Samsung ने घोषणा केली आहे कि कंपनी भारतात आपली गॅलेक्सी एम सीरीज वाढवणार आहे आणि येत्या 18 सप्टेंबरला या सीरीजचा नवीन फोन Galaxy M30s भारतात लॉन्च केला जाईल. Samsung Galaxy M30s ई-कॉमर्स साइट अमेझॉन इंडिया वर लिस्ट पण करण्यात आला आहे ज्यावरून स्पष्ट झाले आहे कि गॅलेक्सी एम सीरीजच्या इतर स्मार्टफोन्स प्रमाणे Galaxy M30s पण अमेझॉन वर सेल साठी उपलब्ध होईल. लॉन्चच्या आधीच Samsung Galaxy M30s चे अनेक स्पेसिफिकेशन्स समोर आले आहेत. तर आता या फोनच्या कॅमेरा डिटेल्सचा पण खुलासा झाला आहे.
कॅमेऱ्याची माहिती
Samsung Galaxy M30s ट्रिपल रियर कॅमेऱ्याला सपोर्ट करेल. इंडियन टिप्स्टरने या फोनचे स्पेसिफिकेशन्स लीक करत दावा केला आहे कि Galaxy M30s च्या बॅक पॅनल वर एफ/2.0 अपर्चर वाला 48-मेगापिक्सलचा प्राइमारी सेंसर दिला जाईल. त्याचबरोबर हा फोन एफ/2.2 अपर्चर वाल्या 5-मेगापिक्सलच्या सेकेंडरी आणि एफ/2.2 अपर्चर वाल्या 8-मेगापिक्सलच्या तिसऱ्या सेंसरला सपोर्ट करेल. तसेच सेल्फी साठी Galaxy M30s मध्ये 24-मेगापिक्सलचा फ्रंट कॅमेरा मिळण्याची शक्यता वर्तवण्यात आली आहे.
6,000एमएएच बॅटरी
Samsung कंपनी Galaxy M30s स्मार्टफोन सह #GoMonster हॅशटॅग वापरत आहे. हा टॅग फोनची बॅटरी दर्शवतो जी गॅलेक्सी एम30एस ची सर्वात मोठी यूएसपी आहे. पावर बॅकअप साठी या फोन मध्ये 6,000एमएएच ची दमदार बॅटरी मिळेल जी 25वॉट फास्ट चार्जिंगला सपोर्ट करेल. फोन मध्ये यूएसबी टाईप-सी पोर्ट दिला जाईल जो बॅटरी जलद गतीने चार्ज करण्यास मदत करेल. विशेष म्हणजे हा पहिला सॅमसंग एंडरॉयड स्मार्टफोन असेल जो इतक्या पावरच्या बॅटरीला सपोर्ट करेल.
हे देखील वाचा: आता स्वस्त मोबाईल मध्ये पण असेल 5G, बदलेल स्मार्टफोन्सची दुनिया
स्पेसिफिकेशन्स
Samsung Galaxy M30s चे स्पेसिफिकेशन्स पाहता समोर आलेल्या रिपोर्ट नुसार हा डिवाईस पण वॉटरड्रॉप नॉच डिस्प्ले वर सादर केला जाईल. या फोन मध्ये 2400 × 1080 पिक्सल रेज्ल्यूशन वाला 6.4-इंचाचा फुलएचडी+ डिस्प्ले मिळू शकते. बोलले जात आहे कि सॅमसंग हा फोन एंडरॉयड 9 पाई वर सादर करेल ज्या सोबत प्रोसेसिंग साठी Galaxy M30s मध्ये कंपनीचा एक्सनॉस 9610 चिपसेट दिला जाईल.
भारतात Samsung Galaxy M30s दोन वेरिएंट्स मध्ये लॉन्च केला जाऊ शकतो. रिपोर्ट नुसार फोनचा एक वेरिएंट 4जीबी रॅम सह 64जीबी इंटरनल स्टोरेजला सपोर्ट करेल तर दुसऱ्या वेरिएंट मध्ये 6जीबी रॅम मेमरी सह 128जीबी ची इंटरनल मेमरी दिली जाईल. Galaxy M30s च्या बॅक पॅनल वर सिक्योरिटी साठी रियर फिंगरप्रिंट सेंसर देण्यात आला आहे.
हे देखील वाचा: Reliance Jio चे 3 वर्ष पूर्ण, जाणून घ्या 3 वर्षांतील 30 मोठे कारनामे
91मोबाईल्सला Samsung इंडियाच्या असीम वारसी यांनी सांगितले होते कि “दिवाळीपर्यंत Samsung Galaxy M सीरीज मध्ये 3 फोन लॉन्च केले जातील. कंपनी सर्वातआधी Galaxy M30s सादर करणार आहे. त्यानंतर M10s मॉडेल येईल. पुढे Galaxy M30 चा एक नवीन वेरियंट पण सादर केला जाईल.” त्यांनी सांगितले होते कि “तिन्ही फोन तीन प्राइस सेग्मेंट मध्ये असतील. Samsung Galaxy M30s 15 हजार रुपये ते 20 हजार रुपयांच्या बजेट मध्ये सादर केला जाईल. तर Galaxy M10s ची किंमत 10 हजार रुपयांपेक्षा कमी असेल. तर M30 चा नवीन वेरियंट 10 हजार ते 15 हजार रुपयांच्या बजेट मध्ये उपलब्ध होईल.”
