Samsung साठी मागचे वर्ष भारतीय बाजारात खुप शानदार गेले होते. यावर्षी कंपनी आपले नवे फोन्स सादर करून ग्राहकांना आकर्षित करण्याचा प्रयत्न करत आहे. येत्या काळात कंपनीद्वारे भारतीय बाजारात Galaxy A52 आणि Galaxy A72 सादर केले जातील. दुसरीकडे कंपनी आपल्या ग्राहकांना एकामागून एक झटके पण देत आहे. अलीकडेच कंपनीने आपल्या लो बजेट Galaxy M02 फोनची किंमत वाढवली होती. आता पुन्हा कंपनीने स्वस्त फोनची किंमत वाढवली आहे. 91मोबाईल्सला ऑफलाइन रिटेल सोर्स कडून मिळालेल्या माहितीनुसार कोरियन कंपनीने भारतात Samsung Galaxy M01 Core महाग केला आहे. सॅमसंगच्या या स्मार्टफोनची विक्री आता 4,999 रुपयांच्या ऐवजी 5,199 रुपयांपासून सुरू होत आहे.
नवीन किंमत
सॅमसंगने ‘गॅलेक्सी एम’ सीरीजच्या या फोनची किंमत 200 रुपयांनी वाढवली आहे. Samsung Galaxy M01 Core चा 1 जीबी रॅम + 16 जीबी स्टोरेज वेरिएंट आधी 4,999 रुपयांमध्ये विकला जात होता जो आता 5,199 रुपयांमध्ये विकला जात आहे. तर, 2 जीबी रॅम + 32 जीबी स्टोरेज वेरिएंट आधी 5,999 रुपयांमध्ये विकला जात होता जो आता 6,199 रुपयांमध्ये विकला जाईल. कंपनीच्या साइटवर फोन अजूनही कमी किंमतीत विकला जात आहे.
Samsung Galaxy M01 Core
सॅमसंग गॅलेक्सी एम01 कोर लो एंड मोबाईल आहे जो जुन्या डिजाईन वर सादर झाला आहे. या फोन मध्ये कोणतीही नॉच नाही उलट स्क्रीनच्या चारही बाजूंना बेजल्स आहेत. हा फोन कंपनीने 5.3 इंचाच्या एचडी+ टीएफटी डिस्प्ले वर लॉन्च केला गेला आहे. Samsung Galaxy M01 Core अँड्रॉइड गो आधारित स्मार्टफोन आहे जो वन यूआई सह क्वॉड कोर प्रोसेसर तसेच मीडियाटेक 6739 चिपसेट वर चालतो.
Samsung Galaxy M01 Core च्या बॅक पॅनल वर फोटोग्राफीसाठी फ्लॅश लाईट सह 8 मेगापिक्सलचा रियर कॅमेरा देण्यात आला आहे तसेच सेल्फी व वीडियो कॉलिंगसाठी हा फोन 5 मेगापिक्सलच्या फ्रंट कॅमेऱ्याला सपोर्ट करतो. पावर बॅकअपसाठी हा फोन 3,000एमएएच च्या बॅटरीला सपोर्ट करतो.
