॅलेक्सी ए सीरीज मध्ये स्वस्त स्मार्टफोन आणून सॅमसंग थेट शाओमी व रियलमी सारख्या ब्रॅण्ड्सना टक्कर देणार आहे.
सॅमसंग गॅलेक्सी ए सीरीज बद्दल एमएसपीच्या रिपोर्ट मध्ये सांगण्यात आले आहे कि हे तिन्ही स्मार्टफोन एमोलेड डिस्प्ले वर लॉन्च केले जातील. विशेष म्हणजे गॅलेक्सी एम10 आणि एम20 दोन्ही स्मार्टफोन मध्ये हा डिस्प्ले दिला गेला नव्हता. म्हणजे गॅलेक्सी ए10, ए20 आणि ए30 कंपनीच्या गॅलेक्सी एम सीरीज पेक्षा पण एडवांस फीचर्स सह येतील. विशेष म्हणजे हे फोन गीकबेंच वर पण दिसले आहेत तिथे यांचे स्पेसिफिकेशन्स लिस्ट आहेत.
गीकबेंच नुसार सॅमसंग गॅलेक्सी ए सीरीज चे हे तिन्ही स्मार्टफोन एंडरॉयड 9 पाई आधारित असतील तसेच ऑक्टाकोर प्रोसेसर सह एक्सनॉस 7885 चिपसेट वर लॉन्च केले जातील. लिस्टिंग मध्ये समोर आले होते कि गॅलेक्सी ए10 मध्ये 2जीबी चा रॅम असेल. तसेच गॅलेक्सी ए20 3जीबी रॅम मेमरी तसेच गॅलेक्सी ए30 4जीबी रॅम वर लॉन्च केले जाऊ शकतात. रिपोर्टनुसार सॅमसंग गॅलेक्सी ए10, ए20 आणि ए30 स्मार्टफोन देशात मार्चच्या शेवट्पर्यंत लॉन्च केले जाऊ शकतात.
